સાઉથ ઈન્ડસ્ટ્રીની લેડી સુપરસ્ટાર નયનતારા હિન્દી દર્શકોમાં પણ ઘણી ફેમસ છે. અભિનેત્રીએ ગત દિવસે તેનો 38મો જન્મદિવસ ઉજવ્યો હતો.
નયનતારાના જન્મદિવસની ઉજવણી તેના પતિએ ખૂબ જ ખાસ રીતે કરી હતી. અભિનેત્રીના પતિ વિગ્નેશ શિવને તેના જન્મદિવસના અવસર પર એક પોસ્ટ શેર કરી હતી.
શેર કરેલી પોસ્ટમાં વિગ્નેશ શિવને પોતાની અને નયનતારાની ઘણી સુંદર તસવીરો શેર કરી છે. આ તસવીરો સોશિયલ મીડિયા પર વાયરલ થઈ રહી છે.
આ સાથે વિગ્નેશ શિવને પણ પત્નીના વખાણમાં એક લાંબી પોસ્ટ શેર કરી છે. આ સાથે તેણે કેપ્શનમાં નયનતારા સાથેના તેના સુંદર જીવનનો પણ ઉલ્લેખ કર્યો.
આપને જણાવી દઈએ કે, લગ્નના 4 મહિના બાદ જ આ કપલ માતા-પિતા બનવાના સમાચારમાં હતું. પરંતુ બાદમાં ખબર પડી કે તેમના બાળકોનો જન્મ સરોગસી દ્વારા થયો છે.