બાર્બાડિયન સિંગર રીહાન્નાના ચાહકો માટે સારા સમાચાર છે. રિહાન્ના છ વર્ષ પછી સ્ટેજ પર પરફોર્મ કરવાની છે. પોપ સ્ટાર રીહાન્ના ફેબ્રુઆરી 2023માં સુપર બાઉલ હાફટાઇમ શો કરશે.
રીહાનાએ પોતાના ઈન્સ્ટાગ્રામ પર એનએફએલ-બ્રાન્ડેડ ફુટબોલનો એક ફોટો શેર કર્યો હતો. સુપર બોલ મેચ 12 ફ્રેબુઆરીના રોજ કેલિફોર્નિયાના ગ્લેનડેલના સ્ટેટ ફાર્મ સ્ટેડિયમમાં રમાશે.
રીહાના એવા ગાયકોની યાદીમાં સામેલ થશે. જેમણે ભૂતકાળમાં પણ શોમાં પરફોર્મ કર્યું છે. જેમ કે, પ્રિન્સ, બેયોન્સ, લેડી ગાગા, જેનિફર લોપેઝ, શકીરા વગેરે.
સુપર બાઉલ હાફટાઈમ શો વર્ષનો સૌથી મોટો સિંગિંગ શોમાંથી એક છે. જેમાં કલાકારો મેચ દરમિયાન પોતાનું શાનદાર પર્ફોમન્સ આપે છે.
રીહાનાને 2019માં હાફટાઈમ શોમાં પરફોર્મ કરવા માટે ઓફર આપવામાં આવી હતી પરંતુ કેટલાક કારણોસર પોપ સ્ટારે આ ઓફર ઠુકરાવી હતી.