અભ્યાસ માટે લોન લીધી, પિતા ભૂતપૂર્વ ગૃહ મંત્રી, બહેન વકીલ, આવો છે 25 વર્ષની ઉંમરે ડેબ્યુ અભિનેત્રીનો પરિવાર
તમને જણાવી દઈએ કે, જ્યારે ભૂમિ માત્ર 18 વર્ષની હતી, ત્યારે તેના પિતા સતીશ પેડનેકરનું અવસાન થયું હતુ.આજે આપણે ભૂમિ પેડનેકરના પરિવાર તેમજ પર્સનલ લાઈફ વિશે વાત કરીએ.
ભૂમિ પેડનેકરનો આવો છે પરિવાર
યશ રાજ ફિલ્મ્સમાં 6 વર્ષ સુધી સહાયક કાસ્ટિંગ ડિરેક્ટર તરીકે કામ કર્યા પછી, તેમણે કંપનીની રોમેન્ટિક કોમેડી ફિલ્મ દમ લગા કે હૈશા (2015) માં એક વધુ વજનવાળી દુલ્હન તરીકે પોતાની ફિલ્મી કારકિર્દીની શરૂઆત કરી, જેના કારણે તેણીને શ્રેષ્ઠ મહિલા ડેબ્યૂ ફિલ્મફેર એવોર્ડ મળ્યો હતો.
અભિનેત્રીએ ટોયલેટ: એક પ્રેમ કથા (2017), શુભ મંગલ સાવધાન (2017), બાલા (2019) અને પતિ પત્ની ઔર વો (2019)માં અભિનય કરીને પ્રસિદ્ધિ મેળવી હતી. સાંડ કી આંખ (2019)માં સિત્તેર વર્ષની શાર્પશૂટર ચંદ્રો તોમર અને બધાઈ દો (2022)માં ક્લોઝેટેડ લેસ્બિયન તરીકેના અભિનય માટે તેમને બે વાર શ્રેષ્ઠ અભિનેત્રીનો ફિલ્મફેર ક્રિટિક્સ એવોર્ડ જીત્યો હતો.ત્યારબાદ ભીડ (2023), અફવાહ (2023) અને ભક્ષક (2024)માં અભિનય કર્યો છે.
સ્ક્રીનની બહાર અભિનેત્રી પેડનેકર એક પર્યાવરણવાદી છે, અને 2023થી, યુનાઇટેડ નેશન્સ ડેવલપમેન્ટ પ્રોગ્રામ માટે આબોહવા પરિવર્તન અંગે જાગૃતિ ફેલાવે છે.
અભિનેત્રીએ જુહુના આર્ય વિદ્યા મંદિરમાંથી શાળાકીય શિક્ષણ મેળવ્યું છે. 15 વર્ષની ઉંમરે, તેના માતાપિતાએ વ્હિસલિંગ વુડ્સ ઇન્ટરનેશનલમાં અભિનયનો અભ્યાસ કરવા માટે તેના માટે સ્ટડીમાટે લોન લીધી હતી, પરંતુ ઓછી હાજરીને કારણે તેને કાઢી મૂકવામાં આવી હતી.
દોઢ વર્ષની અંદર તેણી યશ રાજ ફિલ્મ્સમાં સહાયક કાસ્ટિંગ ડિરેક્ટર તરીકે જોડાઈ અને લોન ચૂકવી દીધી હતી. મીડિયા રિપોર્ટ મુજબ અભિનેત્રી ભૂમિ પેડનેકરની કુલ નેટવર્થ અંદાજે 15 કરોડ રુપિયા છે.
તમને જાણીને નવાઈ લાગશે કે, ભૂમિ પેડણેકરે તેની પહેલી ફિલ્મ 'દમ લગા કે હઈશા' માટે લગભગ 12 કિલો વજન વધાર્યું હતું.
આ ફિલ્મ પછી, તેણે પોતાને ફિટ રાખવા માટે સખત મહેનત કરી અને કસરતની સાથે ડાયેટનું પાલન કરીને લગભગ 33 કિલો વજન ઘટાડ્યું. તેણે લગભગ એક વર્ષમાં આ સિદ્ધિ મેળવી હતી.
ખાસ વાત એ છે કે, ભૂમિ પોતાની પહેલી ફિલ્મથી રાતોરાત સ્ટાર બની ગઈ. આ પછી તેણે ઘણી ફિલ્મોમાં કામ કર્યું. ભૂમિને ફિલ્મ ઉદ્યોગમાં આવ્યાને 10 વર્ષ થઈ ગયા છે.
અભિનેત્રીના ચાહકો ખુબ મોટી સંખ્યામાં છે. તેમજ તેની ફિલ્મો પણ વધારે પસંદ કરે છે
