BSNLનો માત્ર 1 રુપિયાનો પ્લાન, 30 દિવસ માટે મળશે કોલિંગ 2GB ડેટા અને SMSનો લાભ
BSNL એ સ્વતંત્રતા દિવસ નિમિત્તે આ નવા પ્લાનની જાહેરાત કરી છે. સરકારી ટેલિકોમ કંપનીનો આ નવો પ્લાન વધુને વધુ યુઝર્સને તેના તરફ આકર્ષિત કરવાનો છે. આવો, BSNL ના નવા પ્લાન વિશે જાણીએ
આ નવી ફ્રીડમ ઓફરની જાહેરાત કરવામાં આવી છે. સરકારી ટેલિકોમ કંપનીએ જણાવ્યું હતું કે વપરાશકર્તાઓને ફક્ત 1 રૂપિયામાં સાચી ડિજિટલ સ્વતંત્રતા મળશે.
આ પ્લાન 30 દિવસની વેલિડિટી સાથે આવે છે. 1 રૂપિયાના રિચાર્જમાં, વપરાશકર્તાઓને સમગ્ર ભારતમાં દૈનિક 2GB હાઇ સ્પીડ ડેટા અને અમર્યાદિત કોલિંગ તેમજ રાષ્ટ્રીય રોમિંગનો લાભ મળે છે. ઉપરાંત, વપરાશકર્તાઓને આ પ્લાનમાં દરરોજ 100 મફત SMSનો લાભ પણ મળશે.
TRAIના તાજેતરના અહેવાલ મુજબ, છેલ્લા કેટલાક મહિનામાં BSNL અને Viના લાખો વપરાશકર્તાઓએ નેટવર્ક સ્વિચ કર્યું છે. વપરાશકર્તાઓની સંખ્યામાં સતત ઘટાડો જોતાં, સરકારી ટેલિકોમ કંપનીએ આ ઓફર આપી છે. સરકાર BSNLનો ARPU વધારવા માંગે છે. આ માટે, હવે દર મહિને સમીક્ષા બેઠક યોજાશે. ટેલિકોમ ઓપરેટરને પ્રતિ વપરાશકર્તા તેની સરેરાશ આવક 50 ટકા વધારવાનો લક્ષ્યાંક આપવામાં આવ્યો છે. ઉપરાંત, ARPU વધારવા માટે યોજનાઓને મોંઘા ન બનાવવાના નિર્દેશો આપવામાં આવ્યા છે.
