સેલમાં મળતું ડિસ્કાઉન્ટ અસલી છે કે નકલી ? Amazon પર શોપિંગ કરતા પહેલાં આ રીતે ચેક કરો પ્રોડક્ટનો જૂનો ભાવ
Amazon અને Flipkart પર સેલ શરૂ થઈ ગઈ છે. સેલ દરમિયાન સ્માર્ટફોનથી લઈને હોમ એપ્લાયન્સિસ સુધીની વિવિધ પ્રોડક્ટ્સ પર મોટા ડિસ્કાઉન્ટ અને આકર્ષક ઑફર્સનો દાવો કરવામાં આવી રહ્યો છે. આજે અમે તમને જણાવીશું કે સેલમાં મળતા ફોન, AC, TV અને ફ્રિજ જેવી પ્રોડક્ટ્સની અગાઉની કિંમત કેટલી હતી અને સેલ દરમિયાનની વર્તમાન કિંમતમાં કેટલો તફાવત છે.
ગુરુવાર 08ઓક્ટોબરથી Amazon India પર Great India Festival Sale અને Flipkart Big Billion Days Sale માટે અર્લી ઍક્સેસ શરૂ થઈ ગયું છે. સેલ દરમિયાન ગ્રાહકોને અનેક ડીલ્સ અને ડિસ્કાઉન્ટ ઑફર્સ જોવા મળી રહી છે. (Image Source | iStock)
સેલ દરમિયાન ઘણા લોકોના મનમાં સવાલ ઊભો થાય છે કે આ ડીલ ખરેખર ફાયદાકારક છે કે પછી માત્ર ડિસ્કાઉન્ટ બતાવીને ગ્રાહકોને આકર્ષવાનો પ્રયાસ કરવામાં આવી રહ્યો છે. ચાલો, આ તપાસવાની સૌથી સરળ રીત જાણીએ. (Image Source | iStock)
ઈ-કોમર્સ પ્લેટફોર્મ પર ચાલી રહેલી સેલ દરમિયાન ડિસ્કાઉન્ટ કેટલું વાસ્તવિક છે અને કેટલું ભ્રામક છે, તે જાણવું હવે સરળ બની શકે છે. હકીકતમાં, Amazon India પર એક ખાસ વિકલ્પ જોવા મળી રહ્યો છે. તેના પર ક્લિક કરીને તમે જાણી શકો છો કે અગાઉના દિવસોમાં કોઈ પ્રોડક્ટની કિંમત કેટલી હતી અને હાલની ડીલમાં ખરેખર કેટલા રૂપિયાની બચત થઈ રહી છે. (Image Source | iStock)
Amazon India પર કોઈ પણ વસ્તુ ખરીદતાં પહેલાં તેની કિંમત તપાસો. પ્રોડક્ટની કિંમતની નજીક તમને Price History નામનો વિકલ્પ જોવા મળી શકે છે. તેના પર ક્લિક કરો. આ વિકલ્પની મદદથી તમે જાણી શકશો કે પ્રોડક્ટની અગાઉની કિંમત કેટલી હતી અને હાલની કિંમતમાં કેટલો ઘટાડો થયો છે. (Image Source | Amazon)
Price History વિકલ્પ પર ક્લિક કરતાં તમારી સામે એક ગ્રાફ ખુલશે. આ ગ્રાફમાં પ્રોડક્ટની અગાઉની કિંમતો અને હાલની કિંમતની સરખામણી જોઈ શકાશે. આ ગ્રાફ દ્વારા એક મહિના, ત્રણ મહિના અને એક વર્ષ સુધીનો કિંમતનો ડેટા તપાસી શકાય છે. તેનાથી તમને અંદાજ આવશે કે પ્રોડક્ટની કિંમત અગાઉ ક્યારે કેટલી હતી અને હાલનું ડિસ્કાઉન્ટ ખરેખર કેટલું ફાયદાકારક છે. (Image Source | Amazon)
આ ફીચરનો ઉપયોગ કરીને તમે અલગ-અલગ પ્રોડક્ટ્સની કિંમતો તપાસી શકો છો. તેમાં સ્માર્ટફોનથી લઈને હોમ એપ્લાયન્સિસ સુધીની વિવિધ પ્રોડક્ટ્સ કિંમતોનો સમાવેશ થાય છે. (Image Source | iStock)
આ તમામ ફોન અને હોમ એપ્લાયન્સિસની કિંમતનો ગ્રાફ દ્વારા દર્શાવવામાં આવ્યો છે. આ રીતે તમે જાણી શકો છો કે અલગ-અલગ મહિનામાં તેની કિંમત કેટલી રહી હતી અને હાલની કિંમત અગાઉની સરખામણીમાં કેટલી ઓછી કે વધારે છે. (Image Source | iStock)
Amazon India નું Price History ફીચર તબક્કાવાર ઉપલબ્ધ થઈ રહ્યું હોવાનું અહેવાલમાં જણાવાયું છે. હાલમાં આ વિકલ્પ કેટલાક વપરાશકર્તાઓને દેખાઈ રહ્યો છે અને આગામી દિવસોમાં અન્ય વપરાશકર્તાઓને પણ ઉપલબ્ધ થઈ શકે છે. મહત્વનું છે કે એપ Update હોય. (Image Source | iStock)
આ ફીચરનો ઉપયોગ કરીને વિવિધ પ્રોડક્ટ્સની જૂની અને નવી કિંમતોની સરખામણી કરી શકાય છે. કેટલીક પ્રોડક્ટ્સમાં અગાઉની કિંમત અને હાલની કિંમત વચ્ચે નોંધપાત્ર તફાવત જોવા મળી શકે છે. (Image Source | iStock)
