કારમાં કેમ ન પહેર્યું હેલમેટ? વાંચો કેમ મળ્યો E-Memo
ગાઝિયાબાદમાં એક મામલો સામે આવ્યો છે જ્યાં પોલીસે કારની અંદર હેલ્મેટ ન પહેરવા બદલ એક શખ્સને દંડ ફટકાર્યો હતો.
તમે જોયું હશે કે પોલીસે ખોટા પાર્કિંગ માટે, વધુ ઝડપે વાહન ચલાવવું, આ દિવસોમાં માસ્ક ન પહેરવાનું, હેલમેટ ન પહેર્યું હોય તો દંડ ફટકારતા, પરંતુ શું તમે ક્યારેય કોઈને કાર ચલાવતા સમયે હેલ્મેટ ન પહેરવાનો દંડ ભરતો જોયો છે? જી હા, તમે સાચું સાંભળ્યું ગાઝિયાબાદમાં પણ આવો જ એક કિસ્સો સામે આવ્યો છે જ્યાં પોલીસે કારની અંદર હેલ્મેટ ન પહેરવા બદલ દંડ ફટકાર્યો હતો.
ગાઝિયાબાદના નંદગ્રામમાં રહેતા સુરેશ કુમારે જણાવ્યું હતું કે તેમની પાસે એક ચલણ (E-Memo) પહોંચ્યો છે જે 10 મહિના જૂનો છે. ચલણ ઉપર કારમાં બેઠો તેનો ફોટો છે. પરંતુ તેમની પાસે જે ચલણ (E-Memo) આવ્યું છે, તે હેલ્મેટ ન પહેરવા બદલ 500 રૂપિયાના ચલણ (E-Memo) કાપવામાં આવ્યા છે. સુરેશે જણાવ્યું હતું કે E-Memo 19 એપ્રિલ, 2020 તારીખ લખી છે. તેમણે કહ્યું કે કાર ચલાવતા સમયે કોઈ હેલ્મેટ કેવી રીતે પહેરી શકે છે. કાર ચલાવતા સમયે હેલ્મેટ પહેરવાનો કોઈ નિયમ નથી. જો ગાઝિયાબાદ ટ્રાફિક પોલીસે આવો નિયમ બનાવ્યો છે, તો લોકોને જાગૃત કરો.
તેમણે અધિકારીઓ પાસે માંગ કરી છે કે આ મેમો રદ કરવામાં આવે.
Latest News Updates
