Maharashtra: મોટી બહેનની છેડતી કરનારાઓને નાની બહેને ભણાવ્યો પાઠ, લોકોએ કરી સરાહના
Maharashtra: બે બાઈકસવાર યુવકને છોકરીની છેડતી કરવી ભારે પડી. મોટી બહેનની છેડતી થતા નાની બહેને યુવકને ધોઇ નાખ્યો.
Maharashtra: મહારાષ્ટ્રાના ઔરંગાબાદમાં (Aurangabad) બે યુવકોને રસ્તા પર એક છોકરીની છેડતી કરવી ભારે પડી ગઈ. પીડિત છોકરી યુવકોની હરકતોથી ડરી ગઈ. પરંતુ તેની નાની બહેને મર્દાની બનીને તેમને પાઠ ભણાવ્યો. જેની લોકો સરાહના કરી રહ્યા છે. આ મામલાનો વીડિયો સોશિયલ મીડિયામાં વાયરલ થઈ રહ્યો છે.
મહારાષ્ટ્રના ઔરંગાબાદ શહેરના સુતગિરની ચોક પાસેથી નીકળી રહેલી એક છોકરીને બાઈક સવાર બે યુવકોએ રોકી. આરોપી યુવકોએ છોકરીની છેડતી ચાલુ કરી દીધી. યુવકોની આ હરકતના કારણે છોકરી ખૂબ જ ખરાબ રીતે ડરી ગઈ. આ સમયે પીડિત છોકરીની એક નાની બહેન ત્યા પહોંચી ગઈ.
પીડિતાની નાની બહેને ડર્યા વગર આરોપી યુવકોને પાઠ ભણાવ્યો. નાની બહેને રસ્તા પર યુવકોને મારવાનું શરુ કર્યુ. છોકરીનો ગુસ્સો જોઈ યુવકોનો પરસેવો છૂટી ગયો. એક આરોપી તો પોતાનું બાઈક મૂકીને ભાગી ગયો. જ્યારે બીજાને છોકરીએ પકડી લીધો અને ગરદન પકડીને તેને ધોઈ નાખ્યો.
આ દરમિયાન ઘટનાસ્થળ પર લોકોની ભીડ એકઠી થઈ ગઈ. કેટલાક લોકોએ આ આખી ઘટનાનો વીડિયો બનાવી લીધો જે સોશિયલ મીડિયામાં હવે વાયરલ થઈ રહ્યો છે. વાયરલ વીડિયોમાં છોકરીના સાહસને જોઈ લોકો હેરાન છે. સોશિયલ મીડિયા યૂઝર્સ નાની બહેનના ખૂબ વખાણ કરી રહ્યા છે. કોઈ તેને મર્દાની કઈ રહ્યુ છે તો કોઈ ઝાંસીની રાણી કહી રહ્યું છે.
આ પણ વાંચો: સારા સમાચાર : ઝાયડસ કેડીલાની બાળકોની રસીનું ટ્રાયલ લગભગ પૂરું, જાણો ક્યારથી શરૂ થશે બાળકોનું રસીકરણ
આ પણ વાંચો: Gujarat : રસીની અછત મુદ્દે નાયબ મુખ્યપ્રધાનનું સ્પષ્ટીકરણ, ગુજરાતમાં આપ પક્ષની કોઇ નોંધ પણ લેતું નથી