ઓનલાઈન ફ્રેન્ડશીપ કરતા પહેલાં ચેતી જજો! આ ઘટના તમારી આંખ ઉઘાડનારી છે!
સોશિયલ મીડિયા પર કોઈ એપ્લિકેશનથી અજાણી યુવતીઓ સાથે મિત્રતા કરતા પહેલા ચેતી જજો, નહીં તો લૂંટાઈ જશો. અમદાવાદના સેટેલાઇટમાં આવી જ એક આંખ ઉઘાડનારી ઘટના સામે આવી છે. સેટેલાઈટના એક વેપારીએ પત્ની સાથે છૂટાછેડા લીધા હતા, જે બાદ ટીન્ડર એપ્લિકેશન મારફતે જાનવી નામની યુવતી સાથે તેમની મિત્રતા થઈ હતી. મેસેજમાં વાતચીત થયા બાદ તેઓ થોડા […]
સોશિયલ મીડિયા પર કોઈ એપ્લિકેશનથી અજાણી યુવતીઓ સાથે મિત્રતા કરતા પહેલા ચેતી જજો, નહીં તો લૂંટાઈ જશો. અમદાવાદના સેટેલાઇટમાં આવી જ એક આંખ ઉઘાડનારી ઘટના સામે આવી છે. સેટેલાઈટના એક વેપારીએ પત્ની સાથે છૂટાછેડા લીધા હતા, જે બાદ ટીન્ડર એપ્લિકેશન મારફતે જાનવી નામની યુવતી સાથે તેમની મિત્રતા થઈ હતી. મેસેજમાં વાતચીત થયા બાદ તેઓ થોડા દિવસ પહેલા એસજી હાઇવે પર મળ્યા હતાં. બાદમાં બીજા દિવસે મળવાનો વાયદો પણ થયો હતો. બીજા દિવસે મળ્યા અને બાદમાં જાનવી નામની યુવતીએ વેપારીને વૈષ્ણોદેવી ખાતે આવેલા ફ્લેટમાં લઈ ગઈ હતી. ફ્લેટ પર પહોંચીને વાતો કર્યા બાદ જાનવીએ અર્ધનગ્ન થઈ વેપારીને પણ તેમ કરવા કહ્યું હતું. ઠીક તે સમયે ત્યાં ત્રણ લોકો ધસી આવ્યા હતા અને જાનવી તેમની બહેન થાય છે તેમ કહી વેપારીને માર માર્યો હતો. એક વ્યક્તિ જાનવીને લઈને નીકળી ગયો હતો, જ્યારે યુવરાજસિંહ નામનો વ્યક્તિ ગોતા પોલીસ સ્ટેશનમાં પોલીસ તરીકે નોકરી કરતો હોવાનું કહી રેપ કેસમાં ફસાવી દેવાની ધમકી આપી હતી. યુવરાજસિંહ નામના વ્યક્તિએ વેપારી પાસેથી 50 લાખની ખંડણી માગી હતી, અંતે 20 લાખમાં ડીલ થઈ હતી. આંગડિયા પેઢી થકી રૂપિયા પણ આપી દીધા હતા. આ ઘટનાથી આઘાતમાં સરી ગયેલા વેપારીને હાઇપ્લોગ્લાસમિયાનો એટેક આવી ગયો.
આ પણ વાંચો: અમદાવાદ: ફીને લઈ શાળાની મનમાની, ફી ન ભરનાર વિદ્યાર્થીઓનું ઓનલાઇન શિક્ષણ કર્યું બંધ
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો