નવરાત્રિની ઉજવણી ભલે નથી થઇ રહી, પણ નવરાત્રિના માસ્ક મચાવી રહ્યા છે ધૂમ
ભારતમાં તહેવારો લોકોના જીવનમાં આનંદ ઉલ્લાસ તો લાવે જ છે. પણ, તહેવારો ઘણા લોકો માટે કમાણીનું સાધન પણ હોય છે. આ વર્ષે કોરોનાએ અનેક તહેવારો પર અસર કરી છે. ગુજરાતીઓના માનીતા તહેવાર નવરાત્રીની આ વર્ષે ઉજવણી નથી થઇ રહી. ત્યારે તેની પણ લોકોના ધંધા રોજગાર પર જોવા મળી રહી છે. લોકડાઉનમાં પડેલા આર્થિક ફટકામાંથી લોકો […]
ભારતમાં તહેવારો લોકોના જીવનમાં આનંદ ઉલ્લાસ તો લાવે જ છે. પણ, તહેવારો ઘણા લોકો માટે કમાણીનું સાધન પણ હોય છે. આ વર્ષે કોરોનાએ અનેક તહેવારો પર અસર કરી છે. ગુજરાતીઓના માનીતા તહેવાર નવરાત્રીની આ વર્ષે ઉજવણી નથી થઇ રહી. ત્યારે તેની પણ લોકોના ધંધા રોજગાર પર જોવા મળી રહી છે.
લોકડાઉનમાં પડેલા આર્થિક ફટકામાંથી લોકો હજી બહાર નથી આવ્યા ત્યાં તહેવારો પર બ્રેક પડતા લોકોની હાલત કફોડી થઈ ગઈ છે. નવરાત્રી પર પ્રતિબંધ મુકાતા ગાયક, મંડપ, સાઉન્ડ, કેટરિંગ સહિત ટેટુ આર્ટિસ્ટ અને બ્યુટીપાર્લર ચલાવતા લોકોને પણ પડી છે. જોકે આફતને અવસરમાં બદલીને આ ટેટુ આર્ટિસ્ટોએ નવરાત્રીમાં ટેટુ બનાવવાના બદલે ડિઝાઈનર માસ્ક બનાવવાનું શરૂ કર્યું છે.
લોકોને સાદા માસ્કને બદલે ડિઝાઈનર માસ્ક વધુ પસંદ પડી રહ્યા છે. અને આ માટે તેમણે નવરાત્રી સ્પેશ્યિલ માસ્ક તૈયાર કર્યા છે. જેમાં માતાજી, કૃષ્ણ રાધે, ઢોલ નગારા, ગરબે ઘુમતા ખેલૈયાઓની ડિઝાઇન કરવામાં આવી છે. આ માસ્ક લોકોને ખૂબ પસંદ પણ પડી રહ્યા છે.
આ વર્ષે ભલે લોકો ગરબા ગ્રાઉન્ડ પર ગરબાની મજા માણતાં જોવા નહીં મળે. પણ નવરાત્રીની ફીલિંગ લાવવા તેઓ ચહેરા પર નવરાત્રિને રિલેટેડ માસ્ક પહેરીને ફરતા જરૂરથી જોવા મળશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો