અમદાવાદમાં કોરોનાની મહામારી વચ્ચે મકાનમાલિકે નેવે મુકી માનવતા, મકાનનું ભાડુ ન ચુકવી શકનારા વૃદ્ધ દંપતિને પહેરેલે કપડે બહાર કાઢી મુક્યા, 6 મહિનાતી રસ્તા પર જીવન ગુજારવા મજબુર દંપતિ
અમદાવાદના જુહાપુરા વિસ્તારમાં ભાડાની રીક્ષા ચલાવી ગુજરાન ચલાવતા ધીરુભાઇએ પત્ની રેખા બેનના ઈલાજ માટે પોતાના તમામ પૈસા ખર્ચી નાખ્યા અને તેઓ ઘરનું બે મહિનાનું માત્ર 6000 રૂપિયા ભાડું ચૂકવી ન શક્યા અને મકાન માલિકે ધીરુભાઈ અને તેમના પત્નીને પહેરેલા કપડે લોકડાઉનના ચાર દિવસ પહેલા ઘરમાંથી કાઢી મુક્યા અને દંપત્તિના સામાન સહિત ઘરને તાળું મારી દીધું […]
અમદાવાદના જુહાપુરા વિસ્તારમાં ભાડાની રીક્ષા ચલાવી ગુજરાન ચલાવતા ધીરુભાઇએ પત્ની રેખા બેનના ઈલાજ માટે પોતાના તમામ પૈસા ખર્ચી નાખ્યા અને તેઓ ઘરનું બે મહિનાનું માત્ર 6000 રૂપિયા ભાડું ચૂકવી ન શક્યા અને મકાન માલિકે ધીરુભાઈ અને તેમના પત્નીને પહેરેલા કપડે લોકડાઉનના ચાર દિવસ પહેલા ઘરમાંથી કાઢી મુક્યા અને દંપત્તિના સામાન સહિત ઘરને તાળું મારી દીધું .
ત્યારબાદ કોરોનાના કારણે દેશમાં લોકડાઉન લાગુ થયું જેમાં ધીરુભાઈનો ધંધો બંધ થઈ ગયો અને આજે પરિસ્થિતી એ થઈ છે કે ધીરુભાઈ અને તેમના પત્નિ રેખાબેન છેલ્લા 6 મહિનાથી પણ વધારે સમયથી રાતદિવસ રસ્તા પસાર કરવાં મજબુર બન્યા છે.રેખાબેનનું સ્વાસ્થ્ય સારું ન હોવાથી તેઓ ધીરુભાઈના મિત્રની ગાડીમાં રાત દિવસ પસાર કરે છે. જ્યારે ધીરુભાઈ આખો દિવસ ભાડાની રીક્ષા ચલાવે અને રાત રીક્ષામાં પસાર કરે છે.
લોકડાઉન લાગું ન થયું હોત તો ધીરુભાઈને આશા હતી કે તેઓ દસેક દિવસમાં મકાન ભાડાના પૈસા ચૂકવી દેશે પરંતુ લોકડાઉનના લાગુ થતા પરિસ્થિતિ વણસી અને આજે એ પરિસ્થિતિ છે કે દંપત્તિ છેલ્લા છ મહિનાથી પણ વધુ સમયથી દંપત્તિ રસ્તા પર જીવન વિતાવવા મજબુર બન્યું છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો