વડોદરા સેન્ટ્રલ જેલના 18 કેદીને કોરોના, સંપર્કમાં આવનારા અન્ય કેદી-સિપાઈને ક્વોરોન્ટાઈન કરાયા

વડોદરા સેન્ટ્રલ જેલમાં કેદ રહેલા 18 કેદીને કોરોનાનો રિપોર્ટ પોઝીટીવ આવતા જેલતંત્ર ચોકી ઉઠ્યુ છે. કોરોના પોઝીટીવ એવા 18 કેદીમાંથી એક પાકા કામના કેદી અને 17 કાચાકામના કેદીઓ છે. જે તમામને હાલ એસએસજી હોસ્પિટલમાં સારવાર અર્થે ખસેડવામાં આવ્યા છે. તો 18 કેદીના સંપર્કમાં આવેલા અન્ય કેદીઓ અને જેલના સિપાઈ કે અન્યોને ક્વોરોન્ટાઈન કરાયા છે.