Yummy Recipes : કોરોના કાળમાં બહારનું ટાળો, ઘરે જ બનાવો આ સ્વાદિષ્ટ સાબુદાણા વડા
હાલ કોરોનાની મહામારી વચ્ચે બહાર જઇને ખાવુ કે બહારનું મંગાવીને ખાવું જોખમી સાબિત થઇ શકે છે માટે હવે ઘરે જ બનાવો સ્વાદિષ્ટ વ્યંજન
હાલ કોરોનાની મહામારી વચ્ચે બહાર જઇને ખાવુ કે બહારનું મંગાવીને ખાવું જોખમી સાબિત થઇ શકે છે માટે હવે ઘરે જ બનાવો સ્વાદિષ્ટ વ્યંજન અને બાળકો તથા પરિવાર સાથે ઘરે જ રહીને માણો ચટપટા સ્વાદ. આજે આપણે Yummy Recipes માં બનાવીશું સાબુદાણાના વડા (Sabudana Na Vada) જે ખાસ કરીને ભારતમાં વ્રતના સમયે કે તેહવારના સમયે બનાવવામાં આવતા હોય છે. સાબુદાણાનો ઉપયોગ મોટે ભાગે ફરાળી ડીશોમાં થતો હોઈ છે તેવીજ એક ફરાળી ડીશ આજે આપણે શીખીશું. જે બનાવવામાં ખુબ જ થોડો સમય લાગશે અને સૌને પસંદ પણ પડશે. ન કેવળ વ્રત માટે જ પરંતુ આપ આ ડીશ એક સાઈડ ડીશ તરીકે પણ ભોજન સમયે સર્વ કરી શકો છો. ઉપરાંત મહેમાનની સામે એક સ્ટાર્ટર ડીશ તરીકે પણ પ્રસ્તુત કરી શકો છો. આપને આ વાનગીની સાથે અલગ-અલગ ચટણીઓ બનાવવાની પણ જરૂર નહી રહે. કારણકે આ ડીશની સાથે આપ રેડીમેડ ટોમેટો સોસ પણ સર્વ શકો છો.
સાબુદાણાના વડા બનાવવા માટેની આવશ્યક સામગ્રીઓ:
મુખ્ય સામગ્રીઓ:
૧૦૦ ગ્રામ સાબુદાણા (Sago).
૨ મધ્યમ કદના બાફેલા બટાટા (potatoes).
૨ ચમચી ડ્રાઈ બ્રેડ ક્રમ્બ (dry bread crumbs).
૨ ચમચી ભાંગેલા બી (coarsely grinded peanuts).
અન્ય સામગ્રીઓ:
૧ ચમચી આદું-મરચાંની પેસ્ટ (ginger-chili paste).
૧ ચમચી જીરું (cumin seeds).
નમક સ્વાદ અનુસાર (salt).
અડધા લીંબુનો રસ (lemon juice).
૧ ચમચી કોથમીર (coriander leaves).
તળવા માટે તેલ (oil).
સજાવટ માટે:
ટોમેટો કેચપ (tomato ketchup).
સાબુદાણાના વડા બનાવવાની રીત:
- સાબુદાણાને ૨-૩ કલાક માટે પાણીમાં પલાળી તેને નીતારી લો. ત્યારબાદ તેને ચોખ્ખા કપડામાં લઇ લો જેથી તે સુકાય જાય. હવે સુકા સાબુદાણાને બાઉલમાં લઇ, બટાટાને સ્મેશ કરી લો અને બાઉલમાં ઉમેરો.
- હવે તેમાં આદું-મરચાંની પેસ્ટ, જીરું, નમક, લીંબુનો રસ, કોથમીર અને ડ્રાઈ બ્રેડ કમબ અને કોર્ન ફ્લોર ઉમેરી બધુજ સરખી રીતે મિક્ષ કરી લો.
- હવે આ મિક્ષ્ચરમાંથી નાની સાઈઝની ટીક્કી અથવા વડા બનાવી લો. આપ આ ટિક્કીને કોઈ પણ પ્રકારનો શેપ આપી શકો છો. હવે કડાઈમાં તેલ ગરમ કરી, તેલ ગરમ થઇ જાય ત્યારે તેમાં વડાને નાંખી પ્રથમ ઊંચા તાપમાન પણ તળો, થોડી વાર બાદ ગેસ ધીમો કરી લો.
- આ વડાને ગોલ્ડન બ્રાઉન થઇ ત્યાં સુધી તળો. ત્યાર બાદ સર્વિંગ પ્લેટમાં લઇ ટોમેટો કેચપ સાથે સર્વ કરો.