Bihar: સીએમ નીતિશ કુમારની સુરક્ષામાં મોટી ખામી, એક યુવકે કર્યો હુમલાનો પ્રયાસ
બિહારના સીએમ નીતિશ કુમારની સુરક્ષામાં મોટી ભૂલ સામે આવી છે. પટનામાં એક કાર્યક્રમમાં પહોંચેલા સીએમ નીતિશ કુમારને એક વ્યક્તિએ પાછળથી મુક્કો મારવાનો પ્રયાસ કર્યો હતો.
બિહારના (Bihar) સીએમ નીતિશ કુમારની સુરક્ષામાં મોટી ભૂલ સામે આવી છે. પટનામાં એક કાર્યક્રમમાં પહોંચેલા સીએમ નીતિશ કુમાર (CM Nitish Kumar) પર હુમલો કરવાનો પ્રયાસ કરવામાં આવ્યો હતો. એક વ્યક્તિએ સીએમને પાછળથી મુક્કો માર્યો. આ દરમિયાન સીએમ નીતિશ કુમારની સુરક્ષામાં હાજર પોલીસકર્મીઓએ (Bihar Police) તરત જ આરોપીને કસ્ટડીમાં લઈ લીધો હતો. યુવકની ઓળખ બખ્તિયારપુરના રહેવાસી શંકર ઉર્ફે છોટુ તરીકે થઈ છે. સમાચાર મુજબ સીએમ નીતિશ કુમાર બાઢ લોકસભા મતવિસ્તારના બે દિવસીય પ્રવાસ પર છે. તેઓ અહીં તેમના જૂના સાથીદારોને મળી રહ્યા છે.
સીએમ પર હુમલાનો વીડિયો વાયરલ થઈ રહ્યો છે
આજે તેઓ બખ્તિયારપુરમાં શીલભદ્રની પ્રતિમાને પુષ્પાંજલિ અર્પણ કરવા પહોંચ્યા હતા, ત્યારે ભીડ વચ્ચે હાજર છોટુ નામના વ્યક્તિએ બહાર આવીને સીએમ પર હુમલો કરવાનો પ્રયાસ કર્યો હતો. યુવકે તેમને પાછળથી મુક્કો માર્યો. પરંતુ સુરક્ષાકર્મીઓએ તેને કસ્ટડીમાં લઈ લીધો હતો. આશ્ચર્યની વાત એ છે કે, આરોપી સિક્યોરિટી ગાર્ડની સામેથી થઈને સ્ટેજ પર પહોંચ્યો અને કોઈને કંઈ સમજાયું નહીં. તેણે સીએમ પર હુમલો કરતાની સાથે જ ત્યાં હાજર પોલીસકર્મીઓએ તેને પકડી લીધો હતો. આ ઘટનાનો વીડિયો ઝડપથી વાયરલ થઈ રહ્યો છે.
Bihar | A youth tried to attack CM Nitish Kumar during a program in Bakhtiarpur. The accused was later detained by the Police.
(Viral video) pic.twitter.com/FoTMR3Xq8o
— ANI (@ANI) March 27, 2022
યુવકે હુમલો કરતા જ સીએમ નીતિશ કુમાર ગભરાઈ ગયા હતા. પણ તેમણે તરત જ પોતાની જાતને સંભાળી લીધી. સીએમ સાથેની આવી ઘટના બાદ તેમના સુરક્ષાકર્મીઓએ આરોપીઓને મારવાનો પ્રયાસ કર્યો, પરંતુ સીએમએ તેમને રોક્યા. પોલીસ હવે પોલીસ સ્ટેશનમાં યુવકની પૂછપરછ કરી રહી છે. જણાવવામાં આવી રહ્યું છે કે યુવકની સોના-ચાંદીની દુકાન છે. પત્નીએ તેનો સાથ છોડી દીધો છે. જેના કારણે તે પરેશાન પણ રહે છે. મુખ્યમંત્રીની સુરક્ષામાં મોટી ક્ષતિનો મામલો સામે આવ્યા બાદ અધિકારીઓમાં ખળભળાટ મચી ગયો છે.
આ પણ વાંચો : Amarnath Yatra 2022: બે વર્ષ બાદ અમરનાથ યાત્રા 30 જૂનથી શરૂ થશે, 43 દિવસ ચાલશે, શ્રાઈન બોર્ડની બેઠકમાં લેવાયો નિર્ણય