Weather Update: દેશના ઘણા રાજ્યોમાં તાપમાનમાં ઘટાડો, દિલ્હી-એનસીઆરમાં ગત રાત્રિથી વાવાઝોડા સાથે ભારે વરસાદ, આગામી 2 કલાક સુધી ચાલુ રહેશે
દેશના અનેક રાજ્યોમાં તાપમાનમાં ઘટાડો નોંધાયો છે. રાજધાની દિલ્હી (Delhi) અને તેની આસપાસના વિસ્તારોમાં ગઈ રાતથી ભારે વરસાદ (Rain) થઈ રહ્યો છે. શુક્રવારે સવારથી ગાજવીજ સાથે વરસાદ ચાલુ છે.
Weather Update: દેશની રાજધાની દિલ્હી (Delhi) એનસીઆરમાં ગઈ રાતથી સતત વરસાદ પડી રહ્યો છે. જેના કારણે તાપમાનમાં ઘટાડો નોંધાયો છે. રિજનલ વેધર ફોરકાસ્ટિંગ સેન્ટર (Regional Weather Forecasting) એ આગામી બે કલાક માટે નવી દિલ્હી અને NCRમાં વરસાદ (Rain)અને ગાજવીજ સાથે વરસાદની આગાહી કરી છે. તેમણે કહ્યું છે કે, ‘દિલ્હી અને એનસીઆરના ઘણા વિસ્તારોમાં આગામી 2 કલાક સુધી હવામાનની આગાહી ચાલુ રહી શકે છે. આ વિસ્તારોમાં લોની દેહત, હિંડોન એએફ સ્ટેશન, બહાદુરગઢ, ગાઝિયાબાદ, ઈન્દિરાપુરમ, છપરાઉલા, નોઈડા, દાદરી, ગ્રેટર નોઈડા, ગુરુગ્રામ, ફરીદાબાદ અને બલ્લભગઢનો સમાવેશ થાય છે.હવામાન વિભાગે શુક્રવારે મધ્યમ વરસાદ અને ગાજવીજ સાથે ઓરેન્જ એલર્ટ જાહેર કર્યું હતું. ભારે પવનની શક્યતા હતી.
એક દિવસ પહેલા, દિલ્હીના વધારાના હવામાન સ્ટેશનોમાં મહત્તમ તાપમાન 40 ડિગ્રી સેલ્સિયસની આસપાસ નોંધાયું હતું. IMD એ શનિવારથી ચાર દિવસ સુધી વાવાઝોડા અથવા હળવા વરસાદની ચેતવણી સાથે યલો એલર્ટ જારી કર્યું હતું. રવિવાર સુધીમાં તાપમાનનો પારો 36 ડિગ્રી સેલ્સિયસ સુધી ગગડી જવાની સંભાવના છે. વિભાગના જણાવ્યા મુજબ, 22 જૂન પછી, હવામાન સાફ થશે અને સૂકા પવનો પ્રવર્તશે, જો કે, તાપમાન ઝડપથી વધવાની આગાહી નથી. દિલ્હીમાં ચોમાસુ સામાન્ય તારીખ 27મી જૂન અથવા તેના એક-બે દિવસ પહેલા પહોચવાનું અમુમાન લગાડવામાં આવી રહ્યું છે.
12 જૂન સુધી ગરમીની અસર રહી છે
ભારતીય હવામાન વિભાગ (IMD) કહે છે કે 29 જૂન સુધી હીટ વેવની સ્થિતિ ઓછી રહેવાની ધારણા છે. ઉત્તરપશ્ચિમ ભારત 2 જૂનથી ગરમીના મોજાની પકડમાં હતું જ્યારે મધ્ય ભારતમાં 10 જૂનથી ગરમ અને સૂકા પશ્ચિમી પવનોને કારણે. IMD અનુસાર, 3 જૂનથી દિલ્હી, જમ્મુ અને કાશ્મીર, હિમાચલ પ્રદેશ, ઉત્તરાખંડ, ઉત્તર રાજસ્થાન, પંજાબ, હરિયાણા, દક્ષિણ-પૂર્વ ઉત્તર પ્રદેશ, ઉત્તર મધ્ય પ્રદેશ અને મહારાષ્ટ્રના વિદર્ભ ક્ષેત્રમાં ગરમીના મોજાની અસર શરૂ થઈ હતી. 12મી જૂન સુધી રોકાયો હતો.
હવામાન વિભાગે જણાવ્યું કે દક્ષિણ પશ્ચિમ ચોમાસું 23 જૂનથી 29 જૂન વચ્ચે મધ્ય ભારતના બાકીના ભાગો અને ઉત્તર પશ્ચિમ ભારતના ઘણા ભાગોમાં પહોંચવાની સંભાવના છે. IMD કહે છે કે વેસ્ટર્ન ડિસ્ટર્બન્સને કારણે પશ્ચિમ હિમાલયના પ્રદેશો અને તેની આસપાસના પંજાબ, હરિયાણા, ચંદીગઢ, દિલ્હી અને ઉત્તર પ્રદેશમાં ભારે વરસાદની અપેક્ષા છે. આ ઉપરાંત રાજસ્થાનમાં પણ આગામી પાંચ દિવસ દરમિયાન વરસાદ પડશે.