Weather Update: યુપી-બિહાર સહિત આ રાજ્યોમાં થશે ભારેથી અતિ ભારે વરસાદ, જાણો તમારા શહેરની સ્થિતિ

આવનારા દિવસોમાં આસામ, સિક્કિમ, અરુણાચલ પ્રદેશ, ઉત્તરાખંડ, ઉત્તર પ્રદેશ, બિહાર અને મધ્ય પ્રદેશ સહિત ઘણા રાજ્યોમાં ભારે વરસાદ (Heavy Rain) પડી શકે છે. આ સાથે ગોવા, કર્ણાટક, આંધ્રપ્રદેશ, રાજસ્થાન અને પશ્ચિમ બંગાળમાં ભારેથી અતિ ભારે વરસાદની આશંકા છે.

Weather Update: યુપી-બિહાર સહિત આ રાજ્યોમાં થશે ભારેથી અતિ ભારે વરસાદ, જાણો તમારા શહેરની સ્થિતિ
Heavy Rain
Follow Us:
TV9 Gujarati
| Edited By: | Updated on: Jun 28, 2022 | 1:19 PM

ભારતીય હવામાન વિભાગ (IMD) એ આગાહી કરી છે કે આવનારા કેટલાક દિવસોમાં આસામ, સિક્કિમ, અરુણાચલ પ્રદેશ, ઉત્તરાખંડ, ઉત્તર પ્રદેશ, બિહાર અને મધ્ય પ્રદેશ સહિત ઘણા રાજ્યોમાં ભારે વરસાદ (Heavy Rain) પડી શકે છે. આ સાથે ગોવા, કર્ણાટક, આંધ્રપ્રદેશ, રાજસ્થાન અને પશ્ચિમ બંગાળમાં ભારેથી અતિ ભારે વરસાદની આશંકા છે. પશ્ચિમ રાજસ્થાનમાં 1 જુલાઈએ, ઉત્તરાખંડમાં 30 જૂને, પૂર્વ રાજસ્થાનમાં 28 જૂને, પશ્ચિમ ઉત્તર પ્રદેશમાં 28 જૂન અને 1 જુલાઈએ અને હિમાચલ પ્રદેશમાં 29-30 જૂને છૂટાછવાયા વરસાદની શક્યતા છે. હવામાન વિભાગનું કહેવું છે કે ઉત્તરાખંડમાં આગામી બે દિવસમાં છૂટાછવાયાથી ભારે વરસાદ, 29 અને 30 જૂને પશ્ચિમી ઉત્તર પ્રદેશ અને 30 જૂન સુધી આગામી થોડા દિવસોમાં પૂર્વ ઉત્તર પ્રદેશમાં છૂટાછવાયાથી ભારે વરસાદ પડી શકે છે.

મધ્યપ્રદેશમાં આગામી કેટલાક દિવસો સુધી કેટલાક સ્થળોએ ભારે વરસાદની સંભાવના છે. ઉપ-હિમાલયન પશ્ચિમ બંગાળમાં 29 જૂન સુધી ભારેથી અતિ ભારે વરસાદની અપેક્ષા છે. કોસ્ટલ આંધ્રપ્રદેશ, તેલંગાણા અને કોસ્ટલ કર્ણાટકમાં પણ આગામી થોડા દિવસોમાં વરસાદ પડશે. આસામ સહિત પૂર્વોત્તરના ઘણા રાજ્યોમાં ભારે વરસાદને કારણે પૂરની સ્થિતિ પ્રવર્તી રહી છે. સિક્કિમના ગંગટોકમાં ભૂકંપના કારણે એક મકાન ધરાશાયી થતાં એક જ પરિવારના ત્રણ સભ્યોના મોત થયા છે. મૃતકોમાં એક 8 વર્ષનો છોકરો અને 7 મહિનાના બાળકનો સમાવેશ થાય છે.

આ રાજ્યોમાં ગાજવીજ સાથે વરસાદ પડશે

હવામાન વિભાગે 27 જૂને એક ટ્વિટમાં જણાવ્યું હતું કે, ઉત્તરપૂર્વ ભારત અને ઉપ-હિમાલયન પશ્ચિમ બંગાળ અને સિક્કિમમાં આગામી 5 દિવસ દરમિયાન વિવિધ સ્થળોએ ગાજવીજ અને વીજળીના ચમકારા સાથે છૂટાછવાયાથી ભારે વરસાદની શક્યતા છે. જો કે રાજધાની દિલ્હીમાં સોમવારનો દિવસ ભેજવાળો રહ્યો હતો. મંગળવારે સવારે ગરમી હતી અને લઘુત્તમ તાપમાન સામાન્ય કરતા ત્રણ ડિગ્રી વધુ નોંધાયું હતું. જો કે હવામાન વિભાગે સાંજ સુધી હળવો વરસાદ અને ગાજવીજ સાથે વરસાદની આગાહી કરી છે.

ગરમી વધતા જ અપાય છે જુદા - જુદા કલરના એલર્ટ, જાણો શું છે તેનો અર્થ
શરીરમાં કયા વિટામિનની કમી છે કેવી રીતે જાણશો ?
IPL 2024 : આંખોમાં આંસુ, ગૂંગળામણની લાગણી... રિયાન પરાગે તેની તોફાની ઈનિંગ પછી શું કહ્યું?
ગુજરાતમાં ક્યાં છે ક્રિકેટરની પત્ની MLA રિવાબા જાડેજાનું ઘર
IPL 2024માં KKR ના માલિકોની સુંદર દીકરીઓ, જુઓ તસવીરો
IPL 2024: ખરાબ રીતે ફ્લોપ ચાલી રહેલ 17 કરોડનો ખેલાડીએ ભગવાન કૃષ્ણના શરણમાં

દિલ્હીમાં લઘુત્તમ તાપમાન 30.8 ડિગ્રી

મંગળવારે સવારે દિલ્હીમાં શહેરનું લઘુત્તમ તાપમાન 30.8 ડિગ્રી સેલ્સિયસ નોંધાયું હતું. IMDના એક અધિકારીએ જણાવ્યું કે, મંગળવારે રાષ્ટ્રીય રાજધાનીમાં હળવો વરસાદ અથવા ગાજવીજ સાથે વરસાદ થવાની સંભાવના છે. આકાશ વાદળછાયું રહેશે. હવામાનશાસ્ત્રીઓના મતે દિલ્હીમાં 29 જૂનથી વરસાદ પડશે. હવામાનશાસ્ત્રીઓએ જણાવ્યું હતું કે દિલ્હીથી ચોમાસું માત્ર થોડા દિવસો દૂર છે અને પ્રથમ 10 દિવસમાં સારા વરસાદની અપેક્ષા છે.

Latest News Updates

g clip-path="url(#clip0_868_265)">