What India Thinks Today: અગ્નિપથ દેશની સ્થિતિ અને દિશા બદલવાની યોજના છે, ભ્રામક વાતોથી છેતરાશો નહીં : રાજનાથ સિંહ
What India Thinks Today: દેશભરમાં અગ્નિપથ યોજનાને લઈને ચાલી રહેલા વિરોધ વચ્ચે TV9 ગ્લોબલ સમિટમાં વાતચીત દરમિયાન કેન્દ્રીય સંરક્ષણ મંત્રી રાજનાથ સિંહે મહત્વપૂર્ણ નિવેદન આપ્યું છે.
What India Thinks Today: દેશભરમાં અગ્નિપથ યોજનાને (Agneepath yojana)લઈને ચાલી રહેલા વિરોધ વચ્ચે TV9 Global Summit માં વાતચીત દરમિયાન (Rajnath singh)કેન્દ્રીય સંરક્ષણ મંત્રી રાજનાથ સિંહે મહત્વપૂર્ણ નિવેદન આપ્યું છે. તેમણે કહ્યું કે અમારી સરકાર અગ્નિપથ યોજના લઈને આવી છે. કેટલાક લોકો આમાં ભ્રમણા ઉભી કરી રહ્યા છે અથવા કદાચ નવી સ્કીમ છે તેથી કેટલીક ગેરસમજ પણ છે. આ બનાવતા પહેલા અમે ઘણી ચર્ચા કરી છે. તેને દોઢ વર્ષથી તૈયાર કરવામાં આવી છે. પરંતુ અમે ઈચ્છીએ છીએ કે દેશના નાગરિકોમાં દેશ માટે પ્રતિબદ્ધતા હોય. આ ચાર વર્ષની સેવા છે. ચાર વર્ષ પૂરા થયા બાદ તેના હાથમાં 11 લાખ 71 હજાર રૂપિયા હશે.
દેશના સંરક્ષણ મંત્રીએ કહ્યું કે અગ્નિપથ યોજના સંરક્ષણ ક્ષેત્રે ક્રાંતિકારી પરિવર્તન લાવશે. કેટલાક લોકો અગ્નિપથ વિરુદ્ધ ખોટી માન્યતાઓ ફેલાવી રહ્યા છે. અગ્નિવીરોને રોજગારની નવી તકો મળશે. રાજનાથ સિંહે કહ્યું કે જો તે હાઈસ્કૂલ કર્યા પછી એડમિશન લે છે તો તેને ઈન્ટર સર્ટિફિકેટ મળશે, જ્યારે ઈન્ટરનો અભ્યાસ કર્યા પછી એડમિશન થશે તો તેને ડિપ્લોમા સર્ટિફિકેટ મળશે. તેમના જણાવ્યા અનુસાર, ઘણી રાજ્ય સરકારો અગ્નિવીરોને રોજગાર આપવા માટે સંમત થઈ છે.
તેમણે કહ્યું કે જાહેર ક્ષેત્રે અગ્નિવીરોને રોજગાર આપવાનું વચન આપ્યું છે. સંરક્ષણ મંત્રીએ વધુમાં કહ્યું કે સરકાર અગ્નિવીરોને સસ્તી લોન પણ આપશે. તેમણે કહ્યું કે અગ્નિવીરોના ભવિષ્યને લઈને જે પ્રશ્નો ઉઠાવવામાં આવી રહ્યા છે તે પાયાવિહોણા છે. અગ્નિવીરોની તાલીમની સૈન્ય ગુણવત્તા સાથે કોઈ બાંધછોડ કરવામાં આવશે નહીં. અમે યુદ્ધના નવા પડકારો માટે પણ તૈયાર છીએ. તેણે કહ્યું કે અગ્નિવીર સેનાની જેમ ટ્રેનિંગ લઈને સ્ટીલ બની જશે.
CAPF-આસામ રાઈફલ્સમાં અગ્નિવીર માટે 10% આરક્ષણ
કેન્દ્રીય ગૃહ મંત્રાલયે શનિવારે કેન્દ્રીય સશસ્ત્ર પોલીસ દળો (CAPF) અને આસામ રાઇફલ્સમાં અગ્નિવીર માટે 10 ટકા ખાલી જગ્યાઓ અનામત રાખવાની જાહેરાત કરી હતી. ગૃહમંત્રી કાર્યાલય દ્વારા આ માહિતી આપવામાં આવી છે. ગૃહ પ્રધાન કાર્યાલયે ટ્વિટ કર્યું, “ગૃહ મંત્રાલયે CAPF અને આસામ રાઈફલ્સમાં ભરતી માટે અગ્નિવીર માટે 10 ટકા ખાલી જગ્યાઓ અનામત રાખવાનો નિર્ણય કર્યો છે.”
અગ્નિવીર માટે ઉપલી વય મર્યાદામાં છૂટછાટ
ગૃહ મંત્રાલયે CAPF અને આસામ રાઈફલ્સમાં ભરતી માટે અગ્નિવીરોની ઉપલી વય મર્યાદામાં છૂટછાટની પણ જાહેરાત કરી હતી. અન્ય ટ્વિટમાં, ગૃહ મંત્રાલયના કાર્યાલયે જણાવ્યું હતું કે, ‘ગૃહ મંત્રાલયે CAPF અને આસામ રાઇફલ્સમાં ભરતી માટે ‘અગ્નિવીર’ માટે ત્રણ વર્ષની ઉપલી વય મર્યાદામાં છૂટ આપવાનો પણ નિર્ણય લીધો છે. આ ઉપરાંત, ‘અગ્નિવીર’ની પ્રથમ બેચને નિર્ધારિત ઉપલી વય મર્યાદામાં પાંચ વર્ષની છૂટછાટ આપવામાં આવશે.