બિહારમાં PFIના નિશાના પર બેરોજગાર અને અભણ યુવાનો ! 15 હજાર યુવાનોને હથિયારો ચલાવવાની તાલીમ અપાઈ હોવાનો ખુલાસો
બિહારમાં ભારતને ઈસ્લામિક દેશ બનાવવા માટે કામ કરી રહેલા ફુલવારી શરીફ ટેરર મોડ્યુલમાં મોટો ખુલાસો થયો છે. PFIએ અહીં તેમના કેમ્પમાં 15,000 યુવાનોને આતંકી તાલીમ આપી છે. આ તાલીમ માટે બેરોજગાર અને અભય યુવાનોને ટાર્ગેટ કરવામાં આવે છે.
બિહારમાં ભારતને ઈસ્લામિક દેશ બનાવવા માટે કામ કરી રહેલા ફુલવારી શરીફ (Phulwari Sharif) ટેરર મોડ્યુલમાં મોટો ખુલાસો થયો છે. PFIએ (Popular Front of India) અહીં તેમના કેમ્પમાં 15,000 યુવાનોને આતંકી તાલીમ આપી છે. આ તાલીમ માટે બેરોજગાર અને અભય યુવાનોને ટાર્ગેટ કરવામાં આવે છે. ભારતને ઈસ્લામિક દેશ બનાવવા માટે ફુલવારી શરીફ ટેરર મોડ્યુલ (Terror Module) પર કામ કરી રહેલા અતહર પરવેઝ અને અરમાન મલિકની ધરપકડ બાદ એક પછી એક ખુલાસા થઈ રહ્યા છે.
PFI ની ઓફિસના નામે પટનાના ફુલવારી શરીફ (Phulwari Sharif patna )માં આતંકી તાલીમ કેમ્પ ચલાવી રહેલા અતહર પરવેઝ અને અરમાન મલિકે બિહારના 15000થી વધુ મુસ્લિમ યુવાનોને હથિયારોની તાલીમ આપી છે. બંનેએ રાજ્યના લગભગ 15 જિલ્લાઓમાં કેમ્પ ઓફિસો ખોલી આવા યુવાનોને હથિયારો તાલીમ આપવાનુ કામ કર્યુ. બિહારમાં, PFI એ આતંકી તાલીમ માટે સીમાંચલ પ્રદેશમાં આવતા પૂર્ણિયા જિલ્લાને મુખ્ય મથક બનાવ્યુ હતુ. પૂર્ણિયામાં હેડક્વાર્ટરની માહિતી સામે આવ્યા બાદ જ્યારે પોલીસની ટીમ ત્યાં દરોડા પાડવા પહોંચી તેને ત્યાંથી અગાઉ જ ગાયબ કરી દેવામાં આવ્યુ હતુ.
પૂર્ણિયામાં PFIની ઓફિસ પર દરોડા
પૂર્ણિયામાં હેડક્વાર્ટર ઓફિસ બંધ હતી. ત્યાં આવતા જતાં લોકો પણ ગાયબ હતા. સૂત્રો પાસેથી પ્રાપ્ત માહિતી અનુસાર, પોલીસે ત્યાંથી એક રજીસ્ટર મેળવ્યું છે જેમાં તે ઓફિસ સાથે જોડાયેલા લોકોના નામ, સરનામું અને મોબાઈલ નંબર લખેલા છે. જેની પોલીસ એક પછી એક તપાસ કરી રહી છે. પોલીસ હવે નામ અને મોબાઈલ નંબરના આધારે તેની કુંડળી ચકાસી રહી છે.
India vision 2047 પર કરી રહ્યા હતા કામ
ધરપકડ કરાયેલા શકમંદોની પૂછપરછ બાદ જે ખુલાસો થઈ રહ્યો છે તે મુજબ, PFIના મિશન 2047 હેઠળ, મુસ્લિમ યુવાનોને ભારતને ઈસ્લામિક રાષ્ટ્ર બનાવવાના હેતુથી માર્શલ આર્ટની આડમાં હથિયારો ચલાવવા અને રમખાણો ફેલાવવા માટે તૈયાર કરવામાં આવી રહ્યા હતા. ગઝવા-એ-હિંદ અને ભારતને ઈસ્લામિક સ્ટેટ બનાવવા માટે India vision 2047 પર કામ કરી રહેલા આતંકવાદીઓએ પૂછપરછમાં ખુલાસો કર્યો છે કે બિહારમાં PFI 15 હજારથી વધુ મુસ્લિમ યુવાનોને ઘાતક અસ્ત્ર શસ્ત્ર ચલાવવાની તાલીમ આપી ચુકી છે.
રસસલાનને આતંકી તાલીમની જવાબદારી
સંસ્થા આ માટે બેરોજગાર અને અભણ યુવાનોને ટાર્ગેટ કરતી હતી અને પછી સંસ્થામાં જોડાવા માટે તેમનું બ્રેઈનવોશ કરતી હતી. તેમને ઇસ્લામ અને બીજી ઘણી બાબતો શીખવવામાં આવી હતી. આ પછી તે ટ્રેનિંગ માટે તૈયાર થઈ જતો હતો.શંકાસ્પદ સંગઠન PFIમાં મહત્વના ગણાતા રસસલાનને બિહારમાં આતંકી ટ્રેનિંગ આપવાની જવાબદારી આપવામાં આવી હતી. એવો દાવો કરવામાં આવી રહ્યો છે કે ફુલવારી શરીફમાં 6 અને 7 જુલાઈની ટ્રેનિંગમાં તે પોતે હાજર હતો.