દિલ્હી હાઇકોર્ટની કેન્દ્રને ફટકાર: ‘હજારો લોકો મરી રહ્યા છે, ત્યારે સ્ટીલ પ્લાન્ટ ચલાવવા તમારી પ્રાથમિકતા?’
ઓક્સિજનના મુદ્દે સુનાવણી કરતી વખતે દિલ્હી હાઇકોર્ટે કેન્દ્ર સરકારને ઔદ્યોગિક હેતુ માટે ઓક્સિજનનો સપ્લાય તાત્કાલિક બંધ કરવા જણાવ્યું હતું.
કોરોના સંકટ વચ્ચે, દિલ્હીની મૈક્સ હોસ્પિટલે આરોપ લગાવ્યો કે તેમના ત્યાં આવતા ઓક્સિજન ટેન્કરને એઈમ્સ મોકલવામાં આવ્યા છે. જેના કારણે તેના દર્દીઓનું જીવન જોખમમાં મુકાયું છે. ઓક્સિજનના અભાવના મુદ્દે, મૈક્સ હોસ્પિટલે દિલ્હી હાઈકોર્ટના દરવાજા ખખડાવ્યા અને તાત્કાલિક સુનાવણીની માંગ કરી. ઓક્સિજનના મુદ્દે સુનાવણી કરતી વખતે કોર્ટે કેન્દ્ર સરકારને ઔદ્યોગિક હેતુ માટે ઓક્સિજનનો સપ્લાય તાત્કાલિક બંધ કરવા જણાવ્યું હતું.
દિલ્હી હાઈકોર્ટે કેન્દ્રને ઠપકો આપ્યો
હાઈકોર્ટે કેન્દ્ર સરકારને ઠપકો આપતા કહ્યું કે તમને માંગ અને સપ્લાયનો કેમ ખ્યાલ નથી? શક્ય તેટલી વહેલી તકે હોસ્પિટલોમાં ઓક્સિજન મોકલવા માટે કેન્દ્રે રોડ પર કોરિડોર બનાવવો જોઈએ અને જો શક્ય હોય તો ઓક્સિજનને એરલીફ્ટ કરાવવામાં આવે. હાઈકોર્ટે કહ્યું કે આપણે આનાથી વધુ શું આદેશ આપીએ.
જીવ બચાવવા માટે શું કરી રહ્યા છો?
દિલ્હી હાઈકોર્ટે કહ્યું કે ઉદ્યોગમાં વપરાતા ઓક્સિજનને તાત્કાલિક બંધ કરાવવા જોઇએ. કોર્ટે કહ્યું કે લોકોને આ રીતે મારતા છોડી દેવાય નહીં. આ એક ખૂબ જ ગંભીર મુદ્દો છે, લોકોનું જીવન એ તેમનો મૂળભૂત અધિકાર છે, તમે તેમના જીવ બચાવવા માટે શું કરી રહ્યા છો?
કોર્ટે કહ્યું કે ઓક્સિજન તે જ ઉદ્યોગોને આપવું જોઈએ જે તબીબી સંબંધિત ઉદ્યોગો સમાન છે. બાકીના] સ્ટીલ અને પેટ્રોલિયમ જેવા ઉદ્યોગોમાં તાત્કાલિક અટકાવવું જોઈએ. હાઈકોર્ટે કહ્યું કે અમને આશ્ચર્ય છે કે ગઈકાલે અમારા આદેશ બાદ પણ હોસ્પિટલોને ઓક્સિજન આપવામાં આવતા નથી.
વિલંભ વગર ઓક્સિજન પહુંચે : હાઈકોર્ટ
દિલ્હી હાઈકોર્ટે કહ્યું કે મૈક્સ હોસ્પિટલ દ્વારા ઉલ્લેખિત 5 શાખાઓમાં, વિલંબ કર્યા વિના તરત જ ઓક્સિજનનું પરિવહન કરવું જોઈએ. કોર્ટે કેન્દ્રને તાત્કાલિક દિલ્હીની હોસ્પિટલોમાં ઓક્સિજન સપ્લાય કરીને જરૂરિયાત પૂરી કરવા અને હાલમાં જેઓ હોસ્પિટલોમાં દાખલ છે તેમના જીવન બચાવવા જણાવ્યું હતું. તેમનો જીવવાનો અધિકાર એ તેમનો મૂળભૂત અધિકાર છે.
બીજી તરફ, આરોગ્ય મંત્રાલયે કહ્યું કે અમે ઉદ્યોગોને ઓક્સિજન આપવાનું બંધ કરવા પત્ર મોકલ્યો છે. પરંતુ કોર્ટે કહ્યું કે અમને તમે પત્રમાં શું લખ્યું એનાથી કોઈ મતલબ નથી, તમે શું કર્યું? આજદિન સુધી ઓક્સિજન ઉદ્યોગોમાં જતા કેમ બંધ નથી થયા?
સરકારને જમીનની સત્યતાની જાણકારી નથી: હાઇકોર્ટ
આપને જણાવી દઈએ કે મૈક્સ હોસ્પિટલ સાકેત, પડપરગંજ, શાલીમાર બાગ, વૈશાલી અને ગુડગાંવની હોસ્પિટલોમાં ઓક્સિજન સપ્લાય કરાવવાની હતી. જેના પર હાઇકોર્ટે ખૂબ જ કડક વલણ અપનાવ્યું હતું. સુનાવણી દરમિયાન કોર્ટે કેન્દ્ર સરકારને કહ્યું હતું કે અમને આશ્ચર્ય થાય છે કે સરકાર જમીનની સત્યથી વાકેફ નથી. દેશમાં હજારો લોકો મરી રહ્યા છે, આવી સ્થિતિમાં, સ્ટીલ પ્લાન્ટ ચલાવવા તમારી પ્રાથમિકતા છે?
આપને જણાવી દઈએ કે દિલ્હી હાઈકોર્ટમાં સુનાવણી દરમિયાન કેન્દ્ર વતી સોલિસીટર જનરલ તુષાર મહેતા અને એડિશનલ સોલિસિટર જનરલ ચેતન શર્મા હાજર થયા હતા. આ ઉપરાંત ઉદ્યોગ મંત્રાલયના અધિક સચિવ સુમિતા ડબરા પણ સુનાવણી માટે કોર્ટમાં હાજર થયા હતા.
હાઈકોર્ટની સુનાવણી દરમિયાન કેન્દ્રનું પ્રતિનિધિત્વ કરી રહેલા સોલિસિટર જનરલ તુષાર મહેતાએ કોર્ટને જણાવ્યું હતું કે ઓક્સિજનનો પુરવઠો રસ્તામાં છે, ટૂંક સમયમાં હોસ્પિટલમાં પહોંચશે. તેમણે કહ્યું કે મૈક્સની એક બીજી હોસ્પિટલમાં ઓક્સિજનનું સપ્લાય કરવામાં આવ્યું છે.
કેન્દ્ર , દિલ્હી સરકારને 480 મેટ્રિક ટન ઓક્સિજન આપશે
નિર્ણય લેવામાં આવ્યો કે કેન્દ્ર દિલ્હી સરકારને 480 મેટ્રિક ટન ઓક્સિજન આપશે. હોસ્પિટલોમાં ઓક્સિજન વિતરણ કરવાની જવાબદારી દિલ્હી સરકારની રહેશે. હાઈકોર્ટે કહ્યું કે જે લોકોને હોસ્પિટલોમાં ઓક્સિજનની જરૂર હોય તેમને ઓક્સિજન આપવું જોઈએ. આજે એટલે કે ગુરુવારે ફરી હાઈકોર્ટ સુનાવણી કરશે.
આ પણ વાંચો: વેક્સિન પર ઉઠેલા સવાલોના જવાબ, જાણો વેક્સિન લીધા પછી કેટલા લોકોને થયો કોરોના
Latest News Updates
