પ્રેમમાં બંધાયેલો સંબંધ રેપ નથી, હાઈકોર્ટ, લગ્ન કરવાની ના પાડતા પ્રેમિકાએ દાખલ કર્યો કેસ
અલ્હાબાદ હાઈકોર્ટે એક કેસની સુનાવણી દરમિયાન મહત્વપૂર્ણ આદેશ આપ્યા છે. જેમાં હાઈકોર્ટે કહ્યું છે કે જો પ્રેમ પ્રકરણ દરમિયાન શારીરિક સંબંધો બને છે તો તેને રેપ ન કહી શકાય. હાઈકોર્ટે આ નિર્ણય એક યુવતીની ફરિયાદ પર આપ્યો છે. જેમાં યુવતીનો આરોપ છે કે તેના પ્રેમીએ પહેલા લગ્નના બહાને તેની સાથે બળાત્કાર કર્યો અને બાદમાં તેની સાથે લગ્ન કરવાની ના પાડી.
Allahabad High Court: અલાહાબાદ હાઈકોર્ટે પ્રેમ પ્રકરણ દરમિયાન શારીરિક સંબંધોને લઈને મહત્વનો નિર્ણય સંભળાવ્યો છે. હાઈકોર્ટે સ્પષ્ટ કહ્યું છે કે આ બળાત્કાર નથી. એક યુવતીની અરજી પર સુનાવણી કરતા હાઈકોર્ટે આ નિર્ણય આપ્યો છે. જેમાં યુવતીએ આરોપ લગાવ્યો છે કે તે એક યુવક સાથે પ્રેમ સંબંધમાં હતી.
આ પણ વાંચો: બહેનો પરિવારની સભ્ય નથી, ભાઈઓની જગ્યાએ નોકરી ન મેળવી શકે: કર્ણાટક હાઈકોર્ટ
આ દરમિયાન આરોપીએ તેની સાથે બળાત્કાર કર્યો અને બાદમાં તેની સાથે લગ્ન કરવાની ના પાડી દીધી. સંત કબીર નગર પોલીસ સ્ટેશનમાં નોંધાયેલ આ કેસ સુનાવણી અને અપીલ દરમિયાન હાઈકોર્ટમાં પહોંચ્યો હતો.
આવા સંબંધને કોઈ પણ દૃષ્ટિકોણથી બળાત્કાર ન કહી શકાય: Allahabad High Court
બંને પક્ષોને સાંભળ્યા બાદ હાઈકોર્ટે પોતાનો ચુકાદો આપતાં સ્વીકાર્યું છે કે બળાત્કાર સમયે પીડિત યુવતી પુખ્ત હતી અને તેણે પોતાની મરજીથી આરોપી યુવક સાથે શારીરિક સંબંધો બાંધ્યા હતા. આવી સ્થિતિમાં આવા સંબંધને કોઈ પણ દૃષ્ટિકોણથી બળાત્કાર ન કહી શકાય. આ સાથે હાઈકોર્ટે યુવતીની અરજી રદ કરી દીધી છે. આ કેસની સુનાવણી જસ્ટિસ અનીશ કુમાર ગુપ્તાની કોર્ટમાં થઈ હતી.
પીડિત યુવતી સંત કબીર નગરની રહેવાસી
કોર્ટે આરોપી ઝિયાઉલ્લાહની અરજી સ્વીકારતા આ નિર્ણય આપ્યો છે. આ અરજી નીચલી કોર્ટમાં દાખલ કરવામાં આવેલી ચાર્જશીટને પડકારતી અરજી દાખલ કરવામાં આવી હતી. કેસ ડાયરી મુજબ પીડિત યુવતી સંત કબીર નગરની રહેવાસી છે. તેણે પોલીસને ફરિયાદ આપી હતી કે તે 2008માં તેની બહેનના લગ્નમાં ગોરખપુર ગઈ હતી.
આરોપીના પરિવારે તેને ધંધા માટે સાઉદી મોકલ્યો હતો
તે લગ્નમાં તે આરોપીને મળી હતી. ત્યારબાદ બંને પ્રેમમાં પડ્યા અને આરોપીએ લગ્નના બહાને તેની સાથે બળાત્કાર ગુજાર્યો. પીડિત યુવતીએ પોતાના નિવેદનમાં કહ્યું હતું કે થોડા દિવસો પછી આરોપીના પરિવારે તેને ધંધા માટે સાઉદી મોકલ્યો હતો, પરંતુ જ્યારે તે પાછો આવ્યો ત્યારે તેણે તેની સાથે લગ્ન કરવાનો ઇનકાર કરી દીધો હતો.
