Telangana: CRPF કેમ્પમાં એક જવાને બીજા જવાનને ગોળીએ વિંધી નાખ્યો, પછી પોતાને પણ મારી ગોળી

Telangana CRPF Firing News: તેલંગાણામાં સીઆરપીએફના એક જવાને કેમ્પમાં અન્ય એક જવાનની ગોળી મારીને હત્યા કરી દીધી. બાદમાં તેણે પોતાને પણ ગોળી મારી દીધી હતી.

Firing between CRPF jawans in Telangana (Symbolic image)

TV9 Gujarati | Edited By: Bipin Prajapati | Updated on: Dec 26, 2021 | 12:22 PM

Firing Between CRPF Jawans in Telangana: તેલંગાણાના મુલુગુ (Mulugu) જિલ્લામાંથી એક ચોંકાવનારા સમાચાર સામે આવ્યા છે. અહીં સીઆરપીએફ ( CRPF ) કેમ્પમાં ફાયરિંગની ઘટના સામે આવી છે. એક જવાને બીજા જવાનને ગોળી મારીને, પોતાને પણ ગોળી મારી દીધી. આ ઘટનામાં CRPFના એક જવાનનું મોત નીપજ્યું છે, જ્યારે CRPFના બીજા જવાનની હાલત ગંભીર છે. મુલુગુ પોલીસ અધિક્ષકના જણાવ્યા અનુસાર,(Venkatapuram Police Station,) વિસ્તારમાં સ્થિત સીઆરપીએફ (CRPF) કેમ્પની 39 બટાલિયનમાં આજે સવારે 8.30 વાગ્યે ગોળીબારની ઘટના બનવા પામી હતી.

તેમણે જણાવ્યું કે CRPF હેડ કોન્સ્ટેબલ સ્ટીફને CRPF SI ઉમેશ ચંદ્ર પર પોતાની બંદૂકમાંથી ગોળીબાર કર્યો હતો અને પછી પોતાને પણ ગોળી મારી દીધી. પોલીસના જણાવ્યા અનુસાર, એસઆઈ ઉમેશ ચંદ્રનું ઘટનાસ્થળે જ મોત નીપજ્યું હતું, જ્યારે હેડ કોન્સ્ટેબલ સ્ટીફનની હાલત ગંભીર છે. જેમને વારંગલની હોસ્પિટલમાં સારવાર માટે દાખલ કરવામાં આવ્યા છે. તેલંગાણા પોલીસે, સીઆરપીએફ કેમ્પમાં થયેલ ગોળીબાર અંગે ગુનો નોંધી તપાસ શરૂ કરી છે. ઘટનાનું સાચું કારણ હજુ સુધી જાણી શકાયું નથી.

આ પણ વાંચોઃ

Web Stories View more