Sidhu Moose Wala: પંજાબી ગાયક સિદ્ધુ મૂસેવાલા પંચતત્વમાં વિલીન, અંતિમ વિદાય આપવા માટે એકઠા થયા લોકો
પંજાબી ગાયક અને કોંગ્રેસ નેતા સિદ્ધુ મૂસેવાલાના (Sidhu Moose Wala) મંગળવારે પંજાબના તેમના ગામ મુસામાં અંતિમ સંસ્કાર કરવામાં આવ્યા હતા.
પંજાબી ગાયક અને કોંગ્રેસ નેતા સિદ્ધુ મૂસેવાલાના (Sidhu Moose Wala) મંગળવારે પંજાબના (Punjab) તેમના ગામ મુસામાં અંતિમ સંસ્કાર કરવામાં આવ્યા હતા. આ દરમિયાન મોટી સંખ્યામાં લોકો તેમને અંતિમ વિદાય આપવા પહોંચ્યા હતા. સિદ્ધુ મૂસેવાલા ની અંતિમ યાત્રા મંગળવારે સવારે નીકળી હતી. આ દરમિયાન સેંકડો લોકોએ તેમાં ભાગ લીધો હતો. આ દરમિયાન તેમના પાર્થિવ દેહને ટ્રેક્ટરમાં બેસાડીને ગામની બહાર અંતિમ સંસ્કાર માટે બનાવેલી જગ્યા પર લઈ જવામાં આવ્યો હતો.
સિદ્ધુ મૂસેવાલાની રવિવારે તેમના ગામની બહાર રોડ પર ગોળી મારીને હત્યા કરવામાં આવી હતી. બદમાશો બે કારમાં આવ્યા અને તેમનું વાહન રોક્યું અને તેમના પર ગોળીબાર કર્યો. મંગળવારે છેલ્લી મુલાકાતની તસ્વીરોમાં જોવા મળતું હતું કે તેના પરિવારની હાલત ખરાબ હતી. મૂસેવાલાના પિતાએ પણ તેમની અંતિમ મુલાકાત સમયે લોકોની ભીડ સામે તેમની પાઘડી ઉતારી હતી.
મોટી સંખ્યામાં સમર્થકો
મુસેવાલાની લાશ મંગળવારે તેના પિતા અને પરિવારના સભ્યોને મનસાની જિલ્લા હોસ્પિટલમાંથી મળી આવી હતી. તેમના અંતિમ સંસ્કારમાં રાજસ્થાન, પંજાબ અને ચંદીગઢના લોકો પણ પહોંચ્યા હતા. મૂસેવાલાના અંતિમ સંસ્કાર સમયે મોટી સંખ્યામાં પોલીસ પણ તહેનાત કરવામાં આવી હતી.
લોરેન્સ બિશ્નોઈ ગેંગે જવાબદારી લીધી
પંજાબી ગાયક અને કોંગ્રેસ નેતા સિદ્ધુ મૂસેવાલાની હત્યાની જવાબદારી ગેંગસ્ટર ગોલ્ડી બ્રાર અને લોરેન્સ બિશ્નોઈ ગેંગે લીધી છે. આ સાથે જ પંજાબના મુખ્યમંત્રી ભગવંત માને હત્યા કેસની તપાસ માટે ન્યાયિક પંચની રચના કરવાની જાહેરાત કરી છે. આ સાથે ડીજીપીએ મામલાની તપાસ SIT દ્વારા કરાવવાની વાત પણ કરી હતી.
બુલેટપ્રૂફ કાર વગર નીકળી ગયો
ડીજીપીએ રવિવારે મોડી સાંજે પ્રેસ કોન્ફરન્સ કરીને માહિતી આપી હતી કે સિધુ મુસેવાલાની હત્યાની જવાબદારી લોરેન્સ બિશ્નોઈ ગેંગે લીધી છે. તેની હત્યા કરવા માટે બદમાશોએ 3 પ્રકારના હથિયારોનો ઉપયોગ કર્યો હતો. તેમની હત્યાના એક દિવસ પહેલા રાજ્ય સરકારે 424 લોકોની સુરક્ષા પાછી ખેંચી લીધી હતી. તેના પર ડીજીપીએ માહિતી આપી હતી કે મુસેવાલાને 4 કમાન્ડો મળ્યા છે. તેમની પાસેથી માત્ર 2 કમાન્ડો પાછા ખેંચાયા હતા. તેની સાથે બે કમાન્ડો હતા. પરંતુ રવિવારે બહાર જતી વખતે તેણે પોતાના કમાન્ડો અને બુલેટ પ્રુફ કાર સાથે લીધી ન હતી.
બીજી તરફ, સિદ્ધુ મુસેવાલાની હત્યાનો શંકાસ્પદ લોરેન્સ બિશ્નોઈ હાલમાં દિલ્હીની તિહાર જેલમાં બંધ છે. કહેવામાં આવી રહ્યું છે કે પંજાબ પોલીસ પ્રોડક્શન રિમાન્ડ લઈને તેની પૂછપરછ કરી શકે છે.
Latest News Updates
