ચાર ધામના દર્શન કરાવશે રામાયણ સર્કિટ રેલ યાત્રા, મળશે આ સુવિધાઓ
અધિકારીએ જણાવ્યું કે આ ટ્રેનમાં થર્ડ એસી ક્લાસ કોચ હશે, જેમાં કુલ 600 મુસાફરોને શુદ્ધ શાકાહારી ભોજન સાથે પ્રવાસનો આનંદ માણવાની સુવિધા મળશે. તેમણે જણાવ્યું કે એક વ્યક્તિના રોકાણ માટેના પેકેજની કિંમત 84 હજાર રૂપિયા છે,
ભારત ગૌરવ ટ્રેન આધારિત રામાયણ સર્કિટ રેલ યાત્રાના (Ramayana Circuit Rail Yatra) સફળ સંચાલન બાદ પ્રવાસીઓની માંગને ધ્યાનમાં રાખીને ફરી એકવાર બીજી રામાયણ સર્કિટ રેલ યાત્રા 24 ઓગસ્ટથી શરૂ થશે. IRCTCના ચીફ રિજનલ મેનેજર અજીત કુમાર સિન્હાએ શનિવારે આ જાણકારી આપી. સિન્હાએ જણાવ્યું કે રામાયણ સર્કિટ રેલ યાત્રા દિલ્હી સફદરજંગ રેલવે સ્ટેશનથી શરૂ થશે અને આ યાત્રા 19 રાત અને 20 દિવસમાં પૂર્ણ થશે. તેમણે કહ્યું કે પહેલાની જેમ આ ટ્રેન અયોધ્યા, સીતામઢી, જનકપુર, બક્સર, કાશી, પ્રયાગરાજ, ચિત્રકૂટ, નાસિક, હમ્પી, રામેશ્વરમ, કાંચીપુરમ અને ભદ્રાચલમ જેવા ભગવાન રામ સાથે સંબંધિત સ્થળોની મુલાકાત લેશે.
જાણો અલગ અલગ પેકેજ વિશે
અધિકારીએ જણાવ્યું કે આ ટ્રેનમાં થર્ડ એસી ક્લાસ કોચ હશે, જેમાં કુલ 600 મુસાફરોને શુદ્ધ શાકાહારી ભોજન સાથે પ્રવાસનો આનંદ માણવાની સુવિધા મળશે. તેમણે જણાવ્યું કે એક વ્યક્તિના રોકાણ માટેના પેકેજની કિંમત 84 હજાર રૂપિયા છે, જ્યારે બે/ત્રણ લોકો સાથે રહેવા માટે પેકેજની કિંમત વ્યક્તિ દીઠ 73,500 રૂપિયા છે. સિંહાએ કહ્યું કે એક બાળક માટેના પેકેજની કિંમત 67,200 રૂપિયા હશે. તેમણે જણાવ્યું કે આ પ્રવાસમાં પહેલા 100 મુસાફરના બુકિંગ પર IRCTC દ્વારા 10 ટકા ડિસ્કાઉન્ટ પણ આપવામાં આવી રહ્યું છે.
મુસાફરીમાં મળશે સુવિધાઓ મળશે
તેમણે કહ્યું કે પેકેજ EMI પર પણ બુક કરી શકાય છે. તેમણે કહ્યું કે સરકારી કર્મચારીઓને તેમની યોગ્યતા મુજબ આ પ્રવાસમાં LTCનો લાભ લેવાની સુવિધા મળશે. સિન્હાએ કહ્યું કે આ પેકેજમાં મુસાફરી દરમિયાન નાસ્તો, લંચ અને ડિનર, શાકાહારી ખોરાક, બસ દ્વારા સ્થાનિક મુસાફરી અને રાત્રિ રોકાણ દરમિયાન હોટલોમાં રહેવાની વ્યવસ્થા, આરામ વર્ગ અને શ્રેષ્ઠ વર્ગના રૂમ પણ ઉપલબ્ધ હશે.
આ મુસાફરીનો લાભ લેવા માટે પેસેન્જરે IRCTC દ્વારા બુકિંગ કરાવવું પડશે. તમામ મુસાફરોને સુવિધા આપવામાં આવશે. આ પ્રવાસની સંપૂર્ણ વિગતો IRCTC પર ઉપલબ્ધ થશે. આ યાત્રા 24 ઓગસ્ટ 2022થી શરૂ થઈ રહી છે. જે પ્રવાસીઓ આ પ્રવાસ માટે બુકિંગ કરાવવા માગે છે, તેમની પાસે હજુ ઘણો સમય છે. તમે 24 ઓગસ્ટ પહેલા તમારી સીટ બુક કરાવી શકો છો.
Latest News Updates
