Rajya Sabha Election: કોંગ્રેસની રાજ્યસભા સીટ કન્ફર્મ, હેમંત સોરેને સોનિયા ગાંધીને આપી મોટી ભેટ

Rajya Sabha Election: કોંગ્રેસની રાજ્યસભા સીટ કન્ફર્મ, હેમંત સોરેને સોનિયા ગાંધીને આપી મોટી ભેટ
Hemant Soren & Sonia Gandhi

Jharkhand Rajya Sabha Election: આ પહેલા સોનિયા અને હેમંત સોરેન વચ્ચેની બેઠક બાદ સીએમ સોરેને કહ્યું હતું કે, રાજ્યસભાની સીટ કોના ખાતામાં જશે, તે તમને જલદી જણાવવામાં આવશે.

TV9 GUJARATI

| Edited By: Nidhi Bhatt

May 29, 2022 | 2:45 PM

દેશભરના વિવિધ રાજ્યોમાંથી રાજ્યસભાના સભ્યો માટે ચૂંટણીની જાહેરાત કરી દેવામાં આવી છે. રાજ્યસભાની ચૂંટણી માટે વિવિધ પક્ષના અગ્રણીઓ અને પક્ષકારો વચ્ચે સતત વાતચીત પણ ચાલી રહી છે. દરમિયાન, એવું કહેવામાં આવ્યું છે કે ઝારખંડમાં (Jharkhand) કોંગ્રેસ અને જેએમએમની સમજૂતી થઈ ગઈ છે. જે બાદ જેએમએમની મદદથી કોંગ્રેસને ઝારખંડમાંથી રાજ્યસભાની સીટ મળવા જઈ રહી છે. સૂત્રોના જણાવ્યા અનુસાર મુખ્યમંત્રી હેમંત સોરેન (CM Hemant Soren) અને કોંગ્રેસના વચગાળાના અધ્યક્ષ સોનિયા ગાંધી (Sonia Gandhi) વચ્ચેની બેઠક બાદ આ નિર્ણય લેવામાં આવ્યો છે.

આ પહેલા જેએમએમ રાજ્યસભાની બેઠક પર દાવો રજુ કરશે તેવા અહેવાલો હતા

અગાઉ એવા અહેવાલ હતા કે રાજ્યસભાની ચૂંટણીમાં મહાગઠબંધનના ઉમેદવાર અંગે અંતિમ નિર્ણય દિલ્હીમાં કોંગ્રેસ અધ્યક્ષ સોનિયા ગાંધીના દરબારમાં લેવામાં આવશે. ઝારખંડ મુક્તિ મોરચા અને કોંગ્રેસે નક્કી કર્યું હતું કે સોનિયા ગાંધીની સંમતિ પછી જ કોઈપણ ઉમેદવારના નામ પર મહોર મારવામાં આવશે. તમને જણાવી દઈએ કે કોંગ્રેસ રાજ્યસભા સીટ માટે પહેલાથી જ ઘણી દલીલો સાથે પોતાનો દાવો રજૂ કરી ચૂકી છે. પરંતુ બાદમાં હેમંત સોરેનની આગેવાની હેઠળના ઝારખંડ મુક્તિ મોરચાએ રાજ્યસભા બેઠક પર દાવો કરવાનું શરૂ કર્યું હતું.

પાછલા દિવસોમાં કોંગ્રેસના સ્ટેન્ડ પર તીખી પ્રતિક્રિયા આપતા જેએમએમએ જણાવ્યું હતું કે, આંખ દેખાડીને રાજ્યસભાની સીટ ન માગો. તેના માટે વિનંતી કરો. જો કે, ઝારખંડની વર્તમાન રાજકીય પરિસ્થિતિને જોતા, જેએમએમ તેના સ્ટેન્ડમાંથી પીછેહઠ કરે તેવું લાગી રહ્યું છે. સોનિયા ગાંધીને મળ્યા બાદ હેમંત સોરેને હવે કોંગ્રેસને રાજ્યસભાની બેઠક આપવાનું મન બનાવી લીધું છે. રવિવારે જ ઉમેદવારના નામની જાહેરાત કરવામાં આવશે.

વિપક્ષ અને ગઠબંધન બંને માંથી એક-એક સભ્યો ચૂંટાઈ શકે છે

ઝારખંડમાં રાજ્યસભાની બે બેઠકો માટે 10 જૂને મતદાન થવાનું છે. 82 સભ્યોની ઝારખંડ વિધાનસભામાં 81 ચૂંટાયેલા સભ્યોનો સમાવેશ થાય છે, પરંતુ હાલમાં, ઝારખંડ વિકાસ મોરચામાંથી કોંગ્રેસમાં જોડાયેલા ધારાસભ્ય બંધુ તિર્કીની સદસ્યતા 28 માર્ચે અપ્રમાણસર સંપત્તિના કેસમાં ત્રણ વર્ષની જેલની સજા બાદ સમાપ્ત થઈ ગઈ છે. જેના કારણે વિધાનસભામાં મતદાન કરવા પાત્ર સભ્યોની કુલ સંખ્યા ઘટીને 80 થઈ ગઈ છે. તેથી જ વર્તમાન રાજ્ય વિધાનસભામાં 26.67 મત મેળવનાર ઉમેદવારનું રાજ્યસભામાં જવું નક્કી માનવામાં આવી રહ્યું છે.

હાલમાં, સત્તાધારી જેએમએમ પાસે વિધાનસભામાં 30 ધારાસભ્યો છે, જ્યારે કોંગ્રેસ પાસે કુલ 17 ધારાસભ્યો છે અને અન્ય સમર્થક પક્ષ આરજેડી પાસે એક ધારાસભ્ય છે. જ્યારે મુખ્ય વિપક્ષ ભાજપ પાસે કુલ 26 ધારાસભ્યો છે અને તેને ઓછામાં ઓછા બે અન્ય ધારાસભ્યોના સમર્થનનો વિશ્વાસ છે. આવી સ્થિતિમાં રાજ્યસભામાં સત્તાધારી ગઠબંધન અને વિપક્ષ બંનેમાંથી એક-એક સભ્ય ચૂંટાય તેવી શક્યતા છે.

Follow us on

Related Stories

Most Read Stories

Click on your DTH Provider to Add TV9 Gujarati