રાજસ્થાન સરકારની નવી આબકારી નીતિ, એરપોર્ટ પર દારૂ મળવા સાથે કોરોના ટેક્સમાંથી મુક્તિ
રાજસ્થાનમાં (Rajasthan Excise Policy) પ્રથમ વખત 5 વર્ષ માટે હોટેલ અને બારને મળશે લાયસન્સ. બીજી બાજુ આમાં 20 ટકા ડિસ્કાઉન્ટ પણ આપવામાં આવશે.
રાજસ્થાન સરકારે નવી આબકારી નીતિ (New Excise Policy) જાહેર કરી છે. કેબિનેટના પરિપત્ર પછી, રાજ્યના નાણા વિભાગે નવી આબકારી અને પ્રતિબંધ નીતિ જાહેર કરી. નવી નીતિ અનુસાર રાજસ્થાનમાં તમામ દારૂની દુકાનો (Wine Shop) સંયુક્ત શ્રેણીની હશે. જોકે, દુકાનોની સંખ્યામાં ઘણા ફેરફાર કરવામાં આવ્યા નથી. દુકાનોની સંખ્યા હજુ પણ પહેલાની જેમ 7665 જ રહેશે. નવી આબકારી નીતિ 2024 સુધી જાહેર કરવામાં આવી છે.
રાજસ્થાન સરકારની નવી આબકારી નીતિ બિઝનેસ કરવામાં સરળતાના મોડલ પર તૈયાર કરવામાં આવી છે. નવી નીતિ અનુસાર, વાઇન શોપને દેશી દારૂ, IMFL, રાજસ્થાનમાં બનેલો દારૂ અને બિયર અને વાઇન વેચવાની છૂટ આપવામાં આવશે. દારૂની દુકાનોના લાયસન્સ ગેરંટી રકમ પર વાર્ષિક ફાળવવામાં આવશે. રાજસ્થાનમાં મોડેલ શોપ, એરપોર્ટ શોપ અને રાજસ્થાન ટુરીઝમ ડેવલપમેન્ટ કોર્પોરેશનના પરિસરમાં દારૂની દુકાનની ફાળવણી માટે વાર્ષિક લાયસન્સ ફી લેવામાં આવશે.
જે લાયસન્સધારકોએ 2021-22માં સંયુક્ત રકમ જમા કરાવી છે, તેમના લાયસન્સ 2023 સુધી રિન્યુ કરવામાં આવશે. બાકી રકમ કમ્પોઝીટ ફી જમા કરાવવાની તારીખ લંબાવવામાં આવી છે જેથી મહત્તમ સંખ્યામાં લાયસન્સ રિન્યુ કરી શકાય. હવે 28 ફેબ્રુઆરી સુધી લાયસન્સધારકો બાકી રકમ જમા કરાવી શકશે. રાજસ્થાનમાં પહેલીવાર હોટલ બારનું લાયસન્સ 5 વર્ષ માટે ઉપલબ્ધ થશે અને આમાં 20 ટકા ડિસ્કાઉન્ટ આપવામાં આવશે.
સરકારે તમામ પ્રકારની એક્સાઇઝ પ્રોડક્ટ્સમાંથી કોરોના સરચાર્જ હટાવી દીધો છે. જેસલમેર સહિત અન્ય પ્રવાસન સ્થળો પર સ્વિસ ટેન્ટ માટે લાયસન્સ ઉપલબ્ધ થશે. સરકાર વાર્ષિક લાયસન્સ ફીના આધારે તમામ એરપોર્ટ પર દારૂની દુકાનો માટે લાયસન્સ આપશે. જયપુર સહિત અન્ય શહેરોમાં જરૂરિયાત મુજબ એરકન્ડિશન્ડ સુવિધાઓ સાથે મોડલ શોપ બનાવવામાં આવશે. રાજસ્થાન સરકારે બિઝનેસ કરવાની સરળતાના આધારે તેની નવી આબકારી નીતિ તૈયાર કરી છે.
આ પણ વાંચો –
રાહતના સમાચાર : કોરોનાની ત્રીજી લહેરમાં બાળકો પર નથી થઇ કોઇ ગંભીર અસર, માત્ર 2 ટકા હોસ્પિટલમાં દાખલ થયા
આ પણ વાંચો –