PM નરેન્દ્ર મોદીએ વિશ્વ નેતાઓને અપાતી ભેટની પરંપરામાં કર્યો મોટો ફેરફાર, જાણો ખાસિયત અને કોને મળી શું ભેટ
કવાડ સંમેલનમાં (Quad Summit) પ્રધાનમંત્રી મોદીએ(PM MODI ) વિશ્વનેતાઓ સાથે મુલાકાત કરી હતી અને મુલાકાત દરમિયાન સદભાવનનાના પ્રતીક તરીકે ભારતીય કલાકારોએ તૈયાર કરેલી હસ્તકળાની કૃતિઓ ભેટમાં આપી હતી. આ દરેક ભેટની એક ખાસ વિશેષતા છે.
કવાડ સંમેલન (Quad Summit) તાજેતરમાં પૂર્ણ થયું છે. ત્યારે પ્રધાનમંત્રીએ જાપાનના વડાપ્રધાન ને આપેલી કચ્છી રોગાન (Rogan painting) બોક્સની ભેટની તસવીર વાઇરલ થઈ છે. પરંતુ પ્રધાનમંત્રી મોદીએ (PM Narendra Modi)સદભાવનાના પ્રતીક તરીકે વિશ્વના અન્ય નેતાઓન પણ વિવિધ કલાકારોએ બનાવેલી કળાકૃતિઓ ભેટમાં આપી હતી. દરેક કૃતિ અને પેઇન્ટિંગની નવીન વિશેષતા છે ચાલે જાણીએ દરેક ભેટની વિશેષતા અંગે .
જાપાનની મુલાકાતે ગયેલા વડાપ્રધાન નરેન્દ્ર મોદીએ (PM Narendra Modi) તેમના સમકક્ષ ફુમિઓ કિશીદા આબેને (Japan PM) ભારતીય હસ્તકલાનું પ્રતિનિધિત્વ કરતી શ્રેષ્ઠ વસ્તુ ભેટમાં આપી છે. તેમાંનુ એક રોગન પેઈન્ટીંગ વાળું હસ્તનિર્મિત લાકડાનું બોક્સ છે. રોગન પેઇન્ટિંગ એ ગુજરાતના કચ્છ જિલ્લામાં પ્રચલિત થયેલ ટેક્સટાઇલ પ્રિન્ટિંગની એક કળા છે. આ હસ્તકલામાં, ઉકાળેલા તેલ અને વનસ્પતિ રંગોમાંથી બનાવેલ પેઇન્ટ મેટલ બ્લોક્સ (પ્રિન્ટિંગ) અથવા સ્ટાઈલસ (પેઈન્ટિંગ) નો ઉપયોગ કરીને કાપડ પર તેને રંગવામાંં આવે છે. 20મી સદીના અંતમાં આ હસ્તકળા નામ માત્રની રહી ગઈ હતી.આજે માત્ર એક જ કુંટુંબ રોગન ચિત્રકળાને કળાને જીવંત રાખીને બેઠું છે..
PM @narendramodi’s to Japan PM: Wooden Handcarved box with Rogan Painting
This art object is a combination of two different arts-Rogan painting and wooden hand carving. pic.twitter.com/WLh0wlZc5u
— Prasar Bharati News Services पी.बी.एन.एस. (@PBNS_India) May 24, 2022
પ્રધાનમંત્રી નરેન્દ્ર મોદીએ અમેરિકી રાષ્ટ્રપતિ જો બાઇડનને સાંઝી આર્ટવર્ક ભેટમાં આપ્યું. ઉત્તર પ્રદેશમાં અને ખાસ તો મથુરાની આ શૈલી છે.. જેમાં કાગળને ઝીણા ઝીણા કાપીને ડિઝાઇન બનાવવામાં આવે છે. ખાસ તો પરંપરાગત રીતે ભગવાન કૃષ્ણની વાર્તાઓને રજૂ કરવામાં આવે છે. અને ડિઝાઇનની સ્ટેન્સિલને કાતર અથવા બ્લેડનો ઉપયોગ કરીને હાથથી કાપવામાં આવે છે. નાજુક સાંઝીને ઘણીવાર કાગળની પાતળી શીટ્સ દ્વારા એકસાથે રાખવામાં આવે છે. જો બાઇડનને ભેટમાં આપેલી નયનરમ્ય સાંઝી ડિઝાઇન મથુરા ઘાટની થીમ પર આધારિત હતી અને તે ડિઝાઇન રાષ્ટ્રીય પુરસ્કાર વિજેતા દ્વારા બનાવવામાં આવી હતી.
PM @narendramodi’s gift to President of US: Sanjhi Art
Sanjhi, the art of hand cutting designs on paper, is a typical art form of Mathura in Uttar Pradesh, the legendary home of Lord Krishna. pic.twitter.com/YdSqkbl1Ws
— Prasar Bharati News Services पी.बी.एन.एस. (@PBNS_India) May 24, 2022
વડાપ્રધાન મોદીએ તેમના જ ઓસ્ટ્રેલિયન સમકક્ષ એન્થોની અલ્બેનિસને ગોંડ પેઇન્ટિંગની ભેટ આપી હતી. આદિવાસી કલાના સૌથી પ્રશંસનીય સ્વરૂપોમાંનું એક ગોંડ ચિત્રકળા છે. નાના નાના બિંદુઓ અને રેખાઓ દ્વારા બનાવવામાં આવેલ આ પેઇન્ટિંગના ગોંડ આર્ટને ઓસ્ટ્રેલિયન એબોરિજિનલ આર્ટ જેવી જ માનવામાં આવે છે. આદિવાસીઓની પોતાની વાર્તાઓ અને પરંપરાઓને આ ચિત્ર દ્વારા રજૂ કરતા હોય છે.
PM @narendramodi’s gift to Australian PM: Gond Art Painting
Gond paintings are one of the most admired tribal art form. The word ‘Gond’ comes from the expression ‘Kond’ which means ‘green mountain’. pic.twitter.com/aUwPOrQpem
— Prasar Bharati News Services पी.बी.एन.एस. (@PBNS_India) May 24, 2022
કવાડ દેશોમાં ભારત, યુએસ, જાપાન અને ઓસ્ટ્રેલિયાનો સમાવેશ થાય છે. પ્રધાનમંત્રી નરેન્દ્ર મોદીએ તેમના જાપાની સમકક્ષ ફ્યુમિયો કિશિદાના આમંત્રણ પર ટોક્યોની મુલાકાત લીધી હતી. તેમજ આ સંમેલનથી ઇત્તર તેઓએ અમેરિકાના રાષ્ટ્રપતિ જો બાઇડન તેમજ ઓસ્ટ્રેલિયાના પ્રધાનમંત્રી એન્થોની અલ્બેનિસ સાથે અલગ-અલગ દ્વિપક્ષીય બેઠકો યોજી હતી.