Remedesivir Injection: હવે કેન્દ્ર નહીં આપે રાજ્યોને રેમડેસિવીર ઇન્જેક્શન, સીધી કંપનીમાંથી જ કરવી પડશે ખરીદી
સરકારે રાજ્યોને રેમેડસિવીરની કેન્દ્રીય ફાળવણી બંધ કરવાનો નિર્ણય લીધો છે. તેમણે એમ પણ કહ્યું હતું કે રાષ્ટ્રીય ફાર્માસ્યુટિકલ્સ પ્રાઇસીંગ એજન્સી અને સીડીએસકોને દેશમાં રેમેડિસિવીરની ઉપલબ્ધતા પર સતત દેખરેખ રાખવા સૂચના આપવામાં આવી છે.
Remedesivir Injection : દેશમાં કોરોનાની બીજી લહેર દરમ્યાન, બધે રેમડેસિવીરના ઇન્જેક્શન (Remedesivir injection) ની ભયંકર અછત જોવા મળી હતી. ઘણા રાજ્યોમાં તેની ભારે કાળા બજારી કરવામાં આવી હતી. આ સિવાય ઘણા શહેરોમાં પોલીસે નકલી રેમેડિસિવીરના ઇન્જેક્શન પણ કબજે કર્યા હતા.
ઓછા ઉત્પાદનને કારણે આ ઇન્જેક્શન્સ કેન્દ્ર સરકાર આપી રહી હતી. પરંતુ સરકારે જાહેરાત કરી છે કે હવે રાજ્ય સરકાર પોતાની જરૂરીયાત મુજબ આ ઇન્જેક્શન ખરીદી શકે છે.
રસાયણ અને ખાતર રાજ્ય મંત્રી મનસુખ માંડવીયા (Mansukh Mandaviya) એ શનિવારે જાહેરાત કરી હતી કે સરકારે રાજ્યોને રેમેડસિવીરની કેન્દ્રીય ફાળવણી બંધ કરવાનો નિર્ણય લીધો છે. તેમણે એમ પણ કહ્યું હતું કે રાષ્ટ્રીય ફાર્માસ્યુટિકલ્સ પ્રાઇસીંગ એજન્સી અને સીડીએસકોને દેશમાં રેમેડિસિવીરની ઉપલબ્ધતા પર સતત દેખરેખ રાખવા સૂચના આપવામાં આવી છે.
હવે વધુ થઈ રહ્યું છે ઉત્પાદન સરકારના જણાવ્યા અનુસાર, હવે દેશમાં રેમેડિવીવર ઇન્જેક્શનનું ઉત્પાદન કરતાં પ્લાન્ટ 20 થી વધીને 60 થઈ ગયા છે. વળી, સરકારે કહ્યું છે કે હવે માગ કરતા સપ્લાય પણ વધુ છે. સોશિયલ મીડિયા પર જાહેરાત કરતા માંડવીયાએ લખ્યું છે કે ‘તમે બધાને જાણ કરતાં હું ખુશ અને સંતુષ્ટ છું કે રેમડેસિવીરનું ઉત્પાદન દસ ગણું વધ્યું છે. પીએમ મોદી (PM Modi) ના કાર્યક્ષમ નેતૃત્વ હેઠળ, 11 એપ્રિલ, 2021 ના રોજ, દરરોજ 33,000 ઇન્જેક્શન શીશીઓ બનાવવામાં આવી રહી હતી. પરંતુ હવે તે રોજેરોજ સાડા ત્રણ લાખ થઈ ગઈ છે.
I am delighted and satisfied to inform you all that the Production of Remdesivir is ramped up ten times from just ~33,000 vials/day on 11th April 2021 to ~3,50,000 vials/day today under the astute leadership of Hon’ble PM Shri @narendramodi Ji. (1/3) pic.twitter.com/Vy2RzrsYMQ
— Mansukh Mandaviya (@mansukhmandviya) May 29, 2021
આપને જણાવી દઇએ કે ગિલેડ સાયન્સિસ નામની યુ.એસ. કંપનીએ રેમેડિસિવીર માટે પેટન્ટ આપ્યું છે. તેણે તેને બનાવવા માટે ચાર ભારતીય કંપનીઓ સાથે કરાર કર્યો – સિપ્લા, હેટોરો લેબ્સ, જ્યુબિલેન્ટ લાઇફસિઅન્સ અને મિલાન. આ ચાર કંપનીઓ તેને મોટા પાયે બનાવે છે અને તેને વિશ્વના 126 દેશોમાં નિકાસ કરે છે. આ એક મોંઘી દવા છે, જેની કિંમત ભારતીય બજારમાં લગભગ 4800 રૂપિયા છે, પરંતુ તે કાળાબજારમાં વધારે કિંમતે વેચાઇ રહી છે.