કોરોનાને લઈને ભારત માટે એક રાહતના સમાચાર, સ્વાસ્થ્ય મંત્રાલયે આપી જાણકારી
ભારતમાં કોરોના વાઈરસના કેસમાં વધારો થઈ રહ્યો છે પણ એક સારા સમાચાર પણ આવ્યા છે. દેશમાં કોરોના વાઈરસના કેસનો બમણો થવાનો દર ઘટ્યો છે. સ્વાસ્થ્ય મંત્રાલયના સચિવ લવ અગ્રવાલે માહિતી આપી કે દેશમાં કોરોનાના કેસ બમણો થવાનો દર પહેલાં 3.41 દિવસ હતો તે હવે 11 દિવસનો થઈ ગયો છે. આમ કોરોનાના કેસ ડબલ થતા વધારે […]
ભારતમાં કોરોના વાઈરસના કેસમાં વધારો થઈ રહ્યો છે પણ એક સારા સમાચાર પણ આવ્યા છે. દેશમાં કોરોના વાઈરસના કેસનો બમણો થવાનો દર ઘટ્યો છે. સ્વાસ્થ્ય મંત્રાલયના સચિવ લવ અગ્રવાલે માહિતી આપી કે દેશમાં કોરોનાના કેસ બમણો થવાનો દર પહેલાં 3.41 દિવસ હતો તે હવે 11 દિવસનો થઈ ગયો છે. આમ કોરોનાના કેસ ડબલ થતા વધારે સમય લાગી રહ્યો છે જે એક રાહતના સમાચાર છે.
કેટલાંક રાજ્યો અને કેન્દ્રશાસિત પ્રદેશો જેવા કે ઉત્તરપ્રદેશ, ઓડિશા, દિલ્હી, જમ્મુ કાશ્મીર, રાજસ્થાન, તમિલનાડુ અને પંજાબમાં ડબ્લિંગ રેટ 11 દિવસ હતો તે 20 દિવસ થઈ ગયો છે. જ્યારે લદાખ, હરિયાણા, ઉત્તરાખંડ અને કેરલમાં 20 દિવસ હતો તે હવે 40 દિવસનો થઈ ગયો છે. ટેસ્ટિંગ બાબતે તેઓએ કહ્યું કે આપણે ફક્ત આરટીપી-સીઆર ટેસ્ટિંગનો જ ઉપયોગ કરીશું. દેશમાં રિકવરી રેટ પણ વધી રહ્યો છે એટલે કે વધારે દર્દીઓ સાજા થઈ રહ્યાં છે. જે પહેલાં 13.6 ટકા હતો અને હવે 25.1 થઈ ગયો છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
કોરોના વાઈરસના દવા અંગે તેઓએ જાણકારી આપતાં કહ્યું કે રેમડેસિવીરને હાલ પ્રયોગમાં છે. જ્યાં સુધી ચોક્કસ નથી થઈ જતો ત્યાં સુધી તે પ્રાયોગિક જ છે. તમામ પ્રયોગ કરવામાં આવી રહ્યાં છે. લવ અગ્રવાલે માહિતી આપી કે ઘણાંબધા સંસ્થાનો આ અંગે કામ કરી રહ્યાં છે. જો કે તેને સમય લાગી જશે અને કેટલાં બધા ચરણ પાર કર્યા બાદ જ પરિણામ આવી શકશે. ભારતમાં કોરોના વાઈરસની સામે 8373 લોકોએ જંગ જીતી લીધી છે. સ્વાસ્થ્ય અને પરિવાર કલ્યાાણ મંત્રાલયે જાણકારી આપી કે છેલ્લાં 24 કલાકમાં નવા 1823 કેસ સામે આવ્યા છે. જ્યારે 67 લોકોએ કોરોના વાઈરસના લીધે જીવ ગુમાવ્યો છે. દેશમાં પોઝિટિવ કેસની સંખ્યા 33610 થઈ ગઈ છે. જ્યારે 24162 કેસ હાલ એક્ટિવ છે. 1075 લોકોએ કોરોના વાઈરસના લીધે દેશમાં જીવ ગુમાવ્યો છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=” Watch more interesting videos on TV9 Gujarati YouTube channel”]