Nitin Gadkari J&K Visit LIVE: નીતિન ગડકરીએ કરી જોજિલા ટનલની સમીક્ષા, કહ્યું હિમાલય વેલીમાં 52 કિમિની ટનલ યુવાનોને રોજગાર પુરો પાડશે

Nitin Gadkari J&K Visit LIVE: કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરી (Nitin Gadkari) આજે એટલે કે મંગળવારે વિવિધ રાષ્ટ્રીય ધોરીમાર્ગ પ્રોજેક્ટ્સનો શિલાન્યાસ કર્યો. તે જોજિલા ટનલનું (Zojila Tunnel) પણ નિરીક્ષણ કર્યું હતું, જે બાંધકામ હેઠળ એશિયાની સૌથી લાંબી ટનલ છે. આ ટનલ પૂર્ણ થયા બાદ શ્રીનગર-લેહ-લદ્દાખ હાઇવે શિયાળામાં ભારે બરફવર્ષા વચ્ચે પણ બંધ રહેશે નહીં અને લદ્દાખ જવું ખૂબ જ સરળ રહેશે.

એટલે કે, લદ્દાખ હવે બાકીના ભારતથી અલગ રહેશે નહીં. એવું કહેવામાં આવી રહ્યું છે કે 18 કિમી લાંબો એપ્રોચ રોડ પણ બનાવવામાં આવશે, જે ઝેડ મોર ટનલથી જોજિલા ટનલ સુધી જશે. આ રસ્તા પર આવા હિમપ્રપાત સંરક્ષણ માળખા બનાવવામાં આવી રહ્યા છે, જે બે ટનલ વચ્ચે ઓલ-વેધર કનેક્ટિવિટી પૂરી પાડશે.

15 મિનિટમાં સાડા ત્રણ કલાકની મુસાફરી

અહેવાલ મુજબ આ ટનલ લગભગ 14.15 કિમી લાંબી છે. તેને એશિયાની સૌથી લાંબી ટનલ તરીકે વર્ણવવામાં આવી છે. આ ટનલ પૂર્ણ થયા પછી, જે અંતર કાપવામાં સાડા ત્રણ કલાક લાગે છે, તે માત્ર 15 મિનિટમાં પૂર્ણ થશે.

આ પ્રોજેક્ટ ભારતીય સેના માટે પણ મહત્વનો છે.

આ ટનલ સામાન્ય જનતા અને પ્રવાસીઓ માટે તેમજ ભારતીય સેના માટે ખૂબ મહત્વની છે. તેની પૂર્ણતા પર, લદ્દાખ તમામ ઋતુઓમાં કાશ્મીર ખીણ સાથે સંપર્કમાં રહેશે. શ્રીનગર, દ્રાસ, કારગિલ અને લેહના વિસ્તારો જોડાયેલા રહેશે. આ પણ ખૂબ મહત્વનું છે કારણ કે સેના માટે આ રસ્તો સિયાચીન તરફ જાય છે. શ્રીનગર-કારગિલ-લેહના માર્ગ પર આવનારા સમયમાં હિમપ્રપાતનો ભય રહેશે નહીં.

સુરક્ષાના પગલાંઓ

દર 750 મીટરના અંતરે ટનલની અંદર રસ્તાની બંને બાજુએ ઇમરજન્સી ટેક-બાય હશે. કેરેજ વેની બંને બાજુ ફૂટપાથ પણ હશે.

યુરોપીયન ધોરણો મુજબ, સુરંગની અંદર દર 125 મીટર પર ઇમરજન્સી કોલની સુવિધા હશે.

સમગ્ર ટનલમાં ઓટોમેટિક ફાયર ડિટેક્શન સિસ્ટમ લગાવવામાં આવશે અને મેન્યુઅલ ફાયર એલાર્મ માટે બટન પણ હશે.

સુરંગની દિવાલો પર CCTV કેમેરા લગાવવાના છે. ટનલના બંને છેડે થાંભલા મૂકીને કેમેરા લગાવવામાં આવશે. સીસીટીવી ફૂટેજ કંટ્રોલ રૂમને મોકલવામાં આવશે.

ઝેડ મોર્ડ અને જોજિલા ટનલની સમીક્ષા અને નિરીક્ષણ કર્યા બાદ તેમણે જણાવ્યું હતું કે હિમાલયન વેલીમાં 52 કિમિની ટનલ બની રહી છે કે જે યુનાવોને રોજગાર પુરો પાડશે. ટનલની વાત કરવામાં આવે તો, એસ્કેપ ટનલની લંબાઈ 6.5 કિમી અને ઝેડ-મોર ટનલની લંબાઈ 6.5 કિમી છે. ઝેડ-મોર ટનલ સોનમાર્ગ ટુરિઝમ સિટીને ઓલ-વેધર કનેક્ટિવિટી પૂરી પાડશે. જોજિલા ટનલ પ્રોજેક્ટને પૂર્ણ કરવાનો ખર્ચ MEIL દ્વારા બિડમાં 4509.50 કરોડ રૂપિયા રાખવામાં આવ્યો હતો. અન્ય કંપનીઓએ તેના કરતા ઘણી વધારે કિંમત ચૂકવી હતી.

આ કારણોસર MEILને આ પ્રોજેક્ટ પૂર્ણ કરવાનો કોન્ટ્રાક્ટ આપવામાં આવ્યો છે. શ્રીનગર-કારગિલ-લેહ રાષ્ટ્રીય ધોરીમાર્ગ પર નવેમ્બરથી એપ્રિલ સુધી જોજિલા પાસ પર 11,578 ફૂટની ઉંચાઇએ ભારે બરફવર્ષાને કારણે ભારે મુશ્કેલી પડે છે તેવામાં આ ટનલ ખુબ મહત્વપૂર્ણ રહેશે. જોજિલા પાસ પર બનાવવામાં આવી રહેલી ટનલ શ્રીનગરને કારગિલ અને લેહ સાથે જોડી દેશે. શ્રીનગરથી લેહ પહોંચવામાં ત્રણ કલાકથી વધુ સમય લાગે છે અને વધારે હિમવર્ષાને કારણે શિયાળામાં છ મહિના સુધી રસ્તો બંધ રહે છે, આમ લેહ-લદ્દાખને બાકીના દેશોથી કાપી નાખે છે જે સમસ્યા આવનારા સમયમાં દૂર થશે..

મહત્વનું છે કે ગઇકાલે કેન્દ્રીય પ્રધાન અનુરાગ ઠાકુરે જોજિલ ટનલની મુલાકાતે હતા. દરેક મોસમમાં લદ્દાખ સુધી લઇ જનારી આ ટનલનું કામ કેવું ચાલી રહ્યું છે તેની તેમણે સમીક્ષા કરી. અધિકારીઓએ જોજિલા ટનલનું નિર્માણ ઝડપથી ચાલી રહ્યું હોવાનું કહ્યું. નેશનલ હાઇવે ઇન્ફ્રાસ્ટ્રક્ચર ડેવલોપમેન્ટ કોર્પોરેશન લિમિટેડ ઠંડીની સીઝનમાં પણ નિર્માણ કાર્ય ચાલુ રાખશે.. રાષ્ટ્રીય સુરક્ષા, વિકાસ અને પર્યટન માટે જોજિલા ટનલનું મહત્વ વધારે છે. જેને લદ્દાખથી કારગિલ અને લેહ સાથે સંપર્ક સાધવામાં મદદ મળશે.

Published On - Sep 28,2021 10:22 AM