Monsoon Update 2021 : ગુરુવારે કેરળ પહોંચશે ચોમાસું, ગુજરાતમાં આ તારીખે આપશે દસ્તક
ભારતીય હવામાન વિભાગ(IMD)ના જણાવ્યા અનુસાર આ વખતે ચોમાસું (Monsoon) નિર્ધારિત સમયથી બે દિવસ મોડું 3 જૂને કેરળ પહોંચી શકે છે. હવામાન વિભાગે અગાઉ આગાહી કરી હતી કે તે 31 મેના રોજ કેરળ પહોંચશે. જો કે રવિવારે હવામાન વિભાગે કહ્યું કે ચોમાસું (Monsoon) 3 જૂને કેરળ પહોંચશે.
ભારતીય હવામાન વિભાગ(IMD)ના જણાવ્યા અનુસાર આ વખતે ચોમાસું (Monsoon) નિર્ધારિત સમયથી બે દિવસ મોડું 3 જૂને કેરલ પહોંચી શકે છે. હવામાન વિભાગે અગાઉ આગાહી કરી હતી કે તે 31 મેના રોજ કેરળ પહોંચશે. જો કે રવિવારે હવામાન વિભાગે કહ્યું કે ચોમાસું (Monsoon) 3 જૂને કેરળ પહોંચશે. તે આંદામન અને નિકોબાર આઇલેન્ડની આજુબાજુ પહોંચી ગયું છે.
તેમજ કેરલમાં 3 દિવસથી પ્રિ-મોન્સૂન વરસાદ પડી રહ્યો છે.
હવામાન વિભાગ(IMD)ના જણાવ્યા અનુસાર, રાજ્યમાં દક્ષિણ-પશ્ચિમ ચોમાસા(Monsoon) માટે 3 જૂને કેરળ પહોંચવાની શરતો શરૂ થઈ ગઈ છે. ચોમાસું અહીં સામાન્ય સમય કરતા મોડું આવી રહ્યું છે. ભારતીય હવામાન ખાતા(IMD)એ બુધવારે કહ્યું કે કેરલમાં વરસાદનો વધારો થયો છે અને દક્ષિણ અરબી સમુદ્રના નીચલા સ્તરમાં પશ્ચિમ પવન ફૂંકાઇ રહ્યો છે.
આગામી 24 કલાકમાં વધુ વરસાદની આગાહી
સેટેલાઇટ તસવીરો મુજબ કેરળનો દરિયાકાંઠો અને તેની સાથે જોડાયેલ દક્ષિણ પૂર્વ અરબી સમુદ્ર પર વાદળછાયું વાતાવરણ છે. આઇએમડીએ જણાવ્યું હતું કે, કેરળમાં આગામી 24 કલાકમાં વધુ વરસાદની સાથે ચોમાસા(Monsoon)ની સ્થિતિ વધુ અનુકૂળ બનવાની આગાહી છે.
જાણો- ચોમાસું ક્યારે તમારા રાજ્યમાં પહોંચી શકે છે
હવામાન વિભાગ(IMD)ના જણાવ્યા મુજબ કેરળમાં આવ્યા બાદ ચોમાસું આગળ વધશે. જેમાં 11 જૂને મહારાષ્ટ્ર અને તેલંગાનામા ચોમાસું આવે તેવી સંભાવના છે. ચોમાસું 12 જૂને પશ્ચિમ બંગાળ અને 13 જૂને ઓરિસ્સા પહોંચી શકે છે. આ પછી ચોમાસું ઝારખંડ અને બિહાર તરફ વધશે. તેની બાદ 14 જૂને ઝારખંડમાં ચોમાસું આવે તેવી સંભાવના છે. 16 જૂને ચોમાસું બિહાર અને છત્તીસગઢમાં પ્રવેશ કરશે.
ચોમાસું 26 જૂને ગુજરાત પહોંચી શકે છે
હવામાન વિભાગની આગાહી મુજબ, 20 જૂને ચોમાસું ઉત્તરાખંડ અને મધ્યપ્રદેશ પહોંચશે. જયારે 23 જૂને ઉત્તરપ્રદેશમાં ચોમાસું આવે તેવી સંભાવના છે. ચોમાસું 26 જૂને ગુજરાત પહોંચી શકે છે. જયારે રાજધાની દિલ્હી અને હરિયાણામાં 27 જૂને ચોમાસું આવે તેવી સંભાવના છે. દિલ્હી બાદ ચોમાસું પંજાબ તરફ આગળ વધશે. 28 મે સુધી અહીં આવવાની સંભાવના છે. છેવટે 29 જૂને ચોમાસું રાજસ્થાન પહોંચી શકે છે.
જાણો- આ વખતે ચોમાસું કેવું રહેશે?
હવામાન એજન્સી સ્કાયમેટ અનુસાર ભારતમાં ચોમાસાના 4 મહિના દરમિયાન સરેરાશ 880.6 મીમી વરસાદ પડે છે, જેને લોંગ પીરિયડ એવરેજ (LPA) કહેવામાં આવે છે. એટલે કે 880.6 મીમી વરસાદ 100 ટકા માનવામાં આવે છે. આ વર્ષે 907 મીમી વરસાદ થવાની સંભાવના છે. એટલે કે દેશભરમાં ચોમાસું સામાન્ય કે વધુ સારું થઈ શકે છે.
જો એજન્સીનો અંદાજ સાચો નીકળે તો ભારતમાં સતત ત્રીજા વર્ષે ચોમાસું સારું રહેશે. હવામાન વિભાગે પણ આ વર્ષે સમગ્ર દેશમાં સામાન્ય વરસાદની આગાહી કરી છે. વિભાગે કહ્યું છે કે દેશભરમાં 96 થી 104 ટકાનો વરસાદ થવાની સંભાવના છે.