નોટોનો ઢગલો, સોનું અને ચાંદી પણ મળી આવ્યા… EDએ 417 કરોડની સંપત્તિ કરી જપ્ત

એન્ફોર્સમેન્ટ ડિરેક્ટોરેટ (ED)એ પશ્ચિમ બંગાળની રાજધાની કોલકાતા, મધ્યપ્રદેશની રાજધાની ભોપાલ અને મુંબઈ સહિત કુલ 39 સ્થળો પર દરોડા પાડ્યા છે. મહાદેવ એપીપી સાથે સંકળાયેલા મની લોન્ડરિંગ નેટવર્ક સામે EDએ આ દરોડા પાડ્યા છે. કહેવામાં આવી રહ્યું છે કે EDએ મોટી માત્રામાં પુરાવા એકઠા કર્યા છે. મોટી વાત એ છે કે દરોડા દરમિયાન EDએ 417 કરોડ રૂપિયાની ગુનાહિત રકમ જપ્ત કરી છે.

આ પણ વાંચો: Commodity Market: પુરવઠામાં ઘટાડો અને માગ વધવાની અપેક્ષાને કારણે ક્રૂડ ઓઈલના ભાવમાં વધારો, જાણો હજુ કેટલો વધી શકે છે ભાવ

ED દ્વારા કરવામાં આવેલી તપાસમાં સામે આવ્યું છે કે મહાદેવ ઓનલાઈન બુકિંગ એપ વિદેશથી ઓપરેટ કરવામાં આવી હતી. સત્તાવાર માહિતી અનુસાર, આ એપને સૌરભ ચંદ્રાકર અને રવિ ઉપ્પલ દ્વારા પ્રમોટ કરવામાં આવી હતી. આ યુનાઈટેડ આરબ અમીરાતથી ચલાવવામાં આવ્યું હતું. સટ્ટાબાજી દ્વારા કમાયેલા નાણાં વિદેશી ખાતામાં મોકલવા હવાલા ઓપરેશનને અંજામ આપવામાં આવતો હતો.

આટલું જ નહીં, વેબસાઇટના પ્રચાર માટે મોટી રકમની જાહેરાતો પણ કરવામાં આવી હતી, જેનો ખર્ચ લાખોમાં થયો હતો. એન્ફોર્સમેન્ટ ડિરેક્ટોરેટે ભોપાલ, કોલકાતા, મુંબઈ અને અન્ય ઘણી જગ્યાએ દરોડા પાડ્યા છે. કહેવામાં આવી રહ્યું છે કે આ દરોડામાં EDએ ઘણા મહત્વપૂર્ણ દસ્તાવેજો પણ જપ્ત કર્યા છે.

શું છે મહાદેવ એપ કેસ?

મહાદેવ એપ વાસ્તવમાં ગેરકાયદેસર સટ્ટાબાજી માટેનું એક ઓનલાઈન પ્લેટફોર્મ છે જેમાં પત્તાની રમત, ચાન્સ ગેમ, ક્રિકેટ, બેડમિન્ટન જેવી રમતો રમાય છે. આ રમતોમાં ગેરકાયદેસર રીતે સટ્ટાબાજી કરવામાં આવે છે. છત્તીસગઢ, આંધ્રપ્રદેશ અને અન્ય ઘણા રાજ્યોમાં એપ વિરુદ્ધ મની લોન્ડરિંગના ઘણા કેસ નોંધાયા હતા. એવું માનવામાં આવે છે કે એપનું નેટવર્ક માત્ર ભારતમાં જ નહીં પરંતુ પાડોશી દેશો નેપાળ અને બાંગ્લાદેશમાં પણ ફેલાયેલું છે.

બોલીવુડ પણ EDના નિશાના પર

હાલમાં બોલિવૂડના ઘણા દિગ્ગજ કલાકારો અને અભિનેત્રીઓ પણ EDની તપાસમાં છે. તેમાં અભિનેતા ટાઈગર શ્રોફ, નેહા કક્કર, સની લિયોન, કૃષ્ણા અભિષેક, રાહત ફતેહ અલી ખાન, વિશાલ દદલાની અને અન્ય ઘણા કલાકારો સામેલ છે. ભારતી સિંહ, નુસરત ભરૂચા, આતિફ અસલમના નામ પણ તપાસના દાયરામાં આવી રહ્યા છે. એવું કહેવામાં આવી રહ્યું છે કે બોલીવુડના 14 થી વધુ નામ EDના રડાર પર છે.

દેશના તમામ સમાચાર વાંચવા માટે અહીં ક્લિક કરો