MMS કાંડ: ગર્લ્સ હોસ્ટેલમાં સફાઈ દરમિયાન કેમેરા ચાલુ રાખતો હતો સ્વિપર, નહાતી છોકરીઓનો બનાવતો હતો વીડિયો, ફોનમાંથી મળ્યા 12 વીડિયો
એક પોલીસ અધિકારીએ જણાવ્યું કે આરોપી સવારે તેના મોબાઈલનો કેમેરા ઓન કર્યા પછી જ છોકરીઓના રૂમમાં જતો હતો અને તેનો વીડિયો (Video) બનાવતો હતો. ધીમે-ધીમે તેણે મોબાઈલથી નહાતી વિદ્યાર્થિનીઓનો વીડિયો બનાવવાનું શરૂ કર્યું.
કાનપુરના ગર્લ્સ હોસ્ટેલ MMS કાંડમાં પોલીસે આરોપીના મોબાઈલમાંથી ઘણા વીડિયો (Video) રિકવર કર્યા છે. આરોપીએ મોબાઈલમાંથી વીડિયો ડિલીટ કરી નાખ્યો હતો. આ સાથે જ હોસ્ટેલ સંચાલક મનોજ પાંડે અને મહિલા વોર્ડનને કોર્ટમાંથી જામીન મળી ગયા છે. કહેવામાં આવી રહ્યું છે કે પોલીસ કોર્ટમાં તેમની વિરુદ્ધ નક્કર પુરાવા રજૂ કરી શકી નથી. એક પોલીસ અધિકારીએ જણાવ્યું કે આરોપી ઋષિના મોબાઈલમાંથી 12 વીડિયો મળી આવ્યા છે. આરોપી છેલ્લા 8 વર્ષથી ગર્લ્સ હોસ્ટેલમાં (Girls Hostel) સફાઈ કામદાર તરીકે કામ કરતો હતો.
એક પોલીસ અધિકારીએ જણાવ્યું કે આરોપી સવારે તેના મોબાઈલનો કેમેરા ઓન કર્યા પછી જ છોકરીઓના રૂમમાં જતો હતો અને તેનો વીડિયો બનાવતો હતો. ધીમે-ધીમે તેણે મોબાઈલથી નહાતી વિદ્યાર્થિનીઓનો વીડિયો બનાવવાનું શરૂ કર્યું. એક પછી એક તેણે ઘણી વિદ્યાર્થિનીઓનો આ રીતે વીડિયો બનાવ્યો. વિદ્યાર્થિનીઓ જ્યારે સૂતી હતી ત્યારે તેમનો રૂમ સાફ કરતો હતો.
ACP કલ્યાણપુર દિનેશ શુક્લાએ જણાવ્યું કે આરોપી ઋષિ સર્વોદય નગરનો રહેવાસી છે. ઋષિના મોબાઈલમાંથી જૂના વીડિયો મળી આવ્યા છે, જેમાં તેણે વિદ્યાર્થિનીઓ પોતાના રૂમમાં વાંચતી અને ફરતી હોવાનો વીડિયો બનાવ્યો હતો. જ્યારે છોકરીઓ તેમના રૂમમાં સૂતી ત્યારે ઋષિ વહેલી સવારે હોસ્ટેલમાં સફાઈ કરવા જતો હતો.
વીડિયો રિકવર કરવામાં આવ્યા
પોલીસે વીડિયો રિકવર કરવા માટે આઈટી એક્સપર્ટની મદદ લીધી છે. નિષ્ણાતો અત્યાર સુધી આરોપીના મોબાઈલની ગુગલ ડ્રાઈવમાં સેવ કરેલા એ જ વીડિયોને રિકવર કરવામાં સફળ રહ્યા છે. કાનપુરના જોઈન્ટ પોલીસ કમિશનર આનંદ પ્રકાશ તિવારીના જણાવ્યા અનુસાર નિષ્ણાતો હાલમાં 12 વીડિયો રિકવર કરવામાં સફળ રહ્યા છે. આ વીડિયોના આધારે પોલીસ કોર્ટમાં આરોપીઓને કડકમાં કડક સજા કરાવવાનો પ્રયાસ કરશે.
યુવતીઓએ વોર્ડનને ફરિયાદ કરી હતી
આ પહેલા વિદ્યાર્થિનીઓએ જણાવ્યું હતું કે તેઓએ આરોપીને તેમના પાર્ટનરનો નહાતો વીડિયો બનાવતા જોયો હતો. હોસ્ટેલના વોર્ડનને ફરિયાદ કરવામાં આવી હતી. પરંતુ, વોર્ડને તેમને ઠપકો આપીને શાંત કર્યા. જોકે, વિદ્યાર્થિનીઓએ બપોરે આ બાબતે એકબીજા સાથે ચર્ચા કરી હતી અને પોલીસમાં ફરિયાદ કરી હતી.
વિદ્યાર્થિનીઓ કાકદેવ પોલીસ સ્ટેશન પહોંચી અને પોલીસ અધિકારીને સમગ્ર ઘટનાની જાણ કરી. જો કે, કાકદેવ પોલીસ મથકે પહોંચેલી હોસ્ટેલની યુવતીઓને પોલીસે હોસ્ટેલ રાવતપુર પોલીસ સ્ટેશનમાં હોવાનું જણાવી રાવતપુર પોલીસ સ્ટેશન મોકલી આપી હતી. આ પછી પોલીસ કેસ નોંધીને તપાસમાં લાગી ગઈ છે.