‘માસ્ક છે કે દાઢી’? જ્યારે રાજ્યસભાના અધ્યક્ષે સાંસદને પૂછ્યો પ્રશ્ન, તો ગૃહમાં હસવા લાગ્યા
ગૃહમાં મલયાલમ અભિનેતા અને કેરળના બીજેપી સાંસદ સુરેશ ગોપી નવા લુકમાં દેખાયા. જેને જોઈને રાજ્યસભાના અધ્યક્ષ વેંકૈયા નાયડુ પણ હેરાન થઈ ગયા.
કેટલીકવાર ગંભીર ચર્ચાઓ વચ્ચે સંસદમાં (Parliament) હાસ્ય અને જોક્સની ક્ષણો સાથે હળવાશનું વાતાવરણ પણ જોવા મળે છે. ગયા અઠવાડિયે રાજ્યસભામાં પણ આવું જ કંઈક જોવા મળ્યું હતું. મલયાલમ એક્ટર અને કેરળના બીજેપી સાંસદ સુરેશ ગોપી નવા લુકમાં જોવા મળ્યા. જેને જોઈને રાજ્યસભાના ચેરમેન વેંકૈયા નાયડુ પણ હેરાન થઈ ગયા.
સુરેશ ગોપી બોલવા ઊભા થયા અને તેઓ કાંઈ બોલે તે પહેલા જ રાજ્યસભાના અધ્યક્ષ વેંકૈયા નાયડુએ અટકાવીને પૂછ્યું કે, શું માસ્ક છે કે દાઢી? આ પૂછતાં જ રાજ્યસભાના તમામ સાંસદો હસી પડ્યા.
ઉપરાષ્ટ્રપતિના પ્રશ્નના જવાબમાં સુરેશ ગોપીએ કહ્યું કે, આગામી ફિલ્મ માટે આ તેમનો નવો લુક છે. આ પછી ઉપરાષ્ટ્રપતિ સંતુષ્ટ દેખાયા અને સાંસદ સુરેશ ગોપીએ ગૃહમાં પોતાની વાત રાખી.
અહીં વીડિયો જુઓ
#Watch | ‘Is it a mask or a beard?’ Venkaiah Naidu’s question to MP Suresh Gopi leaves RS members in splits.#TV9News #ViralVideo #Viral #RajyaSabha pic.twitter.com/NUF0FQRfX9
— Tv9 Gujarati (@tv9gujarati) March 29, 2022
અગાઉ, ઉપરાષ્ટ્રપતિ એમ. વેંકૈયા નાયડુએ કહ્યું હતું કે, બાળકોનું કુપોષણ, લિંગ અસમાનતા, સ્વચ્છ પાણીની સમાન પહોંચનો અભાવ અને પર્યાવરણીય પ્રદૂષણ એ કેટલાક પરિબળો છે જે ભારતની પ્રગતિમાં અવરોધરૂપ છે. તેમણે કહ્યું કે, દેશે ટકાઉ વિકાસ લક્ષ્યો (SDGs) એજન્ડા 2030 હાંસલ કરવા માટે ઘણા પ્રયત્નો કરવાની જરૂર છે.
તેમણે કહ્યું કે, તમામ દેશોએ પૃથ્વી ગ્રહને બચાવવા માટે સામૂહિક પ્રયાસ કરવા જોઈએ અને ‘વસુધૈવ કુટુંબકમ’ની પ્રાસંગિકતા યાદ અપાવી. તેમણે એવી ચિંતા પણ વ્યક્ત કરી હતી કે, 2021માં ભારતને ટકાઉ વિકાસ લક્ષ્યાંક સૂચકાંકમાં 120મું સ્થાન આપવામાં આવ્યું હતું અને ફિનલેન્ડ, સ્વીડન અને ડેનમાર્ક જેવા દેશો યાદીમાં ટોચ પર છે. “આ એક એવો મામલો છે જેને ગંભીરતાથી લેવો જોઈએ,”
આ પણ વાંચો: Knowledge: લોહીની સાથે પ્લાસ્ટિકના કણો પણ હોય છે માનવ શરીરમાં, વાંચો કેવી રીતે મળી માહિતી
આ પણ વાંચો: Tech Knowledge: આ છે 12 જગ્યાઓ જે Google Maps પર જોવાની મનાઈ છે !
Latest News Updates
