મણિપુર ભૂસ્ખલનઃ અત્યાર સુધીમાં 14 મૃતદેહો મળી આવ્યા, સેનાના જવાનો અને રેલવે કર્મચારીઓ સહિત 60 લોકો ફસાયા હોવાની આશંકા, બચાવ કામગીરી ચાલુ

મણિપુરના નોનીમાં ભૂસ્ખલન(Land Slide) કારણે અત્યાર સુધીમાં 14 લોકોના મોત થયા છે. જ્યારે હજુ પણ 60 જેટલા લોકો કાટમાળ નીચે ફસાયા હોવાની આશંકા છે. એનડીઆરએફની ટીમ બચાવ કામગીરી કરી રહી છે.

મણિપુર ભૂસ્ખલનઃ અત્યાર સુધીમાં 14 મૃતદેહો મળી આવ્યા, સેનાના જવાનો અને રેલવે કર્મચારીઓ સહિત 60 લોકો ફસાયા હોવાની આશંકા, બચાવ કામગીરી ચાલુ
Manipur landslide: 14 bodies found so far, 60 people feared trapped
TV9 GUJARATI

| Edited By: Pinak Shukla

Jul 01, 2022 | 7:57 AM

મણિપુરના નોનીમાં ભારે વરસાદ અને ભૂસ્ખલન(Landslide in Manipur)ના કારણે અત્યાર સુધીમાં 14 લોકોના મોત થયા છે. ગુરુવારે સવારે ભૂસ્ખલન થયું, ત્યારપછી બચાવ કામગીરી(Manipur Rescue Operation)  ચાલી રહી છે. નોનીના ડીજીપી પી ડોંગલે જણાવ્યું કે, કાટમાળમાંથી 23 લોકોને બચાવી લેવામાં આવ્યા છે, જેમાંથી 14 લોકોના મોત થયા છે. કેટલા લોકો દટાયા છે તેની પુષ્ટિ નથી, પરંતુ અત્યાર સુધીમાં ગ્રામીણ, સેના અને રેલ્વે જવાનો, મજૂરો સહિત 60 લોકો દટાયા હોવાની આશંકા છે. 

NDRFએ જણાવ્યું કે આ દુર્ઘટના બુધવારે રાત્રે તુપુલ યાર્ડ રેલવે કન્સ્ટ્રક્શન કેમ્પમાં થઈ હતી. અધિકારીઓએ જણાવ્યું હતું કે, નોની જિલ્લામાં એક રેલવે બાંધકામ સ્થળ પર ભૂસ્ખલન થયું હતું. સાંજે 6.55 વાગ્યા સુધી માહિતી શેર કરતા તેમણે કહ્યું કે, હજુ પણ ઘણા લોકો કાટમાળ નીચે ફસાયા હોવાની આશંકા છે અને તેમને બચાવવાની કામગીરી ચાલી રહી છે. પ્રવક્તાએ કહ્યું કે એનડીઆરએફની એક ટીમ ઈમ્ફાલના બેઝ કેમ્પથી તાત્કાલિક ઘટનાસ્થળે પહોંચી ગઈ. 

ભારે અર્થ મૂવર્સનો થઈ રહ્યો છે ઉપયોગ 

ફોર્સે એક સ્નિફર ડોગને પણ બચાવ કાર્યમાં લગાવ્યો છે. આ સ્લીથ ભીની માટી ખોદી રહી છે અને સંભવિત જીવંત લોકોની શોધ કરી રહી છે. સ્થાનિક વહીવટીતંત્ર અને અન્ય બચાવ એજન્સીઓ બચાવ કાર્યને ઝડપી બનાવવા માટે ભારે અર્થમૂવરનો ઉપયોગ કરી રહી છે. ભૂસ્ખલનને પગલે, ભારે કાટમાળ કેમ્પ પર પડ્યો અને ઇજેઇ નદીના માર્ગને અવરોધિત કર્યો. જેના કારણે ત્યાં જળાશય બની ગયું છે અને નીચાણવાળા વિસ્તારોમાં પૂરનો ભય છે. 

રાષ્ટ્રપતિ રામ નાથ કોવિંદે ભૂસ્ખલનમાં સશસ્ત્ર દળોના જવાનો સહિત સામાન્ય લોકોના જીવ ગુમાવવા બદલ ઊંડો શોક વ્યક્ત કર્યો અને ગુમ થયેલા લોકોની સલામતી માટે પ્રાર્થના કરી. રાષ્ટ્રપતિ ભવને કોવિંદને ટાંકીને કહ્યું કે, “મણિપુરના નોનીમાં ભૂસ્ખલનમાં સશસ્ત્ર દળોના જવાનો સહિત સામાન્ય લોકોનું મૃત્યુ અત્યંત દુર્ભાગ્યપૂર્ણ છે. પીડિત પરિવારો પ્રત્યે મારી સંવેદના. કોંગ્રેસના પૂર્વ અધ્યક્ષ રાહુલ ગાંધીએ મણિપુરમાં ભૂસ્ખલનની ઘટનામાં ઘણા લોકોના મોત પર શોક વ્યક્ત કર્યો હતો. 

કોંગ્રેસ મહાસચિવ પ્રિયંકા ગાંધી વાડ્રાએ પણ આ દુર્ઘટના પર શોક વ્યક્ત કર્યો હતો અને ઘાયલોની ઝડપથી સ્વસ્થ થવાની કામના કરી હતી. તે જ સમયે, દિલ્હીના મુખ્યમંત્રી અરવિંદ કેજરીવાલે ભયાનક ભૂસ્ખલનમાં લોકોના મૃત્યુ પર શોક વ્યક્ત કર્યો અને કહ્યું કે આ ઘટના ખૂબ જ દુઃખદ છે. કેજરીવાલે ટ્વીટ કર્યું કે, મણિપુરના નોની જિલ્લામાં ભૂસ્ખલનના સમાચાર ખૂબ જ દુઃખદ છે. આ દુ:ખદ અકસ્માતમાં તેમના પ્રિયજનોને ગુમાવનારા પરિવારો પ્રત્યે મારી હૃદયપૂર્વકની સંવેદના. હું મણિપુરના લોકો માટે પ્રાર્થના કરું છું.

Follow us on

Related Stories

Most Read Stories

Click on your DTH Provider to Add TV9 Gujarati