મમતા બેનર્જીએ રાહુલ ગાંધી પર સાધ્યું નિશાન કહ્યું ‘કોઈ કંઈ કરશે નહીં અને વિદેશમાં જ રહીશ તો કેવી રીતે ચાલશે?’

પશ્ચિમ બંગાળના મુખ્યમંત્રી મમતા બેનર્જીએ કોંગ્રેસના નેતા રાહુલ ગાંધી પર નિશાન સાધ્યું છે.

મમતા બેનર્જીએ રાહુલ ગાંધી પર સાધ્યું નિશાન કહ્યું 'કોઈ કંઈ કરશે નહીં અને વિદેશમાં જ રહીશ તો કેવી રીતે ચાલશે?'
Mamata Banerjee targets Rahul Gandhi

તૃણમૂલ કોંગ્રેસ (TMC)ના વિસ્તરણમાં વ્યસ્ત પશ્ચિમ બંગાળના મુખ્યમંત્રી મમતા બેનર્જીએ કોંગ્રેસના નેતા રાહુલ ગાંધી પર નિશાન સાધ્યું છે. તેમણે નામ લીધા વગર કહ્યું કે, જો કોઈ કંઈ કરતું નથી, વિદેશમાં રહે છે, તો કેવી રીતે ચાલશે. એટલા માટે અમારે બીજા ઘણા રાજ્યોમાં જવું પડ્યું.”

મમતાએ મુંબઈમાં સિવિલ સોસાયટીના સભ્યો સાથેની વાતચીત દરમિયાન કહ્યું, “મેં કોંગ્રેસને ઘણી વખત કહ્યું કે અમને માર્ગદર્શન આપવા માટે નિષ્ણાત ટીમ બનાવો પરંતુ કોંગ્રેસે સાંભળ્યું નહીં. અમે ઈચ્છીએ છીએ કે, તમે સમગ્ર ભારતમાં નાગરિક સમાજની એક સમિતિ બનાવો અને અમને જણાવો કે શું કરવું. જો કોઈ નિર્દોષ જેલમાં બંધ હશે તો અમે તેને બહાર કાઢવાનો પ્રયાસ કરીશું.

તાજેતરના દિવસોમાં એવું જોવા મળ્યું છે કે, મમતા બેનર્જી કોંગ્રેસ તરફ અવાજ ઉઠાવી રહી છે. કોંગ્રેસના ઘણા નેતાઓ ટીએમસીમાં જોડાયા છે. મેઘાલયમાં 12 ધારાસભ્યો કોંગ્રેસ છોડીને TMCમાં જોડાયા છે. આ સમયે TMC ગોવામાં પહેલીવાર જોર શોરથી પ્રચાર કરવામાં વ્યસ્ત છે. અહીં ભાજપ સત્તામાં છે અને કોંગ્રેસ મુખ્ય વિરોધ પક્ષ છે.

જ્યારે મમતા બેનર્જીને પૂછવામાં આવ્યું કે, તમે કોંગ્રેસ સાથે કેમ લડી રહ્યા છો? ત્યારે તેમણે જવાબ આપ્યો કે, જો કોંગ્રેસ અને ડાબેરીઓ બંગાળમાં અમારી વિરુદ્ધ ચૂંટણી લડી શકે છે તો અમે પણ તેમની વિરુદ્ધ જઈ શકીએ છીએ. તેમણે કહ્યું કે, ભાજપને હરાવવા માટે અમારે આ લડાઈ લડવી પડશે. વધુમાં તેમણે કહ્યું કે, બંગાળ ખૂબ જ શાંતિપ્રિય રાજ્ય છે પરંતુ અહીં દરરોજ એક વીડિયો સર્ક્યુલેટ થાય છે. તેણીએ એમ પણ કહ્યું કે, હું ગ્રાસ રૂટ લેવલથી આવું છું. જ્યાં સુધી જીવિત છીએ ત્યાં સુધી લડતા રહીશું.

મમતાએ કહ્યું કે, અમારા બંગાળમાં બધું બરાબર છે, પરંતુ અમારે બહાર આવવું પડ્યું. અમારા આગમનથી સ્પર્ધા વધશે. તેમણે કહ્યું કે, જો તમામ પ્રાદેશિક પક્ષો સાથે આવે તો ભાજપે જવું પડશે. આ દરમિયાન તેમણે ભાજપ હટાઓ દેશ બચાવો ના નારા પણ આપ્યા હતા. અમે મહારાષ્ટ્રમાં નથી આવી રહ્યા, જ્યાં પ્રાદેશિક પાર્ટી સારું કામ કરી રહી છે ત્યાં અમે નહીં જઈએ. તમારા પ્રાદેશિક સાથીદારોને સમર્થન મળશે.

આ પણ વાંચો: UPSC IAS Mains 2021: આવતીકાલે સિવિલ સર્વિસ મેઈન્સ પરીક્ષા માટે અરજી કરવાની છેલ્લી તારીખ, આ રીતે કરો અરજી

આ પણ વાંચો: Career in Music: જો તમને સંગીતમાં રસ છે, તો તમે ભારતીય નેવીમાં નોકરી મેળવી શકો છો, જાણો કેવી રીતે

  • Follow us on Facebook

Click on your DTH Provider to Add TV9 Gujarati