Jawad Cyclone: બંગાળની ખાડીમાં સર્જાશે જવાદ ચક્રવાત,ઉત્તર-પૂર્વના રાજ્યો માટે ખતરાની વાગી ઘંટડી

હવામાનશાસ્ત્રના દૃષ્ટિકોણથી, ચોમાસા પછીના મહિનાઓ દરમિયાન, આ પ્રદેશ નવેમ્બરમાં સૌથી વધુ ચક્રવાત પરિભ્રમણ અનુભવે છે.

Jawad Cyclone: બંગાળની ખાડીમાં સર્જાશે જવાદ ચક્રવાત,ઉત્તર-પૂર્વના રાજ્યો માટે ખતરાની વાગી ઘંટડી
પ્રતિકાત્મક ફોટો

Jawad Cyclone: બંગાળની ખાડી (Bay of Bengal) માં થયેલા હલચલને કારણે આંધ્રપ્રદેશ અને ઓડિશા માટે ખતરાની ઘંટડી વગાડી છે. વાસ્તવમાં, બંગાળની ખાડીમાં ચક્રવાત (Cyclone)નું નિર્માણ થઈ રહ્યું છે જે 4 ડિસેમ્બરની આસપાસ આંધ્ર પ્રદેશ-ઓડિશાના દરિયાકાંઠે (Andhra Pradesh-Odisha coast) પહોંચી શકે છે. હવામાન વિભાગના જણાવ્યા અનુસાર શનિવાર સુધી જવાદ વાવાઝોડું આંધ્રપ્રદેશ અને ઓડિશાના દરિયાકાંઠે ત્રાટકી શકે છે. તેને જોતા ભારતીય હવામાન વિભાગે (The Indian Meteorological Department) ભારે વરસાદની ચેતવણી જાહેર કરી છે. સાઉદી અરેબિયા (Saudi Arabia) એ આ તોફાનને જવાદ (Jawad Cyclone)નામ આપ્યું છે.

છેલ્લા કેટલાક દિવસોના હવામાન પર નજર કરીએ તો, તાજેતરના અઠવાડિયામાં સતત નીચા દબાણની સિસ્ટમ વિકસિત થઈ છે, પરંતુ 31 વર્ષમાં આ પ્રથમ વખત છે કે ઓક્ટોબર અને નવેમ્બરના મહિનાઓ ઉત્તર હિંદ મહાસાગર (બંગાળની ખાડી અને અરબી સમુદ્ર) પસાર થઈ ગયો છે. હવામાનશાસ્ત્રના દૃષ્ટિકોણથી, ચોમાસા પછીના મહિનાઓ દરમિયાન, આ પ્રદેશ નવેમ્બરમાં સૌથી વધુ ચક્રવાત પરિભ્રમણ અનુભવે છે.

આગામી 12 કલાકમાં તોફાન આંદામાન સમુદ્રમાં પહોંચી જશે ભારતીય હવામાન વિભાગે જણાવ્યું હતું કે ચક્રવાતી તોફાન જવાદ શનિવારે સવારે આંધ્રપ્રદેશ અને ઓડિશાના દરિયાકાંઠાના વિસ્તારોમાં પહોંચવાની સંભાવના છે. હવામાન વિભાગે જણાવ્યું કે, સવારે 8:30 વાગ્યે થાઈલેન્ડ અને તેની આસપાસના વિસ્તારોમાં નીચા દબાણનો વિસ્તાર રહ્યો હતો. આ દબાણ વિસ્તાર આગામી 12 કલાકમાં આંદામાન સમુદ્ર સુધી પહોંચે તેવી શક્યતા છે.

હવામાન વિભાગ દ્વારા જારી કરવામાં આવેલા નિવેદન અનુસાર, ‘તે પછી લો પ્રેશર એરિયા પશ્ચિમ-ઉત્તરપશ્ચિમ તરફ આગળ વધી શકે છે અને 2 ડિસેમ્બર સુધીમાં દક્ષિણપૂર્વ અને બંગાળની ખાડીની બાજુમાં ડિપ્રેશનમાં ફેરવાય તેવી શક્યતા છે. તે આગામી 24 કલાકમાં મધ્ય બંગાળની ખાડીમાં ચક્રવાતી વાવાઝોડામાં પરિવર્તિત થવાની સંભાવના છે.

આ વાવાઝોડું શનિવાર સુધીમાં આંધ્ર અને ઓડિશાના દરિયાકાંઠે ટકરાશે ત્યારપછી, તે ઉત્તરપશ્ચિમ તરફ આગળ વધે, વધુ તીવ્ર બને અને 4 ડિસેમ્બર, શનિવારે સવારે ઉત્તર આંધ્રપ્રદેશ-ઓડિશા કિનારે પહોંચે તેવી શક્યતા છે. હવામાન વિભાગની આગાહી અનુસાર, ‘ઓડિશાના દરિયાકાંઠાના વિસ્તારોમાં ભારેથી અતિ ભારે અને અતિ ભારે વરસાદની અપેક્ષા છે.’

વિભાગના જણાવ્યા અનુસાર, ઓડિશાના નજીકના જિલ્લાઓ, પશ્ચિમ બંગાળના દરિયાકાંઠાના જિલ્લાઓ અને આંધ્ર પ્રદેશના ઉત્તર તટીય વિસ્તારોમાં ‘ભારેથી અતિ ભારે વરસાદ’ની અપેક્ષા છે. હવામાન વિભાગે કહ્યું, ‘ઉત્તર-પૂર્વના રાજ્યોમાં 5-6 ડિસેમ્બરે ભારે વરસાદ થવાની સંભાવના છે.

આ પણ વાંચો: માવઠાએ માઝા મૂકી: રાજ્યાના આ વિસ્તારોમાં પડ્યો વરસાદ, ખેડૂતો માટે જાહેર કરાઈ આ માર્ગદર્શિકા

આ પણ વાંચો: Bhakti: અસંભવને પણ સંભવ કરી દે છે દર મહિને આવતી શિવરાત્રીનું વ્રત, જાણો મહત્વ, શુભ મુહૂર્ત અને પૂજા વિધિ

  • Follow us on Facebook

Published On - 9:15 am, Wed, 1 December 21

Click on your DTH Provider to Add TV9 Gujarati