JAMMU-KASHMIR : કઠુઆમાં સેનાનું ધ્રુવ હેલીકોપ્ટર ક્રેશ, એક પાયલટનું મૃત્યુ
JAMMU-KASHMIR : ધ્રુવ હેલીકોપ્ટર ક્રેશ થવાની આ ઘટનામાં હેલિકોપ્ટરમાં સવાર બે પાયલોટ ગંભીર રીતે ઈજાગ્રસ્ત થયા હતા.
JAMMU-KASHMIRના કઠુઆમાં ભારતીય સેનાનું ધ્રુવ હેલીકોપ્ટર ક્રેશ થયું છે. ઘટનાની મળતી માહિતી મુજબ કઠુઆમાં ભારતીય સેનાનું ધ્રુવ એડવાન્સ લાઈટ હેલિકોપ્ટર (ALH)ટેક ઓફ કરતા સમયે તાર સાથે અથડાયું અને આ ઘટના સર્જાઈ. ધ્રુવ હેલીકોપ્ટર ક્રેશ થવાની આ ઘટનામાં હેલિકોપ્ટરમાં સવાર બે પાયલોટ ગંભીર રીતે ઈજાગ્રસ્ત થયા હતા. ઈજાગ્રસ્ત બંને પાયલોટને સારવાર માટે સેનાના હોસ્પિટલમાં ખસેડવામાં આવ્યા હતા.
કઠુઆના સીનીયર પોલીસ અધિકારી (SSP) શૈલેન્દ્ર કુમાર મિશ્રાએ ઘટના અંગે જણાવ્યું કે કઠુઆમાં લખનપુર નજીક ભારતીય સેનાનું ધ્રુવ હેલિકોપ્ટર ક્રેશ થયું. આ ઘટનામાં હેલિકોપ્ટરના બંને પાયલટને ગમ્બીર ઈજાઓ થઇ હતી. બંને પાયલટને પઠાનકોટના મિલેટ્રી હોસ્પિટલમાં દાખલ કરવામાં આવ્યાં હતા.સંરક્ષણ મંત્રાલયના પ્રવક્તાએ એક પાયલટનું મૃત્યુ થયાની પુષ્ટિ કરી છે.
#UPDATE | One of the two pilots injured in the chopper crash in Kathua succumbs to injuries, says PRO Defence https://t.co/uBWyGn0y3G
— ANI (@ANI) January 25, 2021