Jahangirpuri Violence: શોભાયાત્રા પર કાચની બોટલ ફેકનારા વધુ બે આરોપીની ધરપકડ, અંસાર સાથે પણ છે કનેક્શન

દિલ્હી પોલીસે જહાંગીરપુરી હિંસા કેસમાં વધુ બે આરોપીઓની ધરપકડ કરી છે. પોલીસે હિંસા કેસમાં અત્યાર સુધીમાં કુલ 28 આરોપીઓની ધરપકડ કરી છે. NSA જેવા કેસમાં 5 આરોપીઓ સામે કાર્યવાહી કરવામાં આવી રહી છે.

Jahangirpuri Violence: Two more accused arrested (Symbolic image )

TV9 Gujarati | Edited By: Bipin Prajapati | Updated on: Apr 28, 2022 | 9:11 AM

જહાંગીરપુરી હિંસા (Jahangirpuri Violence) કેસમાં વધુ બે આરોપીઓની પોલીસે ધરપકડ કરી છે. બંને સામે આરોપ છે કે હિંસા દરમિયાન આરોપીઓએ કાચની બોટલ વડે ટોળા ઉપર હુમલો કર્યો હતો. આ માહિતી સાથે એ પણ સામે આવ્યું છે કે ઝડપાયેલા બંને મુખ્ય આરોપીઓ અન્સારના (Ansar) નજીકના છે. પોલીસે ઝફર અને બાબાઉદ્દીન નામમા આરોપીની ધરપકડ કરી છે. બંને પર હનુમાન જયંતિ (Hanuman Jayanti) દરમિયાન નીકળેલા શોભાયાત્રા પર કાચની બોટલો અને તલવારોથી હુમલો કરવાનો આરોપ છે. બંને આરોપીઓ સગા ભાઈઓ છે. હિંસામાં બંને ભાઈઓની મહત્વની ભૂમિકા જણાવવામાં આવી રહી છે. મીડિયા રિપોર્ટ્સ અનુસાર બંને આરોપીઓ અંસારને પણ ઓળખે છે.

જહાંગીરપુરી હિંસા કેસમાં દિલ્હી પોલીસે અત્યાર સુધીમાં કુલ 28 લોકોની ધરપકડ કરી છે. તેમાંથી 3 સગીર છે, જેમને બાળ સુધાર ગૃહમાં મોકલી દેવામાં આવ્યા છે. સાથે જ ક્રાઈમ બ્રાન્ચ અંસાર સહિત 9 આરોપીઓની સતત પૂછપરછ કરી રહી છે. તો બીજી બાજુ દિલ્હીની રોહિણી કોર્ટે હિંસાના પાંચ ફરાર આરોપીઓ સામે બિનજામીનપાત્ર વોરંટ જાહેર કર્યું છે.

અનેક રાજ્યોમાં દરોડાની કાર્યવાહી

કોર્ટે પોલીસને ફરાર આરોપીની ઝડપથી ધરપકડ કરવા જણાવ્યું છે. પોલીસે વર્ચ્યુઅલ માધ્યમથી રોહિણી કોર્ટમાં સુનાવણી દરમિયાન જણાવ્યું કે આ આરોપીઓને પકડવા માટે પશ્ચિમ બંગાળ, ઉત્તર પ્રદેશ, બિહાર સહિત ઘણા રાજ્યોમાં દરોડા પાડવામાં આવી રહ્યા છે. 23 એપ્રિલે, જહાંગીરપુરી હિંસાના આરોપીઓમાં, કોર્ટે NSA હેઠળ 5 આરોપીઓને 8 દિવસના પોલીસ રિમાન્ડ પર મોકલી દીધા છે. જેમાં અંસાર, સલીમ, સોનુ ચિકના, આહીર અને દિલશાદનો સમાવેશ થાય છે. કોર્ટે અન્ય 4 આરોપીઓને 14 દિવસની ન્યાયિક કસ્ટડીમાં મોકલી દીધા છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

9 લોકો ઘાયલ થયા હતા

દિલ્હીના જહાંગીરપુરીમાં હનુમાન જયંતિના અવસર પર શોભાયાત્રા દરમિયાન કેટલાક લોકોએ પથ્થરમારો કર્યો હતો. પથ્થરમારાની ઘટના બાદ આ વિસ્તારમાં હિંસા થવા પામી હતી. આ ઘટનામાં 8 પોલીસકર્મીઓ સહિત 9 લોકો ઘાયલ થયા છે. ઘટના બાદ ઘણા દિવસો સુધી વિસ્તારમાં કર્ફ્યુ જેવી સ્થિતિ રહી હતી. આ પછી વિસ્તારમાં ભાઈચારો વધારવા માટે તિરંગા યાત્રા પણ કાઢવામાં આવી હતી. ઘટના બાદથી દિલ્હી પોલીસ સતત આરોપીઓની ધરપકડ કરી રહી છે.

આ પણ વાંચોઃ