Indigo Flight માં મહિલાની પ્રસૂતિ, યાત્રા કરી રહેલા ડૉક્ટર અને ક્રૂ મેમ્બરની મદદે થયો બાળકીનો જન્મ
Indigo ની બેંગલુરુ થી જયપુર જઇ રહેલી ફ્લાઇટમાં (Flight) એક મહિલાએ બાળકીને જન્મ આપ્યો છે. એરલાઇન્સે એક નિવેદન જાહેર કરીને જાણકારી આપી છે.
Indigo ની બેંગલુરુથી જયપુર જઇ રહેલી ફ્લાઇટમાં (Flight) એક મહિલાએ બાળકીને જન્મ આપ્યો છે. એરલાઇન્સે એક નિવેદન જાહેર કરીને જાણકારી આપી છે કે, બેંગલુરુથી જયપુર જઇ રહેલી ફ્લાઇટ 6E 469 માં એક મહિલાએ બાળકીને જન્મ આપ્યો છે. આ વિમાનમાં મુસાફરી કરી રહેલા ડૉ. સુબહાના નઝીર (Dr. Subahana Nazir) અને ક્રૂ મેમ્બર્સએ મહિલાની પ્રસૂતિમાં મદદ કરી અને બાળકીનો જન્મ થયો.
https://twitter.com/PoulomiMSaha/status/1372061202541596674
મળતી માહિતી અનુસાર જયપુર એરપોર્ટના અધિકારીઓને તાત્કાલિક ડૉક્ટર અને એમ્બ્યુલન્સની સુવિધા તૈયાર રાખવાની સુચના આપી દેવામાં આવી હતી. હાલમાં માતા અને નવજાત બાળકી બંને સ્વસ્થ છે. ફ્લાઇટમાં મહિલાની પ્રસૂતિમાં મદદ કરનાર ડૉક્ટરનું જયપુર એરપોર્ટ પર સ્વાગત કરવામાં આવ્યુ. સાથે જ ઇન્ડિગો ફ્લાઇટ તરફથી તેમને થેન્કયૂ કાર્ડ પણ આપવામાં આવ્યું હતું. ઇન્ડિગોએ આ કામમાં મદદ કરનાર પોતાના સ્ટાફની પણ પ્રશંસા કરી છે. આ ફ્લાઇટ બુધવારે સવારે 5.45 વાગ્યે ટેકઓફ થઇ હતી અને સવા બે કલાકમાં તે જયપુર લેન્ડ થઇ હતી.