દેશને ટૂંક સમયમાં મળી શકે છે પ્રથમ નેઝલ વેક્સિન, ઈંટ્રાનેસલના ટ્રાયલનો ત્રીજો તબક્કો પૂર્ણ થયો
ભારત બાયોટેક (Bharat Biotech) ઈન્ટરનેશનલ લિમિટેડ જણાવે છે કે BBV154 સુરક્ષિત અને રોગપ્રતિકારક સાબિત થઈ છે. હવે આશા છે કે ટૂંક સમયમાં આ રસીને મંજૂરી મળી જશે. આ ભારતની પ્રથમ નેઝલ વેક્સિન હશે.
ભારત બાયોટેકે BBV154 ઈંટ્રાનેસલ કોવિડ વેક્સિનનો (Corona Vaccine) ફેઝ 3 ટ્રાયલ પૂર્ણ કર્યો છે. ભારત બાયોટેક (Bharat Biotech) ઈન્ટરનેશનલ લિમિટેડ જણાવે છે કે BBV154 સુરક્ષિત અને રોગપ્રતિકારક સાબિત થઈ છે. હવે આશા છે કે ટૂંક સમયમાં આ રસીને મંજૂરી મળી જશે. આ ભારતની પ્રથમ નેઝલ વેક્સિન હશે. તેનાથી કોરોના વાયરસ (Corona Virus) સામેની લડાઈમાં વધુ તાકાત મળશે. BBIL ના અધ્યક્ષ અને મેનેજિંગ ડિરેક્ટર કૃષ્ણા એલાએ તાજેતરમાં જણાવ્યું હતું કે લાયસન્સ માટે ટૂંક સમયમાં અરજી કરવામાં આવશે અને અમે સકારાત્મક પ્રતિસાદની અપેક્ષા રાખીએ છીએ.
જો બધું બરાબર રહેશે તો આ વર્ષે ઓગસ્ટ સુધીમાં લોકોને આ કોવિડ રસી મળી જશે. જો કોરોનાનું નવું કોઈ વેરિએન્ટ આવે છે, તો તે તેની સામે લડવામાં મદદ કરશે. ભારત બાયોટેક માને છે કે ઇન્જેક્ટેબલ અને નેઝલ વેક્સિન બંને ભવિષ્યમાં જીવન બચાવવામાં મદદ કરશે.
Bharat Biotech completes clinical development for phase III trials and booster doses for BBV154 intranasal covid vaccine.#BharatBiotech #covid19vaccine #bbv154 #intranasalvaccine #covid19 pic.twitter.com/oh76drnezz
— BharatBiotech (@BharatBiotech) August 15, 2022
આખા શરીરનું રક્ષણ કરે છે નેઝલ વેક્સિન
અગાઉ કહેવામાં આવ્યું હતું કે લગભગ 4000 લોકો પર પરીક્ષણ કરવામાં આવ્યું હતું અને આડઅસરનો એક પણ કેસ નોંધાયો ન હતો. ડ્રગ કંટ્રોલર જનરલ ઓફ ઇન્ડિયા (DCGI) એ અગાઉ બૂસ્ટર ડોઝ તરીકે નેઝલ વેક્સિનની ક્લિનિકલ ટ્રાયલ માટે મંજૂરી આપી હતી. એલાએ કહ્યું કે કોઈપણ ઈન્જેક્ટેબલ વેક્સિન માત્ર શરીરના નીચેના ભાગનું રક્ષણ કરે છે, જ્યારે નેઝલ વેક્સિન આખા શરીરને રક્ષણ પૂરું પાડે છે.
શું રસી મ્યુકોસલ રોગપ્રતિકારક શક્તિ પ્રદાન કરશે?
એઈમ્સના ડો. સંજય રાયે અગાઉ કહ્યું હતું કે જો નેઝલ વેક્સિન મ્યુકોસલ ઈમ્યુનિટી પ્રદાન કરવા જઈ રહી છે, તો તે માનવજાત માટે એક મોટી ઉપલબ્ધિ હશે. ચેપને રોકવા માટે કોઈપણ રસી સંપૂર્ણપણે અસરકારક નથી. અમે આશા રાખીએ છીએ કે આ રસી ચેપને રોકવા માટે મ્યુકોસલ રોગપ્રતિકારક શક્તિ પ્રદાન કરશે.