Hijab controversy : બંને જજોના અલગ-અલગ અભિપ્રાય, હવે સુપ્રીમ કોર્ટની મોટી બેંચ કરશે સુનાવણી

TV9 GUJARATI

TV9 GUJARATI | Edited By: Bipin Prajapati

Updated on: Oct 13, 2022 | 11:43 AM

જસ્ટિસ હેમંત ગુપ્તા અને જસ્ટિસ સુધાંશુ ધુલિયાની બેન્ચે આ ચુકાદો આપ્યો હતો. સુપ્રીમ કોર્ટે 22 સપ્ટેમ્બરે પોતાનો ચુકાદો અનામત રાખ્યો હતો.

Hijab controversy : બંને જજોના અલગ-અલગ અભિપ્રાય, હવે સુપ્રીમ કોર્ટની મોટી બેંચ કરશે સુનાવણી
Supreme Court verdict on hijab


હિજાબ કેસની સુનાવણી કરી રહેલા બંને ન્યાયાધીશોએ ચુકાદા પર તેમના અલગ-અલગ અભિપ્રાયોને કારણે મામલો મોટી બેંચને મોકલી આપ્યો છે. હવે હિજાબને લગતા કેસમાં ત્રણ જજોની બેન્ચ ચુકાદો સંભળાવશે. આ કેસમાં સુપ્રીમ કોર્ટના (Supreme Court) જસ્ટિસ હેમંત ગુપ્તાએ કર્ણાટક હાઈકોર્ટના નિર્ણયને પડકારતી અરજીઓને ફગાવી દીધી હતી. કર્ણાટક હાઈકોર્ટે (Karnataka High Court) શૈક્ષણિક સંસ્થાઓમાં હિજાબ પહેરવા પર પ્રતિબંધ મૂકતા રાજ્ય સરકારના આદેશને યથાવત રાખ્યો હતો. જ્યારે જસ્ટિસ સુધાંશુ ધુલિયાએ કહ્યું કે આ મામલો યોગ્ય દિશા માટે ચીફ જસ્ટિસ ઑફ ઈન્ડિયાને મોકલવામાં આવ્યો છે. તેમણે કહ્યું કે આ પસંદગીની બાબત છે, વધુ કે ઓછું કંઈ નહીં.

કેસની સુનાવણી દરમિયાન જસ્ટિસ હેમંત ગુપ્તાએ કહ્યું કે, તેમણે આ કેસમાં 11 સવાલો તૈયાર કર્યા હતા. જેના જવાબ આપ્યા છે. જો કે જ્યાં સુધી મોટી બેન્ચ નિર્ણય નહીં આપે ત્યાં સુધી કર્ણાટક હાઈકોર્ટનો નિર્ણય અમલમાં રહેશે.

તમને જણાવી દઈએ કે આ મામલો કર્ણાટકથી શરૂ થયો હતો. જે આજે પણ તેના અંત સુધી પહોંચ્યો નથી. સવારે 10.30 વાગ્યે સુનાવણી દરમિયાન સુપ્રીમ કોર્ટે કહ્યું કે હવે આ મામલો સુનાવણી માટે મોટી બેંચ પાસે જશે. સુપ્રીમ કોર્ટે 22 સપ્ટેમ્બરે પોતાનો ચુકાદો અનામત રાખ્યો હતો. જસ્ટિસ હેમંત ગુપ્તા અને જસ્ટિસ સુધાંશુ ધુલિયાએ આ કેસમાં અલગ-અલગ ચુકાદો લખ્યો હતો. ચુકાદો સુરક્ષિત કરતા પહેલા કોર્ટે 10 દિવસ સુધી સુનાવણી કરી હતી. આ દરમિયાન, સુપ્રીમ કોર્ટે હિજાબ તરફી અરજીકર્તાઓ સિવાય કર્ણાટક સરકાર અને કોલેજના શિક્ષકોની દલીલો સાંભળી હતી.

હાઈકોર્ટના નિર્ણયને પડકાર્યો

આ પહેલા કર્ણાટક હાઈકોર્ટે હિજાબ પરના પ્રતિબંધને સમાપ્ત કરવાની માંગ કરતી અરજીને ફગાવી દીધી હતી. દરમિયાન, 15 માર્ચે, હાઈકોર્ટે ઉડુપીની સરકારી પ્રી-યુનિવર્સિટી ગર્લ્સ કોલેજની મુસ્લિમ વિદ્યાર્થીનીઓના એક વર્ગને વર્ગખંડોમાં હિજાબ પહેરવાની મંજૂરી આપતી અરજીઓ ફગાવી દીધી હતી. કોર્ટે કહ્યું હતું કે હિજાબ ઇસ્લામિક આસ્થા અથવા ધાર્મિક પ્રથાનો ભાગ નથી. આ નિર્ણય સામે મુસ્લિમ વિદ્યાર્થીનીઓએ સુપ્રીમ કોર્ટમાં અરજી કરી હતી.

 

 

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati