Gyanvapi Masjid Case: અલ્હાબાદ હાઈકોર્ટે સુનાવણી 6 જુલાઈ સુધી સ્થગિત કરી, નમાજ માટે મોટી સંખ્યામાં લોકો એકઠા થયા

Gyanvapi Masjid Case: અલ્હાબાદ હાઈકોર્ટે સુનાવણી 6 જુલાઈ સુધી સ્થગિત કરી, નમાજ માટે મોટી સંખ્યામાં લોકો એકઠા થયા
Allahabad High Court

ભારે ભીડને કારણે જ્ઞાનવાપી મસ્જિદના (Gyanvapi Masjid) દરવાજા બંધ કરવામાં આવ્યા છે. નમાજ માટે મોટી સંખ્યામાં લોકો એકઠા થયા હતા. શુક્રવારની નમાઝને કારણે કડક સુરક્ષા વ્યવસ્થા કરવામાં આવી હતી.

TV9 GUJARATI

| Edited By: Nancy Nayak

May 20, 2022 | 2:48 PM

અલાહાબાદ હાઈકોર્ટે (Allahabad High Court) વારાણસીના જ્ઞાનવાપી મસ્જિદ કેસની સુનાવણી 6 જુલાઈ સુધી ટાળી દીધી છે. મળતી માહિતી મુજબ, 1991ના કેસની સુનાવણી 31 વર્ષ પહેલા ટાળી દેવામાં આવી છે. હવે 6 જુલાઈએ સવારે 10 વાગ્યે સુનાવણી હાથ ધરવામાં આવશે. આ પહેલા ગુરુવારે સુપ્રીમ કોર્ટે (Supreme Court) વારાણસી કોર્ટમાં કેસની સુનાવણી પર રોક લગાવી દીધી હતી. આ મામલે આજે બપોરે 3 વાગ્યે સુપ્રીમ કોર્ટમાં સુનાવણી થવાની છે. આ સાથે જ કોર્ટ કમિશનરે સુપ્રીમ કોર્ટમાં 12 પાનાનો રિપોર્ટ રજૂ કર્યો છે. ભારે ભીડને કારણે જ્ઞાનવાપી મસ્જિદના (Gyanvapi Masjid) દરવાજા બંધ કરવામાં આવ્યા છે. નમાજ માટે મોટી સંખ્યામાં લોકો એકઠા થયા હતા. શુક્રવારની નમાઝને કારણે કડક સુરક્ષા વ્યવસ્થા કરવામાં આવી હતી.

મસ્જિદ કમિટીએ કહ્યું છે કે આખી મસ્જિદ ભરાઈ ગઈ છે. મસ્જિદ કમિટીએ નજીકની મસ્જિદોમાં નમાઝ અદા કરવા અપીલ કરી છે. જ્ઞાનવાપીમાં મૌલાનાની અપીલ પર નમાજીઓ ગુસ્સે થયા. સ્પેશિયલ એડવોકેટ કમિશનરે ગુરુવારે જણાવ્યું હતું કે કમિશન દ્વારા જ્ઞાનવાપી મસ્જિદ પરિસરમાં કરવામાં આવેલા સર્વેની કામગીરીનો રિપોર્ટ કોર્ટમાં રજૂ કરવામાં આવ્યો છે.

જ્ઞાનવાપી મસ્જિદની બહાર ભારે ભીડ

સર્વે રિપોર્ટ કોર્ટમાં રજૂ કર્યો

હિંદુ પક્ષના વકીલ મદન મોહન યાદવે જણાવ્યું કે જિલ્લાની અદાલત દ્વારા નિયુક્ત સ્પેશિયલ એડવોકેટ કમિશનર વિશાલ સિંહ દ્વારા 14, 15 અને 16 મેના રોજ કરવામાં આવેલા સર્વેની કામગીરીનો રિપોર્ટ જિલ્લા સિવિલ જજ રવિ કુમાર દિવાકરની કોર્ટમાં રજૂ કરવામાં આવ્યો છે.

કોર્ટ આગળની કાર્યવાહી કરશે

યાદવે જણાવ્યું હતું કે કોર્ટ દ્વારા દૂર કરાયેલા એડવોકેટ કમિશનર અજય મિશ્રાએ 6 અને 7 મેના રોજ જ્ઞાનવાપી કેમ્પસનો સર્વે રિપોર્ટ બુધવારે મોડી સાંજે કોર્ટમાં રજૂ કર્યો હતો. સ્પેશિયલ એડવોકેટ કમિશનર વિશાલ સિંહે રિપોર્ટ રજૂ કર્યા બાદ કહ્યું કે મેં 14, 15 અને 16 મેનો રિપોર્ટ કોર્ટમાં રજૂ કર્યો છે. રિપોર્ટમાં શું છે તે કહેવાનો મને અધિકાર નથી. હવે કોર્ટ રિપોર્ટ પર આગળની કાર્યવાહી કરશે.

Follow us on

Related Stories

Most Read Stories

Click on your DTH Provider to Add TV9 Gujarati