Farmer Protest: સિંઘુ બોર્ડર સંપૂર્ણ રીતે સીલ કરાઈ, પગપાળા જવાનો રસ્તો પણ બંધ
26 જાન્યુઆરીએ Tractor Rallyના નામે પ્રદર્શનકારી ખેડૂતોએ દિલ્હીમાં હિંસા અને તોડફોડ કરી. દિલ્હીમાં હિંસાની ઘટના બાદ દિલ્હી પોલીસ એક્શન મોડમાં આવી છે.
26 જાન્યુઆરીએ Tractor Rallyના નામે પ્રદર્શનકારી ખેડૂતોએ દિલ્હીમાં હિંસા અને તોડફોડ કરી. દિલ્હીમાં હિંસાની ઘટના બાદ દિલ્હી પોલીસ એક્શન મોડમાં આવી છે. એક બાજુ ગાઝીપુર પ્રશાસને ગાઝીપુર બોર્ડર સીલ કરી દીધી છે, બીજી બાજુ દિલ્હી પોલીસે પ્રદર્શનકારી ખેડૂતોને રોકવા માટે સિંઘુ બોર્ડર સંપૂર્ણ રીતે સીલ કરી દીધી છે.
સિંઘુ બોર્ડર સંપૂર્ણ રીતે સીલ કરાઈ
દિલ્હી પોલીસે સિંઘુ બોર્ડર સંપૂર્ણ રીતે સીલ કરી દીધી છે. પોલીસે સિંઘુ બોર્ડરની બંને બાજુ 2 કિલોમીટર સુધી બેરીકેટ સહીતના અવરોધો ખડકી દીધા છે. આ સાથે જ કોઈ પગપાળા ન જઈ શકે માટે પગપાળા રસ્તો પણ બંધ કરી દેવામાં આવ્યો છે. પોલીસ સિવાય અન્ય કોઈ વાહનોને અવરજવરની મંજુરી નથી. પોલીસે બેરીકેટની ઘણી બધી હરોળ ખડકી દીધી છે.
ગાઝીપુર બોર્ડર પણ સીલ કરાઈ
ગાઝીપુર ડીએમના આદેશથી UP POLICE ગાઝીપુર બોર્ડર ખાલી કરાવવા આવી પહોંચી છે. ગાઝીપુરના ડીએમએ ગાઝીપુર બોર્ડર પરથી રાકેશ ટીકૈત સહીતના ખેડૂત નેતાઓને બોર્ડર ખાલી કરવા નોટીસ આપી છે. નોટીસના પગલે પોલીસ ખેડૂત નેતાઓને હટાવવાના પ્રયાસો કરી રહી છે. પોલીસે ગાઝીપુર બોર્ડરને પણ બંને બાજુથી સીલ કરી દીધી છે.
આ પણ વાંચો: Farmer Protest : ગાઝીપુર બોર્ડર ખાલી કરવાનો આદેશ, પોલીસ-પ્રદર્શનકારી આમને સામને