Delhi MCD Election: ઓવૈસીએ કેજરીવાલને ‘છોટા રિચાર્જ’ બતાવતા કહ્યું શું અમે તેમને વોટ આપીશું?
દિલ્હીના મુખ્યમંત્રી પર નિશાન સાધતા ઓવૈસીએ કહ્યું કે અરવિંદ કેજરીવાલ(Arwind Kejriwal) એક 'છોટા રિચાર્જ' છે. તેમણે અગાઉની સરકારો પર પણ ચાબખા મારતા કહ્યું કે દિલ્હીના વિકાસ માટે કોઈએ કામ કર્યું નથી.
હૈદરાબાદના સાંસદ અસદુદ્દીન ઓવૈસીની આગેવાની હેઠળની ઓલ ઈન્ડિયા મજલિસ-એ-ઈત્તેહાદુલ મુસલમીન (AIMIM) પણ દિલ્હી મ્યુનિસિપલ કોર્પોરેશનની ચૂંટણીમાં દાવેદાર છે. પાર્ટીએ શહેરના અનેક મુસ્લિમ બહુલ વોર્ડમાં પોતાના ઉમેદવારો ઉભા રાખ્યા છે. મળતી માહિતી મુજબ, AIMIMએ MCD ચૂંટણીમાં દિલ્હીના અલગ-અલગ વિધાનસભા વોર્ડમાં પોતાના 15 ઉમેદવારોને મેદાનમાં ઉતાર્યા છે. દરમિયાન, રાષ્ટ્રીય રાજધાનીમાં તેમની પાર્ટીની જાહેર સભાઓને સંબોધિત કરતી વખતે, અસદુદ્દીન ઓવૈસીએ કહ્યું કે MCDના આ વોર્ડની કાળજી લેવામાં આવી નથી અને આ વિસ્તારોનો પણ વિકાસ થયો નથી.
ઓવૈસીએ કહ્યું, “ગુજરાત જાઓ, દિલ્હીના સીલમપુર જાઓ… આ વિસ્તારોમાં ન તો વિકાસ થયો છે કે ન તો શાળાઓ બનાવવામાં આવી છે.” દિલ્હીના મુખ્યમંત્રી પર નિશાન સાધતા ઓવૈસીએ કહ્યું કે અરવિંદ કેજરીવાલ એક ‘છોટા રિચાર્જ’ છે. તેમણે અગાઉની સરકારો પર પણ ચાબખા મારતા કહ્યું કે દિલ્હીના વિકાસ માટે કોઈએ કામ કર્યું નથી. તેણે તબલીગી જમાતને બદનામ કરવા માટે દિલ્હીના મુખ્યમંત્રી પર નિશાન સાધ્યું અને કહ્યું કે તે કેજરીવાલે જ તબલીગી જમાત પર કોરોનાવાયરસ ફેલાવવાનો આરોપ લગાવ્યો હતો.
ઓવૈસીએ કહ્યું- કેજરીવાલ 2013ના નરેન્દ્ર મોદી છે
ઓવૈસીએ કહ્યું, “તમે તબલીગી જમાતને બદનામ કર્યું. કોરોનાના સમયગાળા દરમિયાન કેજરીવાલે આખી દુનિયામાં બદનામ કર્યું કે જો કોરોના વધે છે તો તેના ફેલાવા માટે તબલીગી જમાત જવાબદાર છે. તેમણે વધુમાં કહ્યું કે, દિલ્હીના મુખ્યમંત્રીએ કહ્યું કે નોટો પર દેવી-દેવતાઓના ફોટા છપાવવા જોઈએ. શું આ દેશ બિનસાંપ્રદાયિક નથી? ઓવૈસીએ કહ્યું કે કેજરીવાલ 2013ના નરેન્દ્ર મોદી છે.
બાટલા હાઉસ ખાતે જાહેર સભાને સંબોધતા તેમણે કહ્યું કે કેજરીવાલની પાર્ટીના ધારાસભ્ય ભાજપમાં ગયા જે ગોલી મારો સાલોં કો દેશ કે ગદ્દારોં કો જેવા નારા આપે છે, પરંતુ કેજરીવાલ તેમની વિરુદ્ધ કંઈ બોલતા નથી. શું આપણે દિલ્હીના મુખ્ય પ્રધાનને મત આપીશું જે હિન્દુત્વની વિચારધારાના સમર્થક છે, સાવરકરે આપેલી વિચારધારા, જે આરએસએસના એજન્ડા પર કામ કરે છે?
ઓવૈસીએ દિલ્હી રમખાણોનો મુદ્દો ઉઠાવ્યો હતો
ઓવૈસીએ 2020ના દિલ્હી રમખાણોનો મુદ્દો ઉઠાવ્યો હતો. AIMIMના વડાએ કહ્યું કે લોકોના ઘર સળગતા રહ્યા પરંતુ મુખ્યમંત્રી ગાયબ રહ્યા. તેમણે દિલ્હીના શાહીન બાગમાં CAA વિરોધી વિરોધનો મુદ્દો પણ ઉઠાવ્યો અને કહ્યું કે આ એ જ કેજરીવાલે કહ્યું હતું કે મને એક દિવસ માટે પોલીસ આપો અને તે એક દિવસમાં શાહીન બાગ ખાલી કરાવી દેશે.
ઓવૈસી અહીં જ અટક્યા નથી. તેમણે કેજરીવાલ પર નિશાન સાધ્યું અને અનેક મુદ્દાઓ પર તેમના મૌન પર સવાલ ઉઠાવ્યા. તેમણે કહ્યું, “કેજરીવાલે બુરખાના મુદ્દે શું કહ્યું, કેજરીવાલને પૂછો, સમાન નાગરિક સંહિતા પર, કેજરીવાલને પૂછો કે તમારું શું વલણ છે. બુરખા પર કેજરીવાલે શું કહ્યું? શું તે બિલકિસ બાનો (11 દોષિતોની મુક્તિ) પર નહીં બોલે?
Latest News Updates
