Covaxin : ભારત બાયોટેકની કોવેક્સિનને આવતા અઠવાડિયે WHOની મળી શકે છે મંજૂરી
યુનાઇટેડ નેશન્સ હેલ્થ એજન્સીના ટેકનિકલ એડવાઇઝરી ગ્રૂપની બેઠક મળી હતી. જેમાં વેક્સિનનો ઇમરજન્સી ઉપયોગ માટે ભારત બાયોટેક પાસેથી વધારાની કેટલીક સ્પષ્ટતા માંગી હતી. આશા છે કે આ રસીને આવતા અઠવાડિયે WHOની અંતિમ મંજૂરી મળી જશે.
કોવેક્સિનની (Covaxin) મંજૂરી 7 મહિનાથી અટકી છે. 19 એપ્રિલના રોજ રસીએ WHO પાસેથી મંજૂરી માંગી હતી. પરંતુ ત્યારથી WHO મંજૂરીને બદલે તારીખ પર તારીખ આપી રહ્યું છે. વર્લ્ડ હેલ્થ ઓર્ગેનાઈઝેશન (WHO) ના ટોચના અધિકારીએ ગુરુવારે જણાવ્યું હતું કે ભારત બાયોટેક કોવેક્સિન પરની તકનીકી સમિતિને નિયમિત અને ખૂબ જ ઝડપથી ડેટા સબમિટ કરી રહ્યું છે. એવી અપેક્ષા છે કે તેને આવતા અઠવાડિયે WHOની અંતિમ મંજૂરી મળી જશે. તેમણે ભારપૂર્વક જણાવ્યું હતું કે યુએનની આ સંસ્થા ઉચ્ચ ગુણવત્તાની રસીઓનું ઉત્પાદન કરવા માટે ભારતીય ઉદ્યોગમાં ખૂબ વિશ્વાસ રાખે છે.
કોવેક્સિન વિકસિત કરનારી હૈદરાબાદ સ્થિત ભારત બાયોટેકએ 19 એપ્રિલે વિશ્વ આરોગ્ય સંસ્થાને રસીના ઇમરજન્સી યુઝ લિસ્ટિંગ (EUL) માટે ‘રસની અભિવ્યક્તિ’ એપ્લિકેશન સબમિટ કરી હતી. યુનાઇટેડ નેશન્સ હેલ્થ એજન્સીના ટેકનિકલ એડવાઇઝરી ગ્રૂપની મંગળવારે બેઠક મળી હતી. જેણે રસીના કટોકટીના ઉપયોગ માટે ભારત બાયોટેક પાસેથી વધારાની સ્પષ્ટતા માંગી.
ડબ્લ્યુએચઓ ખાતે દવાઓ અને આરોગ્ય ઉત્પાદનોની ઍક્સેસ માટેના સહાયક મહાનિર્દેશક ડૉ. મેરિએન્જેલા સિમાઓએ જીનીવામાં એક પ્રેસ કોન્ફરન્સમાં જણાવ્યું હતું કે ભારત બાયોટેક નિયમિતપણે અને ખૂબ જ ઝડપથી ડેટા સબમિટ કરી રહ્યું છે. તેમણે છેલ્લીવાર 18 ઓક્ટોબરના રોજ ડેટા આપ્યો હતો.
હૈદરાબાદ સ્થિત ભારત બાયોટેકે 19 એપ્રિલે WHOને EUL માટે અરજી કરી હતી. તમને જણાવી દઈએ કે આ રસી કોરોના સામે 77.8 ટકા અને ડેલ્ટા વેરિઅન્ટ સામે 65.2 ટકા અસરકારક હોવાનું જાણવા મળ્યું છે. જૂનમાં કંપનીએ જણાવ્યું હતું કે તેણે ત્રીજા તબક્કાના પરિણામોનું અંતિમ મૂલ્યાંકન પૂર્ણ કર્યું છે. EUL માં રસીના સમાવેશ અંગે વિચારણા કરવા માટે આ અઠવાડિયે એક TAG બેઠક યોજાઈ હતી.
WHO એ કહ્યું કે TAG બેઠક યોજાઈ હતી અને રસીના વૈશ્વિક ઉપયોગ માટેના જોખમો અને ફાયદાઓનું મૂલ્યાંકન કરવા માટે કંપની પાસેથી વધારાની માહિતી મેળવવાનો નિર્ણય લેવામાં આવ્યો હતો. રસી પર વિચારણા કરવા માટે આગામી બેઠક 3 નવેમ્બરે થશે.
વિશ્વભરમાં કોરોના વાયરસને ખતમ કરવા માટે, WHOએ અત્યાર સુધીમાં સાત રસીઓને મંજૂરી આપી છે. તેમાં Moderna, Pfizer-BioNtech, Johnson & Johnson, Oxford/AstraZeneca, ભારતની Covishield, ચાઈનાની SinoPharm અને Sinovac Vaccinesનો સમાવેશ થાય છે.
આ પણ વાંચો : આર્યન ખાનને જામીન મળતા જ ખુશીથી ઝૂમી ઉઠી બહેન સુહાના ખાન, બાળપણની તસ્વીર શેર કરી લખી દીધું કંઈક આવું
આ પણ વાંચો : મેયરની માનવતા: રૂફટોપ ખોલીને ગાડીમાં ઉભેલી બાળકીનો થયો એવો અકસ્માત કે પરિવાર હેબતાઈ ગયો, જાણો પછી શું થયું
Latest News Updates
