મહારાષ્ટ્ર, દિલ્હી, મધ્યપ્રદેશ સહિતના રાજ્યોમાં કોરોનાની ગતિ ઘટી, બિહાર સહિત આ રાજ્યોએ ચિંતા વધારી
મહારાષ્ટ્ર, દિલ્હી, મધ્યપ્રદેશ જેવા રાજ્યોમાં કોરોનાની બીજી લહેર ધીમી પડી રહી છે. જેમાં દેશમાં સૌથી વધુ કોરોના કેસ ધરાવતા મહારાષ્ટ્રના 12 જિલ્લામાં કોરોનાના ચેપમાં ઘટાડો થયો છે. પરંતુ બિહાર, હરિયાણા, હિમાચલ સહિતના ઘણા રાજ્યોએ સરકારની ચિંતા વધારી દીધી છે.
મહારાષ્ટ્ર, દિલ્હી, મધ્યપ્રદેશ જેવા રાજ્યોમાં Corona ની બીજી લહેર ધીમી પડી રહી છે. જેમાં દેશમાં સૌથી વધુ કોરોના કેસ ધરાવતા મહારાષ્ટ્રના 12 જિલ્લામાં કોરોનાના ચેપમાં ઘટાડો થયો છે. પરંતુ બિહાર, હરિયાણા, હિમાચલ સહિતના ઘણા રાજ્યોએ સરકારની ચિંતા વધારી દીધી છે.
આરોગ્ય મંત્રાલયના સંયુક્ત સચિવ લવ અગ્રવાલે સોમવારે એક પત્રકાર પરિષદમાં જણાવ્યું હતું કે દિલ્હી, મધ્યપ્રદેશ, મહારાષ્ટ્ર જેવા રાજ્યો Corona ના કેસ ઘટી રહ્યા છે. છત્તીસગઢ, દિલ્હી, ગુજરાત, ઝારખંડ, લદ્દાખ, લક્ષદ્વીપ, મધ્યપ્રદેશ, મહારાષ્ટ્ર, પંજાબ, તેલંગાણા, ઉત્તર પ્રદેશ, ઉત્તરાખંડ, દમણ અને દીવમાં દરરોજ કોરોના કેસ ઘટવાના સંકેત મળી રહ્યા છે.
મહારાષ્ટ્રમાં મોટી રાહત
લવ અગ્રવાલે જણાવ્યું હતું કે મહારાષ્ટ્રના 12 જિલ્લામાં ઔરંગાબાદ, ધુલે, ભંડારા, ગોંડિયા, જલગાંવ, લાતૂર, મુંબઇ, નાંદેડ, નંદુરબાર, થાણે અને વશીમ જિલ્લામાં Corona ના કેસોમાં ઘટાડો નોંધાઈ રહ્યો છે.
આ રાજ્યોએ ચિંતામાં વધારો કર્યો
આરોગ્ય મંત્રાલયે કહ્યું છે કે એક તરફ કેટલાક રાજ્યોમાં Corona ના કેસોમાં ઘટાડો જોવા મળી રહ્યો છે અને કેટલાક અન્ય રાજ્યોમાં દરરોજ નવા કેસોની સંખ્યામાં વધારો જોવા મળી રહ્યો છે. બિહાર, અસમ, અંદમાન અને નિકોબાર, આંધ્રપ્રદેશ, ગોવા, ચંદીગઢ, હરિયાણા, અરુણાચલ પ્રદેશ, હિમાચલ પ્રદેશ, જમ્મુ-કાશ્મીર, કર્ણાટક, કેરળ, મણિપુર, મેઘાલય, મિઝોરમ, નાગાલેન્ડ, ઓડિશા, પુડુચેરી, રાજસ્થાન, સિક્કિમ, તામિલનાડુ, ત્રિપુરા અને પશ્ચિમ બંગાળમાં નવા કેસોમાં વધારો થવાનું વલણ જોવા મળી રહ્યું છે.
રિકવરી રેટમાં પણ સુધારો
આરોગ્ય મંત્રાલયના જોઇન્ટ સેક્રેટરીએ કહ્યું કે રિકવરી રેટ પણ જોવા મળી રહ્યો છે. જેમાં 2 મેના રોજ તે 78 ટકા હતો જ્યારે 3 મેના રોજ તે લગભગ 82 ટકા હતો. તેમણે કહ્યું કે આ પ્રારંભિક રિકવરી છે અને તેના પર સતત કામ કરવાની જરૂર છે. તેમણે એમ પણ કહ્યું હતું કે જો તકેદારી ઓછી કરવામાં આવે તો સુધારણાના સંકેતો ફરી એકવાર જોવા નહિ મળે.
Latest News Updates
