CORONA : ભારતની સ્વદેશી કૉવેક્સિન કોરોનાના વિવિધ પ્રકારો સામે સૌથી અસરકારક : ICMR
CORONA ની બીજી લહેરના વધતા જતા ખતરા વચ્ચે એક સારા સમાચાર પ્રકાશમાં આવ્યા છે. આઈસીએમઆર એ તેના એક સંશોધન પરથી કહ્યું છે કે કૉવેક્સિન કોરોના વાયરસના વિવિધ પ્રકારો (વેરિએન્ટ્સ) સામે અસરકારક છે.
CORONA ની બીજી લહેરના વધતા જતા ખતરા વચ્ચે એક સારા સમાચાર પ્રકાશમાં આવ્યા છે. ઈન્ડિયન કાઉન્સિલ ઓફ મેડિકલ રિસર્ચ (આઈસીએમઆર) એ તેના એક સંશોધન પરથી કહ્યું છે કે ભારતમાં બનેલી પહેલી દેશી કોરોના રસી કૉવેક્સિન કોરોના વાયરસના વિવિધ પ્રકારો (વેરિએન્ટ્સ) સામે અસરકારક છે.
કૉવેક્સિન તરીકે ઓળખાતી આ કોવિડ -19 રસી ભારત બાયોટેક દ્વારા બનાવવામાં આવી છે. દેશમાં 1 મેથી, 18 વર્ષ કે તેથી વધુ ઉંમરના તમામ લોકોને રસી લાગુ કરવાની મંજૂરી આપવામાં આવી છે. આવી સ્થિતિમાં, દેશમાં રસીકરણના કાર્યક્રમના વિસ્તરણ પહેલા આવેલા આ સંશોધનથી અનેક આશાઓ ઉભી થઈ છે. સંભવત: દેશમાં કોરોનાની બીજી લહેર માટે ડબલ મ્યુટન્ટ વેરિઅન્ટ જવાબદાર છે.
કોરોનાના નવા વેરિએન્ટ એટલે કે ડબલ મ્યુટન્ટ વેરિઅન્ટ (B.1.617)ની શરૂઆત ભારતમાં બે પરિવર્તન સાથે મળી આવી હતી. ગયા વર્ષે ભારતમાં સૌ પ્રથમ વૈજ્ઞાનિક દ્વારા તેની જાણ કરવામાં આવી હતી. અને તાજેતરમાં જ વિશ્વ આરોગ્ય સંસ્થાને વધુ માહિતી રજૂ કરવામાં આવી છે. ગયા મહિને, કેન્દ્રીય આરોગ્ય મંત્રાલયે પ્રથમ વખત ડબલ મ્યુટન્ટ્સની હાજરીને સ્વીકારી હતી. ત્યારથી, ઓસ્ટ્રેલિયા, જર્મની, બ્રિટન અને યુનાઇટેડ સ્ટેટ્સ સહિત 10 દેશોમાં ડબલ પરિવર્તન જોવા મળ્યું છે.
ICMR study shows #COVAXIN neutralises against multiple variants of SARS-CoV-2 and effectively neutralises the double mutant strain as well. @MoHFW_INDIA @DeptHealthRes #IndiaFightsCOVID19 #LargestVaccineDrive pic.twitter.com/syv5T8eHuR
— ICMR (@ICMRDELHI) April 21, 2021
દેશમાં કોરોનાની ગતિ દિવસેને દિવસે વધી રહી છે. ચેપનો દૈનિક આંકડો લગભગ ત્રણ લાખ સુધી પહોંચી ગયો છે. નિષ્ણાતો કોરોના ચેપની બીજી લહેરના કારણો શોધી રહ્યા છે. તાજેતરમાં, નેશનલ ઇન્સ્ટિટ્યૂટ ઓફ વિરોલોજી (એનઆઈવી)એ મહારાષ્ટ્રની પ્રયોગશાળાઓ સાથેની બેઠકમાં કેટલાક ડેટા શેર કર્યા હતા. રાજ્યમાં જાન્યુઆરીથી માર્ચ સુધીમાં 314 નમૂનાઓની જીનોમ સિક્વિન્સીંગ પ્રક્રિયા હાથ ધરવામાં આવી હતી, જેમાંથી ૨૨૦ નમૂનામાં (લગભગ 61%) ડબલ મ્યુટન્ટ વેરિએન્ટ્સ હોવાનું જાણવા મળ્યું છે. આધારભૂત સૂત્રોના જણાવ્યા અનુસાર, દેશભરમાં 1.40 લાખ નમૂનાઓની જીનોમ સિક્વન્સિંગ કરવામાં આવી છે. જેનાથી બીજી લહેરમાં ડબલ મ્યુટન્ટ વેરિએન્ટ હોવાનું પુરવાર થયું છે.
ડબલ મ્યુટન્ટ વેરિઅન્ટ એટલે કે B.1.617 શું છે ?
ડબલ મ્યુટન્ટ વેરિઅન્ટ B.1.617 તરીકે વર્ગીકૃત થયેલ છે. તેમાં E484Q અને L452R બંને પરિવર્તન મળ્યાં છે. ઘણા બધા દેશોમાં આ પ્રકારો જુદાં જુદાં જોવા મળ્યાં છે, પરંતુ ભારતમાં પહેલીવાર, બંને એક સાથે આવ્યા છે. બંને પરિવર્તનો વાયરસના સ્પાઇક પ્રોટીનમાં થાય છે, જે વાયરસના માનવ કોષોમાં પ્રવેશને આસાન બનાવે છે.
