CM Mamata in Delhi: કોંગ્રેસ બાદ હવે દીદી ભાજપને તોડવાની તૈયારીમાં ! આજે સુબ્રમણ્યમ સ્વામી સાથે મુલાકાત

CM Mamata in Delhi: તૃણમૂલ કોંગ્રેસના સુપ્રીમો મમતા બેનર્જી (Mamata Banerjee in Delhi) હાલ દિલ્હીના પ્રવાસે છે. કોંગ્રેસના પૂર્વ નેતા અશોક તંવર અને કોંગ્રેસ નેતા કીર્તિ આઝાદ(Kirti Azad) દિલ્હી પ્રવાસના પહેલા દિવસે મમતા બેનર્જીની હાજરીમાં ટીએમસીમાં જોડાયા છે. રાષ્ટ્રીય રાજનીતિમાં પ્રવેશવા અને દેશભરમાં પાર્ટીનો વિસ્તરણ કરવા માટે, TMCનું બ્રેક પાર્ટી અભિયાન ચાલી રહ્યું છે. આ માટે ટીએમસી કોંગ્રેસ-ભાજપ અને જનતા દળ (યુનાઇટેડ) સહિત અનેક પક્ષોના નેતાઓને નિશાન બનાવી રહી છે. આ ક્રમમાં મમતા બેનર્જી ભાજપના સાંસદ અને અસંતુષ્ટ નેતા આજે બપોરે 3.30 કલાકે સુબ્રમણ્યમ સ્વામી(Subramanian Swamy)ને મળશે.

જે બાદ મમતા બેનર્જી સાંજે 5 વાગે પીએમ મોદીને મળશે. પશ્ચિમ બંગાળ વિધાનસભા ચૂંટણીમાં જીત બાદ, મમતા બેનર્જીની પાર્ટીએ વિસ્તરણવાદી નીતિ અપનાવી છે અને તેના માટે તે વિવિધ રાજ્યોમાં ટીએમસીના સંગઠનને મજબૂત કરવા માટે કામ કરી રહી છે, જેથી કરીને 2024ની લોકસભાની ચૂંટણીમાં મજબૂત સંગઠન સાથે આગળ વધી શકે.

સુબ્રમણ્યમ સ્વામી મમતાના પક્ષમાં આવી ચૂક્યા છે

Web Stories View more

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

મમતા બેનર્જીની રોમ મુલાકાત રદ થવા પર ભાજપના રાજ્યસભા સાંસદ સુબ્રમણ્યમ સ્વામીએ મોદી સરકારના નિર્ણય પર સવાલ ઉઠાવ્યા હતા અને પૂછ્યું હતું કે મમતા બેનર્જીને રોમ જવાથી કેમ અટકાવવામાં આવી? તમને જણાવી દઈએ કે આ વિવાદ ત્યારે શરૂ થયો જ્યારે કેન્દ્રની મોદી સરકાર દ્વારા મમતા બેનર્જીને આવતા મહિને રોમ જવાની પરવાનગી આપવામાં આવી નથી. કેન્દ્ર સરકારના આ નિર્ણય બાદ મમતા બેનર્જીએ પ્રહારો કર્યા હતા. તમને જણાવી દઈએ કે સુબ્રમણ્યમ સ્વામી સતત ભાજપ સરકાર પર નિશાન સાધતા રહે છે. ઘણી વખત તેઓ પીએમ મોદીને આર્થિક મુદ્દાઓ પર ઘેરી ચૂક્યા છે. 

મમતા બેનર્જી ભાજપ વિરોધી નેતાઓને એક કરી રહી છે

મમતા બેનર્જી એવા લોકોને જ જોડે છે જેઓ કોંગ્રેસ કે અન્ય પાર્ટીઓમાં સાઇડલાઈન અથવા ઉપેક્ષિત છે. ભાજપમાં સખત સંઘની પૃષ્ઠભૂમિ ધરાવતા લોકો ટીએમસીમાં નહીં આવે, પરંતુ ટીએમસી બિનસાંપ્રદાયિક છબી ધરાવતા નેતાઓને એક પ્લેટફોર્મ પૂરું પાડી રહી છે જેઓ વિકલ્પ શોધી રહ્યા છે. આ બિનસાંપ્રદાયિક છબી ધરાવતા નેતાઓ મમતા બેનર્જીને Pan India TMCની હાજરી પછી 2024માં વડાપ્રધાન પદ માટે મજબૂત ઉમેદવાર તરીકે જાહેર કરી શકે છે.