Police અને સરકારી બાબુઓના વર્તનથી CJI N V રમણા નાખુશ, કહ્યું કે જે ‘ખોટું’ કરે તેને જેલ ભેગા કરો

જસ્ટિસ એનવી રમનાએ કહ્યું કે દેશની સ્થિતિ દુ:ખદ છે. જ્યારે કોઈ રાજકીય પક્ષ સત્તામાં હોય ત્યારે પોલીસ અધિકારીઓ તે સરકાર સાથે હોય છે

Police અને સરકારી બાબુઓના વર્તનથી CJI N V રમણા નાખુશ, કહ્યું કે જે 'ખોટું' કરે તેને જેલ ભેગા કરો
CJI N V Ramana -File Photo

Supreme Court ના મુખ્ય ન્યાયાધીશ એનવી રમણા (CJI NV Ramana) એ અમલદારો અને પોલીસ અધિકારીઓના વર્તન પર કડક ટિપ્પણી કરી છે. CJI એ કહ્યું કે દેશમાં અમલદારો અને પોલીસ અધિકારીઓ જે રીતે વર્તન કરી રહ્યા છે તે વાંધાજનક છે. સરકાર સાથે જોડાણ કરીને ગેરકાયદેસર રીતે કમાણી કરનારા અધિકારીઓ જેલમાં હોવા જોઈએ. શુક્રવારે સુપ્રીમ કોર્ટમાં એક કેસની સુનાવણી દરમિયાન તેમની નારાજગી સામે આવી હતી.

ચીફ જસ્ટિસે કહ્યું કે તેમને અમલદારો અને ખાસ કરીને પોલીસ અધિકારીઓના વર્તન સામે ભારે વાંધો છે. તેમણે એ પણ સંકેત આપ્યો કે તેઓ અમલદારો અને પોલીસ અધિકારીઓની ફરિયાદોનો સામનો કરવા માટે એક સમિતિની રચના કરવા માંગે છે.

CJI એ કહ્યું કે મને આ બાબતે વાંધો છે કે આ દેશમાં અમલદારો, ખાસ કરીને પોલીસ અધિકારીઓ કેવું વર્તન કરી રહ્યા છે. જે પોલીસ અધિકારીઓ સરકાર સાથે સંકલન કરે છે અને ગેરકાયદેસર કમાણી કરે છે તેઓ જેલમાં હોવા જોઈએ. આવા પોલીસ અધિકારીઓનો બચાવ કરી શકાતો નથી. મુખ્ય ન્યાયાધીશ એન.વી. રમણાએ કહ્યું કે હું પોલીસ અધિકારીઓની ફરિયાદોની તપાસ માટે સ્થાયી સમિતિઓની રચના કરવાનું વિચારી રહ્યો હતો પરંતુ આ સમયે હું તે કરવા માંગતો નથી.

પોલીસ અધિકારીઓની સતા સાથે દેખાવાની વૃત્તિ
જસ્ટિસ એનવી રમનાએ કહ્યું કે દેશની સ્થિતિ દુ:ખદ છે. જ્યારે કોઈ રાજકીય પક્ષ સત્તામાં હોય ત્યારે પોલીસ અધિકારીઓ તે સરકાર સાથે હોય છે. પછી જ્યારે કોઈ નવો પક્ષ સત્તામાં આવે છે, ત્યારે સરકાર તે અધિકારીઓ સામે કાર્યવાહી શરૂ કરે છે. આ એક નવો ટ્રેન્ડ છે, જેને રોકવાની જરૂર છે. સિંહે અરજીમાં તેમની સામે નોંધાયેલા ફોજદારી કેસોમાં સુરક્ષાની માંગ કરી હતી.

છત્તીસગઢના સસ્પેન્ડ આઈપીએસની અરજી પર સુનાવણી
એડીજી ગુરજિંદર પાલ સિંહે છત્તીસગઢ સરકાર વતી સુપ્રીમ કોર્ટમાં તેમની વિરુદ્ધ રાજદ્રોહ, ભ્રષ્ટાચાર અને ખંડણીની ત્રણ એફઆઈઆર સામે અરજી કરી છે. રાજ્ય ભ્રષ્ટાચાર વિરોધી બ્યુરો (ACB) અને આર્થિક અપરાધ શાખા (EOW) એ ભ્રષ્ટાચાર નિવારણ અધિનિયમ હેઠળ 29 જૂને ગુરજિંદર સિંહ વિરુદ્ધ FIR નોંધાવી હતી.

જસ્ટિસ એનવી રમનાની અધ્યક્ષતાવાળી ખંડપીઠે ચુકાદો અનામત રાખતા બે કેસો (રાજદ્રોહ અને ખંડણી) માં સસ્પેન્ડેડ આઈપીએસ અધિકારીને ધરપકડથી રક્ષણ આપવાનો સંકેત આપ્યો છે. સુપ્રીમ કોર્ટે છત્તીસગઢ હાઇકોર્ટને તેમની અરજીઓ પર 8 સપ્તાહની અંદર નિર્ણય લેવા જણાવ્યું છે.

આ પણ વાંચો: MI vs DC, IPL 2021 Match Prediction: આજે દિલ્હી કેપિટલ્સ સામે મુંબઇ ઇન્ડીયન્સને હારવાની મનાઇ છે, પહેલા થી જ દિલ્હી પ્લેઓફ

આ પણ વાંચો: IPL 2021: કોલકાતા નાઇટ રાઇડર્સ સાથે થઇ ‘અંચાઇ’, ત્રીજા અંપાયરે મેચનુ પાસુ પલટી દીધુ!

 

Read Full Article

Click on your DTH Provider to Add TV9 Gujarati