તાલીબાનને લઈને કેન્દ્ર સરકાર એલર્ટ, દેશમાં પ્રથમ વખત તમામ ATS ચીફ અને ગુપ્તચર એજન્સીઓની બોલાવવામાં આવી બેઠક
ગુપ્તચર એજન્સીઓને સરહદ પાર કરતા આતંકવાદીઓ અને દેશમાં કંઈક "મોટું" કરવાની યોજનાને લઈને સતત ચેતવણીઓ મળી રહી છે. 15 ઓગસ્ટના રોજ અફઘાનિસ્તાનમાં સરકાર પડી અને તાલિબાને દેશનો કબજો મેળવ્યો.
ભારતના (India) પશ્ચિમ પડોશની સ્થિતિમાં અસ્થિરતા આવ્યા બાદ કેન્દ્ર સરકાર સતર્ક બની છે. જે બાદ દિલ્હી પોલીસે શુક્રવારે દિલ્હીમાં ગુપ્તચર એજન્સીઓના અને એટીએસ ચીફની એક આંતર-રાજ્ય સંકલન બેઠક શુક્રવારે દીલ્હીમાં બોલાવવામાં આવી છે. આ પહેલીવીર છે જ્યારે કેન્દ્ર દ્વારા સંચાલીત દીલ્હી પોલીસ (Delhi Police) દ્વારા આવી બેઠક બોલાવવામાં આવી છે.
ગૃહ મંત્રાલયના (Home Ministry)એક વરિષ્ઠ અધિકારીએ પુષ્ટિ કરી કે તાલિબાને (Taliban) અન્ય આતંકી સંગઠનો અને પાકિસ્તાનમાં રાજ્યના કલાકારોના સમર્થન મળ્યા બાદ અફઘાનિસ્તાન (Afghanistan) પર કબ્જો કરી લીધો હતો. બેઠકના કારણે સારી રીતે સંકલન અને કોઈ પણ અપ્રિય ઘટના માટે પહેલેથી જ તૈયારી કરવામાં મદદ મળશે.
અધિકારીએ જણાવ્યું હતું કે, બેઠકનો ઉદ્દેશ ગુપ્ત માહિતીની વહેંચણી અને સંકલનમાં સુધારો કરવાનો છે. દિલ્હી પોલીસ હેડક્વાર્ટર ખાતે પ્રથમ વખત, ગુપ્તચર એજન્સીઓ જેવી કે ગુપ્તચર બ્યુરો, સંશોધન અને વિશ્લેષણ શાખા, લશ્કરી ગુપ્તચર અને અન્ય એજન્સીઓની આંતર-રાજ્ય સંકલન બેઠક બોલાવવામાં આવી છે. આ બેઠકમાં અન્ય રાજ્યોના 11 એટીએસ પ્રમુખો અને ફિલ્ડ ઓપરેશનના વરિષ્ઠ અધિકારીઓ પણ ઉપસ્થિત રહેશે.
ગુપ્તચર એજન્સીઓને સતત મળી રહી છે ચેતવણી
ગુપ્તચર એજન્સીઓને સરહદ પાર કરતા આતંકવાદીઓ વિશે સતત ચેતવણી મળી રહી છે અને દેશમાં કંઈક મોટી આતંકી ઘટનાની યોજના છે. 15 ઓગસ્ટના રોજ અફઘાનિસ્તાનમાં સરકાર પડી અને તાલિબાનોએ દેશ પર કબજો કરી લીધો. ભારત પર નજર રાખતા તાલિબાનના ચાહકો સક્રિય બન્યા. એક વરિષ્ઠ અધિકારીએ જણાવ્યું કે, જમ્મુ -કાશ્મીરમાં કાર્યરત ગુપ્તચર એજન્સીઓના કર્મચારીઓને પીઓકે વિસ્તારમાં કાર્યરત તેમના જાસૂસો પાસેથી જમ્મુ -કાશ્મીર વિસ્તારમાં ઘૂસણખોરી કરવાની યોજના ધરાવતા આતંકવાદીઓની હિલચાલ અંગે ગુપ્તચર અહેવાલો મળ્યા હતા.
ઓગસ્ટના ત્રીજા સપ્તાહ દરમિયાન કંદહારમાં પાકિસ્તાન સ્થિત આતંકી સંગઠન જૈશ-એ-મોહમ્મદ અને તાલિબાન નેતાઓ વચ્ચેની બેઠક અંગેની જાણ થયા બાદ તમામ ગુપ્તચર એજન્સીઓને હાઈ એલર્ટ પર રાખવામાં આવી છે. આ બેઠકમાં તાલિબાન નેતાઓના એક સમૂહે ભાગ લીધો હતો, જ્યાં જૈશે ભારત વિરોધી કામગીરીમાં તેમનો ટેકો માંગ્યો હતો. સૂત્રો દ્વારા વધુમાં જાણવા મળ્યું છે કે બેઠકમાં પાકિસ્તાનની રાજકીય સ્થિતિ પર પણ ચર્ચા કરવામાં આવી હતી.
સરહદ પાર આતંકવાદીઓ વચ્ચે જોડાણના અહેવાલો મળ્યા બાદ ભારતની સુરક્ષા એજન્સીઓએ દેશના જમ્મુ -કાશ્મીર વિસ્તારમાં આતંકવાદી હુમલા અંગે એલર્ટ જાહેર કર્યું છે. એક વરિષ્ઠ અધિકારીના જણાવ્યા અનુસાર, દેશના તમામ રાજ્યોની ગુપ્તચર અને સુરક્ષા એજન્સીઓને આ માહિતી આપવામાં આવી છે, જેથી આતંકવાદીઓની ખતરનાક ઈરાદાઓ અને યોજનાઓ પર પાણી ફેરવી શકાય અને આ સંભવિત હુમલાઓને નિષ્ફળ બનાવવા માટે તૈયારીઓ કરી શકાય.
આ પણ વાંચો : Triple Talaq : પત્ની પિયર ગઈ હતી, પતિએ બીજા લગ્ન કરવા માટે ફોન કરીને આપ્યા ત્રણ તલાક !
Latest News Updates
