હવે ‘ડ્રોન’ તોફાનીઓને પાઠ ભણાવશે, BSFએ બનાવી આ ખાસ સિસ્ટમ

બોર્ડર સિક્યોરિટી ફોર્સ (BSF) એ એક ડ્રોન સિસ્ટમ વિકસાવી છે. જે ટીયર ગેસના (Tear gas) શેલ છોડી શકે છે, જેનો ઉપયોગ પોલીસ પ્રદર્શનકારીઓ અને ઉપદ્રવીઓને નિયંત્રિત કરવા માટે કરી શકે છે. બીએસએફના એક વરિષ્ઠ અધિકારીએ શુક્રવારે આ જાણકારી આપી. અધિકારીએ કહ્યું કે, ‘ડ્રોન ટીયર સ્મોક લોન્ચર’નો ઉપયોગ ડ્રોનમાંથી ટીયર ગેસના શેલ છોડવા માટે કરી શકાય છે. અધિકારીએ કહ્યું કે, આ સિસ્ટમ સુરક્ષા દળો માટે કાયદો અને વ્યવસ્થા જાળવવામાં ઘણી મદદગાર સાબિત થઈ શકે છે.

બીએસએફના પ્રવક્તાએ જણાવ્યું હતું કે, નવી ડ્રોન સિસ્ટમનું તાજેતરમાં મધ્યપ્રદેશના ટેકનપુર ખાતે દળના ‘ટાયર સ્મોક યુનિટ’ (TSU) પર પરીક્ષણ કરવામાં આવ્યું હતું. તેમણે કહ્યું કે BSFના મહાનિર્દેશક પંકજ કુમાર સિંહની અધ્યક્ષતામાં દિલ્હીમાં યોજાયેલી સ્પેશિયલ યુનિટની વાર્ષિક ગવર્નિંગ બોડીની બેઠકમાં આ અંગેની માહિતી આપવામાં આવી હતી. TSUની સ્થાપના 1976માં BSF હેઠળ કરવામાં આવી હતી અને તે કેન્દ્રીય અને રાજ્ય પોલીસ દળોને ટીયર ગેસના શેલ પૂરા પાડે છે.

Web Stories View more

ગરમીમાં વારંવાર થઈ જતા Loose Motionથી બચવા શું કરશો? જાણો અહીં.

ઉનાળામાં હાર્ટ એટેક આવવાના 1 મહિના પહેલા શરીરમાં દેખાય છે આટલા લક્ષણ

WhatsApp એ લોન્ચ કર્યું ચેટ ફિલ્ટર, ચેટ જોવા માટે સ્ક્રોલ કરવું નહીં પડે

આજનું રાશિફળ તારીખ : 23-04-2024

500 કરોડની આ આલીશાન હોટલમાં અનંત રાધિકા કરશે લગ્ન !

અંબાણી પરિવારમાં હાઇટમાં સૌથી ઊંચું કોણ? જાણો મુકેશ અંબાણીની ઊંચાઈ કેટલી

BSFએ વીડિયો કર્યો છે જાહેર

ફોર્સ દ્વારા શેર કરવામાં આવેલા વીડિયોમાં, ધાતુના પાંજરામાં રાખવામાં આવેલા છ ટીયર ગેસના શેલને ડ્રોન દ્વારા નિર્ધારિત સ્થળે હવામાંથી છોડવામાં આવતા જોઈ શકાય છે. બોર્ડર સિક્યુરિટી ફોર્સ ખાસ કરીને પાકિસ્તાન અને બાંગ્લાદેશ સાથેની ભારતીય સરહદોની સુરક્ષા માટે તૈનાત છે. આ ઉપરાંત દેશની આંતરિક સુરક્ષાના ક્ષેત્રમાં પણ દળો વિવિધ પ્રકારની ભૂમિકા ભજવે છે.

The 42nd Annual Governing Body Meeting of the Tear Smoke Unit of BSF, MHA was held at BSF HQ, Delhi today under the chairmanship of DG BSF Sh Pankaj Kumar Singh, which was attended by senior Officers of BPR&D, CRPF, MHA, Delhi Police,Ordnance Factories Board & Ministry of Finance pic.twitter.com/EZObXObmBJ

— BSF (@BSF_India) September 2, 2022

વિદેશી શસ્ત્રો પર ભારતની નિર્ભરતા ઘટી

આ બેઠક દરમિયાન BSFના મહાનિર્દેશક પંકજ કુમારે TSUની પ્રશંસા કરી હતી. કારણ કે TSU પોલીસ અને સુરક્ષા દળો માટે વિવિધ પ્રકારના બિન-ઘાતક શસ્ત્રો લાવી હતી. કુમારે કહ્યું, “આ વસ્તુઓના સ્વદેશી ઉત્પાદને વિદેશી શસ્ત્રો પર ભારતની નિર્ભરતામાં નોંધપાત્ર ઘટાડો કર્યો છે.” બીએસએફના પ્રવક્તાએ જણાવ્યું હતું કે, ટીએસયુ ઘણા વધુ લેક્રીમેટરી મ્યુનિશન્સ, ફ્લેશ-બેંગ શેલ્સ, ઈમ્પેક્ટ મ્યુનિશન અને વિશેષ કામગીરી માટે કસ્ટમાઈઝ્ડ પ્રોડક્ટ્સનું ઉત્પાદન કરે છે.

(ભાષા ઇનપુટ સાથે)